Fálase

O ‘número 2’ do PPdeG fai responsable a Casado de que Mañueco tivese liberdade para pactar con Vox en Castela e León e lembra que Feijóo aínda non é presidente do PP. Tras as críticas que está recibindo Feijóo polo pacto, que el mesmo xustifica como “lexítimo”, Miguel Tellado lembra agora que tras as eleccións do pasado a dirección estatal de Casado autorizou a Mañueco a negociar o goberno tras as eleccións do pasado 13 de febreiro e que Feijóo aínda non é o presidente do PP senón que "o presidente do PP chámase Pablo Casado".

Os letrados da Administración de Xustiza destinados nos xulgados de instrución da Coruña súmanse á reclamación dos xuíces á Xunta para que mellore o servizo. Reclaman que o Goberno galego facilite os medios para implantar gardas rotatorias de 24 horas. Na imaxe, da Xunta, a inauguración da nova sede xudicial da Coruña hai cinco anos.

• HEMEROTECA | Xuíces de Vigo e da Coruña critican á Xunta por non mellorar o servizo á cidadanía malia ter orzamento estatal para facelo

O TSXG autoriza a Xunta a prorrogar ata o 26 de marzo a esixencia do certificado COVID (de vacinación, recuperación ou proba negativa) para visitas e acompañamentos en hospitais e residencias da terceira idade. O Tribunal considera que a medida "protexe persoas especialmente vulnerables" nun contexto no que a COVID, malia á tendencia "decrecente", aínda ocupa "significativos recursos do sistema público de saúde".

• A COVID vira en ruído de fondo dous anos despois do primeiro caso detectado en Galicia

Morre aos 78 anos Magín Froiz, fundador da cadea de supermercados Froiz. O Concello de Poio fixo públicas as súas condolencias traslada "á familia, amizades e achegados e achegadas de quen foi un dos grandes embaixadores" da vila, indica. Pontevedra Viva traza o perfil do empresario [Imaxe: Concello de Poio]

O PP pecha un pacto con Vox para gobernar en Castilla y León. O acordo chega menos de vinte e catro horas despois de que Feijóo formalizase a candidatura a presidir o seu partido como remuda de Pablo Casado. Foi confirmado polo presidente en funcións desa comunidade autónoma, Alfonso Fernández Mañueco, que con este bipartito coa formación de extrema dereita garante a súa continuidade no cargo. Na imaxe, Feijóo e Mañueco nun acto da campaña electoral castelá e leonesa.

• AMPLIAMOS 👉 Feijóo culpa o PSOE do bipartito de PP e Vox en Castela e León e pide non recibir críticas preventivas como en 2009
• HEMEROTECA | O PP logra seguir no goberno do seu feudo de Castela e León, agora nas mans da extrema dereita
• HEMEROTECA (2019) | Feijóo considera o pacto con Vox “homologable a calquera goberno europeo”

Coincidindo do 50 aniversario das protestas dos traballadores de Ferrol, vén de publicarse o trailer do filme '10 de marzo', que afonda nos feitos que deron orixe ao Día da Clase Obreira Galega. A longametraxe, dirixida por Roi Cagiao, chegará ás salas de cinema nos últimos meses deste ano

• Interactivo | O 10 de marzo, 50 anos despois: o día que o movemento obreiro fixo abalar a ditadura en Ferrol
• Entrevista | Sari Alabau: "A unión dos traballadores fixo posible acabar coa ditadura. As cousas moi difíciles pódense conseguir se nos xuntamos"

Feijóo rexistra na sede central do PP en Madrid a súa candidatura a presidir o partido en substitución de Pablo Casado e di ofrecer "moderación e serenidade". [Imaxe: PP]

• Feijóo non aclara ao Parlamento cando deixará a Xunta e insinúa que Pontón e Formoso deben dimitir
• Feijóo gobernará a Xunta "en contacto telefónico permanente" durante a súa xira de mitins internos para facerse co PP

A Cooperativa de Armadores de Pesca do Porto de Vigo manifesta que unha parte “importante” da frota pesqueira da área viguesa, incluída a do cerco, vese obrigada “a paralizar a súa actividade e permanecer no porto debido ao incremento incesante do gasóleo”. Así, trasladan ao Goberno de España a “necesidade, imperiosa e urxente, de que se proceda á activación das axudas de 'minimis”, cuxa cuantía xa foi incrementada pola situación derivada da COVID. Con todo, aseguran que estas medidas “non serán suficientes”. [Imaxe: CEPESCA]

‘9 Fugas’, filme de Fon Cortizo que vén de obter varios recoñecementos internacionais, proxéctase nos próximos días en varios cines do país con coloquios posteriores co director. Nos Multicines Norte de Vigo estará en carteleira toda a semana a partir do venres 11, e o domingo 13 ás 19.30 será o pase no que participará o director. En Numax, en Santiago, o coloquio será o luns 14 ás 19.30. En Ferrol, no Dúplex Cinema, será o sábado 19 ás 19.40. O filme tamén se proxectará no Círculo de Bellas Artes de Madrid o sábado 12.

• ENTREVISTA | Fon Cortizo: “Na intimidade podemos ser represores de nós mesmos ata puntos patolóxicos”

Estados Unidos prohibe as importancións de gas e petróleo de Rusia. Toma a decisión á marxe da UE, que avala regular prezos ante a crise derivada da invasión de Ucraína. Foto: CC-BY-SA Gage Skidmore. 

• O custo do gas desbócase coa guerra, dispara o recibo da luz e evidencia as eivas do sistema de fixación de prezos