Fálase

A asociación Dereito a Morrer Dignamente concéntrase en Santiago polo Día da Morte Digna en Galicia, na data do aniversario da morte de Ramón Sampedro. Dende hai xá 26 anos este é un día sinalado na reivindicación da liberdade das persoas e na defensa do seus dereitos, tamén na etapa final das súas vidas. Este colectivo solicitou no Parlamento un recoñecemento oficial desta data ao considerar que "contribuirá ao progreso na atención e coidado ás persoas na etapa final da súa vida, ao respecto á súa autonomía e liberdade, e ao progreso da morte digna".

• HEMEROTECA | O 'Día da Morte Digna' lembra os 25 anos do pasamento de Ramón Sampedro e reclama a defensa deste dereito
• HEMEROTECA | Dereito a Morrer Dignamente critica que a Xunta está a "entorpecer" a aplicación da lei de eutanasia

Lara Méndez formaliza a súa renuncia como alcaldesa de Lugo para concorrer ás eleccións galegas como número dous da lista lucense do PSdeG, que encabeza José Ramón Gómez Besteiro. No seu derradeiro pleno como rexedora, Méndez subliñou que  mantén o "compromiso de seguir traballando por e para Lugo" dende as súas novas responsabilidades. Á espera da elección da nova alcaldía, posto para o que se perfila a concelleira socialista Paula Alvarellos, o bastón de mando fica provisionalmente nas mans de Rubén Arroxo (BNG), primeiro tenente da Alcaldía. [Imaxe: Concello de Lugo]

• Lara Méndez deixa a alcaldía de Lugo e será a 'número 2' do PSdeG tras Besteiro na lista por esa provincia
• ENTREVISTA (xuño 2023) | "A veciñanza de Lugo primou un goberno progresista e de boas prácticas fronte á mala praxe e a crispación"

O Salario Mínimo Interprofesional subirá ata 1.134 euros mensuais en catorce pagas, 54 máis que actualmente. O Ministerio de Traballo acorda cos sindicatos CC.OO. e UGT esa alza dun mínimo do 5% mentres a patronal CEOE se desmarca.

• HEMEROTECA | O salario medio en Galicia aumentou un 3% en 2022, tres veces menos que os prezos

Suráfrica presenta a súa acusación contra Israel na Corte Internacional de Xustiza acusándoo de manter "un patrón de conduta xenocida" en Gaza con "asasinatos en masa". Este venres é a quenda das autoridades israelís para responderen os argumentos expostos polo Goberno surafricano. Nesta ligazón pódese consultar íntegra a acusación de Suráfrica no tribuna da Haia. Na imaxe [© UN Photo/ICJ-CIJ/Frank van Beek. Courtesy of the ICJ], un intre da sesión.

• HEMEROTECA | Israel acusa o secretario xeral da ONU de ser "un perigo para a paz mundial" por pedir un alto o fogo
• HEMEROTECA | "De Gaza non se pode escapar, está pechada a cal e canto por Israel"

Principio de acordo entre sindicatos e Vitrasa para desconvocar a folga do transporte urbano de Vigo. O preacordo acadado este xoves inclúe subas salariais ou a retirada das sancións pola folga do Marisquiño, segundo informou o comité de empresa nun comunicado. Os traballadores decidirán en asemblea durante este venres se ratifican a proposta.

• HEMEROTECA | Cronoloxía do conflito de Vitrasa: dous anos de protestas no transporte urbano de Vigo

Unha caída eléctrica paraliza a circulación en tren desde A Coruña. Unha avaría que afecta á sinalización e ao control de tráfico impide a saída e a chegada de trens e afecta centos de usuarios. Hai varios trens afectados, algúns sen saír e outros retidos. 

Os sindicatos cualifican de "alto" o seguimento da folga convocada en Abanca por CIG e ASCA en demanda de melloras que "compensen a perda de poder adquisitivo" do persoal. O paro "supera as expectativas" sindicais e provocou o peche de oficinas nunha xornada na que está convocada unha manifestación na Coruña. Máis información, hoxe en Praza.gal. 

A Audiencia Nacional absolve a Iberdrola e desbota que delinquise na xestión das súas centrais do Sil para subir o prezo da electricidade. A Comisión da Competencia multara á empresa por manipular o prezo da luz en 2013 pero a xustiza atribúe o ocorrido á meteoroloxía. [Imaxe: Iberdrola]

• HEMEROTECA | Comeza o xuízo a Iberdrola por manipular centrais do Sil para encarecer a electricidade e dous directivos acusan a un ordenador
• HEMEROTECA | A Audiencia Nacional procesa a Iberdrola por manipular as súas centrais no Sil para inflar os prezos da electricidade

Podemos tomba o decreto do subsidio de paro e fai fracasar a medida impulsada polo Ministerio de Traballo. A formación morada si votará a favor dos decretos ómnibus e de escudo social. 

• AMPLIAMOS | Sánchez salva os decretos anticrise e ómnibus que bloqueaba Junts pero a reforma do paro de Díaz bate con Podemos
• HEMEROTECA | A reforma do subsidio de desemprego increméntao ata os 570 euros e faino compatible cun traballo
• HEMEROTECA | O Goberno de España mantén os descontos en transporte e alimentos e o imposto á banca

A OPE (oferta pública de emprego) en educación para este ano consta de máis de 1.700 prazas, 520 delas en Primaria e Infantil e outras 875 en Secundaria. A Consellería traslada o borrador coa oferta aos sindicatos para abordalo o martes na mesa sectorial.