Fálase

O Tribunal Constitucional aborda o luns o recurso do Concello de Pontevedra contra a sentenza do Supremo que avalou a prórroga de Ence. A Sala Segunda do Tribunal de Garantías incluíu o caso entre os "asuntos para resolver por sentenza" na sesión deste 16 de novembro, coa maxistrada Inmaculada Montalbán como relatora. En 2023 o Supremo corrixiu a sentenza da Audiencia Nacional que en 2021 anulara a prórroga concedida polo Goberno de Rajoy en funcións para que a celulosa puidese continuar á beira da ría ata 2073. [Imaxe: © Ence]

• HEMEROTECA | A pugna sobre a permanencia de Ence na ría, camiño do Constitucional e da UE tras o aval definitivo do Supremo
• HEMEROTECA | O Tribunal da UE advirte de que prórrogas como a de Ence deben saír a concurso público
• HEMEROTECA | O ex-ministro Caamaño e un ex-presidente da Audiencia Nacional, no equipo co que Pontevedra busca anular a sentenza de Ence
• HEMEROTECA | A ría de Pontevedra, ata 115 anos xunguida a Ence coa blindaxe do PP que agora avala o Supremo

O PPdeG propón para o Tribunal Constitucional a Roberto Blanco Valdés e Juan Raposo Arceo. O Senado elixe os catro maxistrados do Constitucional que lle corresponden de entre as propostas que formulan os parlamentos autonómicos, e esta será a que faga o Parlamento de Galicia o vindeiro martes grazas á maioría coa que conta o PP. Na imaxe, da Xunta, Blanco Valdés.

• A Xunta perdeu 16 dos 19 preitos co Estado abertos no Tribunal Constitucional desde 2009

📚 Catro libros de edición galega son recoñecidos cos premios aos Libros Mellor Editados en España, que convoca o Ministerio de Cultura:

• ABC Seoane, de Piu Martínez, Cibrán Rico e Suso Vázquez, editado por Fabulatorio e a Fundación Luis Seoane foi galardoado co primeiro premio na categoría de Libro Infantil e Xuvenil.
• Miradas do camiño, de Manuel Quintana Martelo, editado por Teofilo Comunicación, levou o segundo premio na categoría de Libros de Arte.
• Eu non canto por cantar, unha selección do cancioneiro popular galego, de Manuel Rico e Antón Santamarina, editado por Fabulatorio, obtivo o segundo premio na categoría de Libro de Divulgación.
• Sonetos del amor oscuro, de Federico García Lorca, de Alvarellos Editora coa maquetación de Xacobe Neto Casas, foi recoñecido co terceiro premio na categoría de Libros Facsímiles.

Lula viaxará o vindeiro luns a España para apoiar a Pedro Sánchez durante a campaña electoral para o 29N. O presidente do Brasil inclúe unha parada en Madrid na volta do viaxe que fará ás Filipinas. 

• ENTREVISTA | Iván López-Díaz: "Tras a derrota da primeira volta Lula convenceuse de que había que traballar doutra forma nas redes"

O decreto do Goberno de España co groso das medidas urxentes de vivenda seguirá en vigor. A Deputación Permanente do Congreso convalidou medidas coma o freo a desafiuzamentos para poboación vulnerable, a prórroga de contratos de alugueiro que venzan ata o 31 de decembro de 2028 ou máis impostos aos pisos turísticos, especialmente en zonas tensionadas como A Coruña e Santiago, entre outras medidas. Saíu adiante caos votos dos grupos que sustentan o Goberno (PSOE e Sumar) xunto a ERC, EH Bildu, PNV, Podemos e o BNG. Como se prevía, o segundo dos decretos, que contemplaba unha renovación automática xeral de contratos de alugueiro, quedou derrogado ao non contar co apoio do PNV, coa mesma posición que no primeiro decreto entre o resto de grupos. Na imax [CC BY-SA Praza.gal] unha manifestante na Coruña, este 11N durante a folga xeral. 

• Mobilizacións de época nas principais cidades culminan a folga xeral en Galicia
• HEMEROTECA | PP, Vox e Junts derrogan os decretos de vivenda
• HEMEROTECA | O Estado autoriza subir o IBI aos pisos turísticos ata un 150% na Coruña e Santiago

Resonac vende a súa planta coruñesa a un fondo de capital risco alemán, nunha operación que inclúe o seu negocio de electrodos de grafito en varios países. A factoría galega, con 170 traballadores, pasará a depender de Aurelius. 

29N O BNG pide participar en La Revuelta. A formación nacionalista fai esta demanda a TVE porque a súa presenza pode "contribuír a achegar a política a públicos que habitualmente non seguen os formatos informativos tradicionais" e cre que é "unha oportunidade" que "non pode quedar limitada a determinadas formacións políticas, deixando fóra outras forzas que tamén contan con representación no Congreso e que representan unha parte importante da cidadanía”. O Bloque tamén solicita a TVE un debate electoral territorial entre as candidaturas galegas ao 29N. 

• A TVG prevé un só debate ás 9:30 da mañá na campaña das xerais

A Deputación Permanente do Congreso vota este xoves os decretos de vivenda cuxa caída no pleno da Cámara Alta polo "non" de PP, Vox e Junts propiciou a convocatoria das eleccións xerais. Entre as medidas en xogo, a moratoria de desafiuzamentos para familias vulnerables, o límite ás subas de arrendamentos ou a suba do IVE para pisos turísticos, entre outras.

• PP, Vox e Junts derrogan os decretos de vivenda
• Eleccións xerais o 29N: todo á vivenda

Ás 00:00 deste xoves, 11 de novembro, principia a folga xeral. Neste espazo podes repasar toda a información publicada por Praza.gal ao respecto nas últimas semanas.

• 🪧AS MOBILIZACIÓNS | Sindicatos e colectivos de vivenda levan ás rúas a folga xeral: convocatorias e horarios
• 📝 GUÍA PRÁCTICA | Teño que avisar de que vou facer folga? 11 preguntas e respostas sobre o 11N
• 📢  AS CONVOCATORIAS | Os sindicatos chaman á folga xeral por "unha vida digna" e "solucións" aos problemas da maioría social
• 🏘 AS RAZÓNS | 11N, folga xeral: "Non é de ningunha organización, é do pobo e para o pobo"
• ✍️ EDITORIAL | Ante a folga xeral do 11N

A borrasca Bruna deixará chuvias e ventos importantes en Galicia desde esta tarde. Metogalicia mantén activados os avisos amarelos nas provincias da Coruña e de Pontevedra, por chuvias de ata 15 litros por metro cadrado nunha hora, e na de Ourense por fortes refachos. Tamén na Costa da Morte e nas Rías Baixas por ondas de ata cinco metros, como advirte a Aemet.