Fálase

En galego nas redes e nas rúas: quince creadoras de contido animan a manifestarse con Queremos Galego no vindeiro Día das Letras.

• Queremos Galego chama a manifestarse o 17 de maio para reclamar a aplicación do Plan de Normalización aprobado hai 20 anos
• EN VINTE | Prado Rúa: «Pois si, son unha influencer»
• EN VINTE | Blondiemuser: Cando a rabia galega viraliza a crise dos ‘pellets’ (e mobiliza os medios)
• EN VINTE | Paula Jorge. Maquillaxe (e outras cousas da vida) sen filtros
• EN VINTE | Sara Seco. A dos 'vlogs' e os consellos para a vida en galego
• EN VINTE | Todo Malva. Sarcasmo e cultura pop en galego para a xeración Z

Segunda morte no traballo en Galicia en apenas vinte e catro horas. Tras o falecemento, este martes, dun traballador esmagado por un eucalipto no alto da Curota, entre Ribeira e A Pobra do Caramiñal, o 112 confirma a morte dun operario dunha canteira en Mondoñedo ao precipitarse por un desnivel coa máquina que manexaba. Ata finais de abril xa morreran cando menos 13 persoas traballando no noso país. Na imaxe, mobilización sindical en Vigo o pasado abril.

• HEMEROTECA | Da construción ao sector servizos: un Primeiro de maio polo traballo seguro

Seis meses despois de crear unha empresa para explotar recursos naturais na que cede o 70% a socios privados, a Xunta retoma a lei que regulará a utilidade pública das súas actuacións. A disolución do Parlamento polas eleccións galegas do 18 de febreiro deixou sen tramitar a lei malia que a empresa xa está a funcionar. 

• A Xunta reduce ao 30% a participación na empresa coa que quere explotar recursos naturais, na que están Abanca ou Ence
• A disolución do Parlamento deixa sen regular a sociedade de explotación de recursos naturais creada pola Xunta e varias empresas

Ignacio Maestro, director de Mobilidade da Xunta desde hai sete anos, é substituído por Judit Fontela, ata agora xefa territorial na Coruña da Consellería de Infraestruturas e Mobilidade. Na nova estrutura do Goberno galego Mobilidade pasou a depender da Consellería de Presidencia de Diego Calvo. Neste espazo podes consultar toda a información que imos dando sobre os conflitos dos buses en Galicia.

• HEMEROTECA (2017) | Feijóo nomea o seu cuarto director de Mobilidade en plena reestruturación das liñas de bus
• HEMEROTECA (2023) | A Xunta pediu ao Consello de Contas que eloxiase as súas novas liñas de bus e a resposta foi que non é o seu traballo

Pere Aragonès non collerá a acta de deputado e abandonará a primeira liña política. O ata agora president da Generalitat e candidato nas eleccións catalás deste 12M por ERC, asegura que o fai "por responsabilidade co país" e co seu partido tras os malos resultados da formación republicana. Pola súa banda, Carles Puigdemont, líder de Junts, avanza que ten a intención de presentarse como candidato á investidura no debate que terá lugar no Parlament.  

• O PSC de Salvador Illa gaña as eleccións en Catalunya e o soberanismo perde a maioría

A parella de lagarteiros que seguen en directo no proxecto Bird Brother, da granxa ecolóxica Casa Grande de Xanceda, o IES de Curtis e o Grupo Naturalista Habitat, continúa coa observación de como se relacionan coas súas crías e as alimentan. O lagarteiro é unha especie "asociada ao mosaico agrícola galego" que está en declive. O directo desde a casa-niño pódese seguir aquí. 

• +INFO | Bird Brother: a vida (dos lagarteiros) en directo desde a Casa (Grande de Xanceda)

O Deportivo da Coruña ascende á Segunda división do fútbol masculino. O conxunto coruñés consuma o seu regreso ao fútbol profesional tras vencer 1-0 ao Barça Atlètic en Riazor. Milleiros de persoas celebran o ascenso nas rúas da cidade. O ascenso chega menos dun mes despois do logrado polo equipo feminino do club á Primeira [Imaxe: RC Deportivo]

• HEMEROTECA | As xogadoras do Dépor abren un mes que pode ser histórico para o fútbol, baloncesto, hóckey ou o rugby da Coruña

O Obradoiro descende á Liga LEB tras trece anos na ACB. O conxunto compostelán perde a categoría malia a súa ampla vitoria ante o Joventut de Badalona (97-71) en Sar, xa que para mantela precisaba dunha derrota do Granada ante o Gran Canaria que non se produciu.

• AMPLIAMOS 👉 O Obradoiro despídese da ACB tras 13 tempadas e non acompañará a Breogán e Basquet Coruña

ERC e Junts piden alongar a xornada electoral pola incidencia en Rodalies. ERC e Junts decidiron pedir ás xuntas electorais provinciais que se prolongue a xornada electoral deste domingo en Cataluña pola incidencia xeneralizada en Rodalies tras un roubo de cobre que paralizou a liña de Renfe. A participación nos comicios cataláns deste domingo sitúase ás 18.00 no 45,80%. A cifra é 0,19 puntos superior á dos comicios de 2021 cando a afluencia ás urnas foi do 45,61% á mesma hora, unha cifra moi baixa afectada aínda pola pandemia.

• O regreso de Puigdemont e catro claves máis sobre a batalla do 12M

O PSdeG cualifica de "incoherente e lesiva" a extinción da Axencia Galega da Industria Forestal. A portavoz de Política Forestal do Grupo Socialista, Carmen Dacosta vén de presentar unha iniciativa parlamentaria para preguntar ao Goberno galego pola absorción da axencia forestal pola Consellería de Economía. Carmen Dacosta advirte de que esta decisión, que tomou o presidente da Xunta o pasado 22 de abril, supón “un gran paso atrás na aposta polas políticas públicas ligadas ao monte e á industria da madeira”.

• HEMEROTECA: O TSXG obriga a Medio Rural a facer indefinido un bombeiro forestal que levaba desde 1994 como interino