A primeira iniciativa de Feijóo como senador por designación do Parlamento de Galicia é unha pregunta a Pedro Sánchez sobre se "considera que o seu Executivo está á altura das necesidades das familias españolas". O líder do PP formúlaa no pleno do Senado que principia este martes.
O xuíz prohibe saír de España ao patrón do 'Villa de Pitanxo' tras a súa declaración como investigado pola súa presunta responsabilidade no afundimento do pesqueiro galego o pasado 15 de febreiro en Terranova, no que morreron 21 mariñeiros. O maxistrado da Audiencia Nacional retiroulle o pasaporte a Padín, que ten a obriga de comparecer cada quince días en sede xudicial.
EN VINTE | Oínte na rede. Os 100 artistas galegos máis escoitados en Spotify. VINTE preguntouse como andarían de oíntes os artistas galegos (collendo este concepto con amplitude) en Spotify e atopou algúns resultados curiosos. Podes lelo aquí
O Racing de Ferrol perde 0-1 ante o Nàstic de Tarragona e queda eliminado da fase de ascenso a Segunda División. Este sábado o Deportivo si logrou o pase á súa final, que xogará o vindeiro sábado contra o Albacete.
O Deportivo gaña 4-0 ao Linares e clasifícase para a final das eliminatorias de ascenso a Segunda División, que xogará o vindeiro sábado contra o Albacete tras gañar este 2-1 ao Rayo Majadahonda en Balaídos.
Unha manifestación convocada por máis de douscentos colectivos reclama este domingo en Santiago un novo modelo de desenvolvemento da enerxía eólica. O xoves Pontón e Formoso, líderes de BNG e PSdeG, propuxeron participación pública fronte á “especulación” privada, e o martes as principais organizacións ecoloxistas acusaron á conselleira de Medio Ambiente de ocultar o impacto do sector eólico.
Rueda presenta unha nova campaña da Xunta polo Xacobeo, "Camiña a Galicia", que pon o foco no AVE e nos visitantes internacionais e que incluirá “concienciación para ofrecer un bo trato aos turistas”.
Unha denuncia da xefa da Policía Local de Ourense activa o protocolo anti acoso no Concello. O alcalde, Pérez Jácome, critica que "hai funcionarios que non a rascan" e que alegan acoso cando os poñen "no seu sitio".
Atopan na ría de Arousa por primeira vez un exemplar de Odontaspis ferox, un tiburón que acostuma habitar as augas máis cálidas do océano Atlántico e do Pacífico. Trátase dunha hembra adulta [na foto, © CEMMA/Diversimar] de 3,3 metros de lonxitude que se adentrou na ría e quedou varada en Vilanova de Arousa, segundo informaron desde a Coordinadora para o Estudo dos Mamíferos Mariños (CEMMA). É unha especie vulnerable que figura na listaxe vermella internacional de especies ameazadas, que xestiona a IUCN (a unión internacional para a conservación da natureza).
Rueda salienta o “potencial” de Galicia en materiais críticos mentres mantén en segredo un informe sobre os mesmos por medo a “movementos especulativos”. O presidente participa no 50 aniversario de Ferroglobe na súa planta de Sabón xunto ao conselleiro delegado do grupo Villar Mir, Javier López Madrid, xenro do fundador e implicado en casos de corrupción e para quen a Fiscalía pide cadea por acoitelar a unha antiga amiga.
