Fálase

O conselleiro de Sanidade nega que o uso da aplicación do Sergas sexa unha barreira para a poboación de máis idade: "E unha merda", usan a tecnoloxía "que te cagas", afirmou Antonio Gómez Caamaño durante unha conferencia en Vigo, na que apoiou a súa afirmación no alto nivel de uso de Sergas Móbil e outros servizos que permiten acceder a prestacións da sanidade pública sen acudir presencialmente ao centro de saúde.

• HEMEROTECA | Sanidade aplaude que desta volta só marche o 20% do persoal médico de familia formado no Sergas
• HEMEROTECA | O incendio que acelerou a dixitalización do Sergas: 20 anos da historia clínica electrónica
• HEMEROTECA | O Sergas prevé estender as consultas por videoconferencia en atención primaria e hospitalaria

Pescados Rubén entra en concurso de acredores. A empresa mariñá entrara xa en preconcurso en novembro polas débedas con bancos e financeiras. O Xulgado de Primeira Instancia número 2 de Lugo vén de aceptar a solicitude e confirma unha oferta de adquisición da nave e a produción.

• A crise de Pescados Rubén deixa no aire 80 empregos na Mariña

O BNG esixe revelar todo o contido do acordo asinado con Altri en 2021 pola empresa que creou a Xunta con Abanca para captar fondos europeos. Ese "acordo político", di o deputado Luís Bará, deixou todo "amañado para un final que vai ser a aprobación do proxecto" e que, coida, xa prevía a implantación da "macrocelulosa" en Palas "con todas as bendicións do PP", favorecendo unha "segunda onda eucaliptizadora". A existencia dese "memorando de entendemento" entre Altri e Impulsa Galicia foi comunicado pola compañía ao regulador do mercado de valores portugués, pero o seu contido non é público.

• O que é público (e o que non) do pacto da Xunta con Altri
• HEMEROTECA | Contas volve esixir transparencia e "control público" na empresa coa que a Xunta impulsa o proxecto de Altri
• HEMEROTECA | Altri triplicou a produción prevista na súa fábrica galega dende que pactou coa empresa da Xunta

As oposicións de Educación xa teñen data: serán o sábado 21 de xuño. A oferta pública de emprego constará de 1.664 prazas de 50 especialidades distintas. 

O Parlamento votará a reprobación de José Manuel Baltar como senador pola súa condena por delito contra a seguridade viaria. O BNG insire a iniciativa na orde do día do vindeiro pleno tras a sentenza na que o Supremo concluíu , "sen lugar a ningunha dúbida", que o ex-presidente da Deputación de Ourense circulaba a máis de 200 por hora aos mandos dun coche oficial da institución. O Bloque resalta que reclama a dimisión do popular "pola comisión do delito e pola falta de exemplaridade que supón". O PP, a través de Rueda e tamén de Feijóo, xa avalou a súa continuidade no cargo. [Imaxe: CC-BY-SA David Cabezón / Xunta]

• Baltar, un ano sen carné e 1.800 euros de multa por delinquir aos mandos do coche oficial
• A segunda sentenza penal contra o baltarismo tamén chega co condenado fóra da Deputación

O Goberno de España aproba o anteproxecto de lei e dá o primeiro paso para reducir a xornada laboral a 37,5 horas. "Hoxe é un día histórico", di Yolanda Díaz, ministra de Traballo. 

Álex López deixa o fútbol. O capitán do Racing de Ferrol e ex-xogador do Celta, entre outros equipos, asumirá outras funcións dentro do club ferrolán, segundo vén de anunciar a entidade. 

Este luns entra en servizo o treito Palas-Melide da autovía A-54 entre Lugo e Santiago, de algo máis de 11 quilómetros. Faino case trinta anos despois da primeira pedra do primeiro treito, da Lavacolla a Compostela e coa recomendación de que os camións sigan circulando pola N-547 para evitar colapsar rúas do centro melidao. Aínda resta o tramo final, 16 quilómetros de Melide a Arzúa, que o Ministerio de Transportes prevé finalizar durante este 2025. O ministro Óscar Puente preside a inauguración nunha xornada na que tamén visita as obras da conexión ferroviaria do porto exterior da Coruña. Na imaxe [© Ministerio de Transportes], obras da A-54 entre Palas e Melide, o pasado ano. 

• AMPLIAMOS 👉 O último treito da A-54 Lugo-Santiago, de 16 quilómetros, abrirá en dúas fases durante 2025
• HEMEROTECA | A Audiencia Nacional condena a demora da A-54 Lugo-Santiago: 10 anos nun treito que ía levar 3 e pasou de 88 a 123 millóns
• HEMEROTECA (2013) | Fomento paraliza a autovía entre Lugo e Santiago ata 2015

Hoxe é a Candeloria, "o día que casan os paxariños" ou a Festa da Luz. A Agrupación Cultural Alexandre Bóveda dedícalle un artigo á celebración que marca o inicio do final do inverno: "pola Candeloria, metade do inverno fóra; e se chove e fai vento, metade fóra e metade dentro"

Un mural do artista urbano lucense Tirso Paz, Bublegum, vén de ser galardoado como o mellor do mundo na categoría Artist Choice dos premios internacionais Street Art Cities. Bublegum pintou o seu Ornamental Ocelot en Cheste (Valencia) dentro do festival Graftea Cheste. Tirso Paz destaca que “me gusta dar visibilidade a especies menos comúns e resaltar a biodiversidade do planeta. Quixen crear un gardián que protexese a rúa cunha presenza imponente”.