O SMI subirá un 5,3%, ata os 1.286 euros brutos ao mes. O incremento do salario mínimo interprofesional será aprobado este martes no Consello de Ministros, segundo anunciou a ministra de Traballo, Yolanda Díaz, que asegura que a suba aprobarase para que chegue á clase traballadora "de maneira íntegra, sen pagar impostos".
Fálase
A Xunta recibe o embaixador da República Socialista de Vietnam para tratar "relacións económicas e comerciais". O conselleiro de Presidencia, Diego Calvo, e a directora do Igape, Covadonga Toca, reunirónse con Do Hoang Linh na súa primeira visita institucional a Galicia.
- HEMEROTECA (15/4/2026) | Rueda viaxa á China en plenas críticas do PP e Feijóo a Sánchez por facer o mesmo
- HEMEROTECA (24/11/2018) | O PP ataca a viaxe de Pedro Sánchez a Cuba tras dúas visitas oficiais de Feijóo á illa
Yolanda Díaz retira a súa candidatura á Dirección Xeral da Organización Internacional do Traballo antes do inicio da votación. A vicepresidenta e ministra de Traballo lamenta, nunha carta feita pública a primeiras horas deste luns, que a dirección da Confederación Sindical Internacional (CSI) "impida a liberdade de voto" dos seus representantes na OIT, facilitando así a continuidade da actual directiva encabezada por Gilbert Houngbo, que "levou a OIT á peor crise da súa historia", censura. Na imaxe, Díaz comparecendo tras un Consello de Ministros [© Goberno de España]
As fortes chuvias derruban unha ponte en Vilamartín de Valdeorras na estrada entre Baxeles e San Vicente de Leira. As riadas están a castigar con dureza a comarca que fora unha das zonas cero dos incendios forestais de 2025. O Concello contempla "se fose necesario, unha evacuación de emerxencia" para a veciñanza afectada.
- 📺 HEMEROTECA | VÍDEO - Retorno á zona cero dos incendios dende o ceo para non esquecer
O Tribunal Constitucional aborda o luns o recurso do Concello de Pontevedra contra a sentenza do Supremo que avalou a prórroga de Ence. A Sala Segunda do Tribunal de Garantías incluíu o caso entre os "asuntos para resolver por sentenza" na sesión deste 16 de novembro, coa maxistrada Inmaculada Montalbán como relatora. En 2023 o Supremo corrixiu a sentenza da Audiencia Nacional que en 2021 anulara a prórroga concedida polo Goberno de Rajoy en funcións para que a celulosa puidese continuar á beira da ría ata 2073. [Imaxe: © Ence]
- HEMEROTECA | A pugna sobre a permanencia de Ence na ría, camiño do Constitucional e da UE tras o aval definitivo do Supremo
- HEMEROTECA | O Tribunal da UE advirte de que prórrogas como a de Ence deben saír a concurso público
- HEMEROTECA | O ex-ministro Caamaño e un ex-presidente da Audiencia Nacional, no equipo co que Pontevedra busca anular a sentenza de Ence
- HEMEROTECA | A ría de Pontevedra, ata 115 anos xunguida a Ence coa blindaxe do PP que agora avala o Supremo
O PPdeG propón para o Tribunal Constitucional a Roberto Blanco Valdés e Juan Raposo Arceo. O Senado elixe os catro maxistrados do Constitucional que lle corresponden de entre as propostas que formulan os parlamentos autonómicos, e esta será a que faga o Parlamento de Galicia o vindeiro martes grazas á maioría coa que conta o PP. Na imaxe, da Xunta, Blanco Valdés.
📚 Catro libros de edición galega son recoñecidos cos premios aos Libros Mellor Editados en España, que convoca o Ministerio de Cultura:
- ABC Seoane, de Piu Martínez, Cibrán Rico e Suso Vázquez, editado por Fabulatorio e a Fundación Luis Seoane foi galardoado co primeiro premio na categoría de Libro Infantil e Xuvenil.
- Miradas do camiño, de Manuel Quintana Martelo, editado por Teofilo Comunicación, levou o segundo premio na categoría de Libros de Arte.
- Eu non canto por cantar, unha selección do cancioneiro popular galego, de Manuel Rico e Antón Santamarina, editado por Fabulatorio, obtivo o segundo premio na categoría de Libro de Divulgación.
- Sonetos del amor oscuro, de Federico García Lorca, de Alvarellos Editora coa maquetación de Xacobe Neto Casas, foi recoñecido co terceiro premio na categoría de Libros Facsímiles.
Lula viaxará o vindeiro luns a España para apoiar a Pedro Sánchez durante a campaña electoral para o 29N. O presidente do Brasil inclúe unha parada en Madrid na volta do viaxe que fará ás Filipinas.
O decreto do Goberno de España co groso das medidas urxentes de vivenda seguirá en vigor. A Deputación Permanente do Congreso convalidou medidas coma o freo a desafiuzamentos para poboación vulnerable, a prórroga de contratos de alugueiro que venzan ata o 31 de decembro de 2028 ou máis impostos aos pisos turísticos, especialmente en zonas tensionadas como A Coruña e Santiago, entre outras medidas. Saíu adiante caos votos dos grupos que sustentan o Goberno (PSOE e Sumar) xunto a ERC, EH Bildu, PNV, Podemos e o BNG. Como se prevía, o segundo dos decretos, que contemplaba unha renovación automática xeral de contratos de alugueiro, quedou derrogado ao non contar co apoio do PNV, coa mesma posición que no primeiro decreto entre o resto de grupos. Na imax [CC BY-SA Praza.gal] unha manifestante na Coruña, este 11N durante a folga xeral.
Resonac vende a súa planta coruñesa a un fondo de capital risco alemán, nunha operación que inclúe o seu negocio de electrodos de grafito en varios países. A factoría galega, con 170 traballadores, pasará a depender de Aurelius.