Fálase

Rueda censura que a manifestación de Queremos Galego no Día das Letras "tiña moito de político e ese non é o camiño". O presidente da Xunta reprocha que na mobilización houbo "moitas bandeiras e símbolos dun determinado partido político" cando "o galego é de todos", sinala nun contexto no que reitera que a Xunta prevé presentar a súa proposta de "gran pacto pola lingua" antes "de que remate este primeiro semestre do ano". "Agardo que todos aqueles que queiran acordar estean á altura", agrega. [Imaxe: CC BY-SA David Cabezón]

• "Imos reverter a emerxencia lingüística": milleiros de persoas reclaman en Compostela o galego como lingua vital
• Rueda defende apoiar o idioma con “liberdade” para "convencer, xamais impoñer”

🛰️ Onte era Día das Letras Galegas e a portada de Praza estaba en galego. E todas as informacións

👅 ✅E hoxe? Tamén, claro

🤗 Faite de Praza dende 5€/mes 

↪️Ata o 80% devólvencho na declaración da renda

💻🎁 E ademais, se te fas de Praza.gal antes de que remate o mes, levas de balde un dominio .gal e un servizo de hosting grazas á colaboración coa Asociación de Medios en Galego, PuntoGal e Dinahosting.

Raquel Arias remudará a Elena Candia na vicepresidencia do Parlamento. Quen fora rexedora de Sober e delegada lucense da Xunta remudará a Candia tras a súa marcha obrigada do lexislativo polo triunfo da moción de censura do PP coa tránsfuga no Concello de Lugo, toda vez que a condición de alcaldesa é legalmente incompatible coa de deputada. Arias xa foi parte da Mesa do Parlamento na lexislatura iniciada en 2016, ano no que competiu coa propia Candia polo liderado provincial do PP.

• HEMEROTECA (2016) | Elena Candia imponse a Raquel Arias e presidirá o PP de Lugo
• HEMEROTECA (2016) | Unha denuncia de fraude crispa o único congreso provincial do PPdeG con máis dunha candidatura 

O PP perde a absoluta en Andalucía pero mantén a folgada primeira posición nun Parlamento con ampla maioría de dereitas. Os de Moreno Bonilla quedan con 53 escanos, 5 menos que hai catro anos e dous por baixo da absoluta tras caer algo máis de punto e medio. Mentres, a extrema dereita de Vox medra algo menos de medio punto e un escano ata 15, pero recupera influencia. Pola esquerda o PSOE, segunda forza, cae dous escanos e algo máis que un punto mentres que a formación andalucista de Adelante Andalucía cuadriplica resultados, de 2 a 8 escanos, e Por Andalucía, a coalición da que participan IU, Sumar e Podemos, queda cos 5 escanos que tiña.

• AMPLIAMOS 👉 Andalucía ratifica a ligazón do PP de Feijóo con Vox malia a caída do PSOE

Faite de Praza neste mes das Letras e leva un .gal de balde. Todas as persoas que se fagan socias de Praza.gal dende o propio Día das Letras, 17 de maio, e ata o día 31 do mesmo mes -incluído- disporán dun dominio .gal e dun servizo de aloxamento web -hosting- durante un ano completamente de balde. Ou, o que é o mesmo, un agasallo valorado en algo máis de 170 euros. Moitas das cabeceiras informativas que traballan cada día en galego colaboramos na Asociación de Medios en Galego que, un ano máis, xunta esforzos con PuntoGal, a entidade xestora do dominio galego en internet, e mais coa provedora de servizos Dinahosting para celebrar cun agasallo especial o xornalismo en galego mediante a iniciativa Subscríbete ao galego

A patronal do metal acada un preacordo de convenio con CC.OO. e UXT. Os sindicatos CC.OO. e UXT acadaron este venres un preacordo coa patronal para asinar o próximo convenio do metal da provincia de Pontevedra, que terá catro anos de duración e establece unha suba salarial do 15 % até 2029. Desde CIG-Industria rexeitan o acordo porque, aseguran, non garante unha revisión salarial ligada ao IPC durante os catro anos, o que significa abrir a porta a seguir perdendo poder adquisitivo. “Despois dunha mobilización histórica, o pactado non está á altura e constitúe un desprezo ás persoas traballadoras que defenderon na rúa a oportunidade de avanzar en dereitos”, lamentan desde a central sindical.

O Colexio Médico de Pontevedra equipara a resposta dunha enfermeira cos consellos das redes sociais ou da intelixencia artificial nunha campaña publicitaria para animar a confiar nos consellos médicos. CIG-Saúde, sindicato maioritario no Sergas, esixe a "retirada inmediata" e unha "desculpa pública explícita ao colectivo enfermeiro". CCOO censura o que considera un "desprestixio e menosprezo ao labor profesional da enfermaría" e un "ataque directo á dignidade desta profesión".O cartel está a ser difundido a través de internet e, cando menos, tamén nun diario impreso [Imaxe: Colexio Médico de Pontevedra]

• HEMEROTECA | Galicia segue perdendo enfermeiras por emigración mentres precisa 10.000 para acadar a media da UE
• HEMEROTECA | O desleixo do Sergas coas enfermeiras tamén nas súas fundacións: un retrato xudicial
• HEMEROTECA | A enfermaría volve á rúa para denunciar o "uso abusivo de contratos precarios" no Sergas

A Universidade de Vigo celebra este venres a segunda volta das eleccións ao Reitorado. 21.179 integrantes da comunidade universitaria están convocados para elixir a primeira reitora da historia da institución: Carmen García Mateo (Nós Universidade) ou Belén Rubio Armesto (H2040). Na primeira volta, a candidata de Nós Universidade obtivo máis apoios, co 40,3% dos votos ponderados, fronte ao 33,9% de Belén Rubio e o 25,8% de Jacobo Porteiro, que fica polo tanto fóra da segunda volta. As urnas estarán abertas entre as 10 e as 18 horas e os resultados do escrutinio publicaranse en tempo real nesta web.

• A UVigo tamén terá reitora: Carmen García Mateo e Belén Rubio pasan á segunda volta

Nova xornada de folga e manifestación no metal da provincia de Pontevedra, con máis de 2.000 persoas nas rúas de Vigo. A patronal convocou mañá a CIG, CCOO e UGT para tratar de alcanzar un preacordo para un novo convenio colectivo. De non haber avances significativos na xuntanza, os sindicatos anuncian que levarán as mobilizacións a Navalia. O metal da provincia da Coruña convocou tamén folga para o día 19. Foto: CC-BY-NC-SA CIG.

O goberno do PP en Lugo asegura que virar Promoción da Lingua nun servizo compartido entre dúas concellerías suporá "reforzar" esta política e non "reducila". O gabinete de Elena Candia, nun comunicado en resposta ao BNG, asegura que a súa "reorganización non supón nin a eliminación nin a redución das políticas de promoción do galego" senón "reforzar a presenza da lingua dende un enfoque transversal". Promoción da Lingua era parte da concellería de Cultura e Turismo no goberno de Lugo e, co decreto de organización ditado por Candia tras a moción de censura coa  edil tránsfuga, o Servizo de Cultura, Turismo e Promoción da Lingua queda "compartido" entre as áreas de Cultura, Educación, Deportes, Infancia e Xuventude e de Turismo e Museos. Na imaxe, Candia presentando un certame poético canda o secretario xeral da Lingua, o pasado martes [© Concello de Lugo]

• O BNG denuncia que Candia eliminou a área de Promoción da Lingua do Concello de Lugo
• Candia procura blindaxe legal á participación da tránsfuga no goberno de Lugo cun inédito decreto