Fálase

O presidente da Deputación de Pontevedra pide evitar as mobilizacións contra a participación do equipo Israel na Vuelta Ciclista a España malia "entender a preocupación ante o drama de Gaza". Horas antes da etapa da carreira que este martes se celebra na provincia co apoio da institución provincial, Luis López (PP) divulga un vídeo nas redes sociais no que pide que os protagonistas sexan "só a carreira e os ciclistas", afirma que "hoxe é Gaza onte era outro problema e mañá será calquera outro porque o que importa en realidade é axitar sempre unha pancarta" e agrega a petieción de que "todos os partidos, nomeadamente o Bloque, empreguen a súa voz para manifestarse a favor da seguridade na carreira e evitar as imaxes dos últimos días".

• Bandeiras palestinas e varias detencións reciben en Monforte unha 'Vuelta' convertida en protesta contra Israel
• La Vuelta chega a Galicia entre protestas contra o equipo Israel pola invasión de Gaza

A Xunta dá por controlado o incendio iniciado o pasado sábado en Casaio (Carballeda de Valdeorras) tras arrasar unhas 850 hectáreas. O lugar sufriu xa un dos peores incendios do mes de agosto, que ameazou o valioso teixadal de Casaio e queimou o espazo de especial conservación e protección da Rede Natura de Pena Trevinca. Imaxe: Incendios Galicia.

• As montañas máis altas de Galicia, defendidas pola veciñanza, "agonizan" tras o lume
• 145.000 hectáreas ardidas e un propósito: "Pensar nun futuro sen incendios"

O primeiro ministro de Francia, François Bayrou, perde a moción de confianza e terá que dimitir xunto co seu goberno tras só nove meses no cargo. O presidente Macron deberá decidir agora se busca un novo primeiro ministro ou convoca eleccións. Foto: CC BY Jacques Paquier

A poeta ourensá Miriam Reyes gaña o Premio Nacional de Poesía 2025, que outorga o Ministerio de Cultura, e que nas últimas edicións premiou a Chus Pato e Yolanda Castaño. O xurado escolleu o seu poemario Con, publicado pola editorial La Bella Varsovia, porque "participa da conversación pública no que respecta ás posibilidades dos vínculos". "O compás da obra céntrase nas dimensións da relación co outro. E faino desde unha intelixencia lingüística que pensa e conmove, mentres escribe, desde a nudez da conciencia e do corpo", salientan. 

• ENTREVISTA | Yolanda Castaño: "Noutras épocas supostamente as mulleres aspiraban a seren mantidas, agora é a nosa fobia máis radical"
• ENTREVISTA | Chus Pato: "Sempre quixen que nos meus poemas estivese o mundo, non as paixóns tristes"

Pedro Sánchez anuncia a prohibición de venda de armas a Israel e outras oito medidas para deter o "xenocidio" en Gaza. Tamén queda prohibida a escala en portos do Estado español ou o paso polo espazo aéreo de barcos ou avións que transporten armas ou combustible para o exército israelí.

• AMPLIAMOS 👉 Sánchez anuncia nove medidas contra Israel que inclúen o embargo de armas
• O PP tende a afastarse do consenso parlamentario galego a prol do pobo palestino

🇵🇸Unha trintena de vilas e cidades galegas acollen este serán mobilizacións contra o xenocidio de Israel en Gaza e en solidariedade co pobo palestino. As protestas están convocadas pola Coordenadora Galega de Solidariedade con Palestina.

• Bandeiras palestinas e varias detencións reciben en Monforte unha 'Vuelta' convertida en protesta contra Israel
• Mobilizacións en mar e terra apoian en Galicia a saída da 'Flotilla Sumud Global' cara a Gaza
• Nace a plataforma 'Sanidade Galega con Palestina' para denunciar o xenocidio israelí en Gaza
• A Xunta di agora que recibiu o embaixador israelí para "avogar por solucións ao drama" en Gaza
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"

Un incendio iniciado en Casaio (Carballeda de Valdeorras) arrasou xa 850 hectáreas, aínda que dende a Consellería de Medio Rural indícase que "evoluciona favorablemente cara a súa estabilización". O lume orixinouse ás 14.56 horas deste sábado e os traballos de control e extinción están a ser dificultadas polas fortes rachas de vento que se rexistran na zona. O lugar sufriu xa un dos peores incendios do mes de agosto, que ameazou o valioso teixadal de Casaio e queimou o espazo de especial conservación e protección da Rede Natura de Pena Trevinca. Imaxe: BRIF Tabuyo.

• As montañas máis altas de Galicia, defendidas pola veciñanza, "agonizan" tras o lume
• 145.000 hectáreas ardidas e un propósito: "Pensar nun futuro sen incendios"

Estas son as convocatorias das protestas galegas contra a participación do equipo Israel Premier-Tech na Vuelta a España, que este domingo entra en Galicia. As mobilizacións impulsadas pola Coordinadora Galega de Solidariedade con Palestina terán lugar en Fonsagrada, Sarria e Monforte este domingo; en Poio, Pontevedra, Soutomaior, Alto da Groba, Tui e Mos o martes; e O Barco, o mércores, co obxectivo para visibilizar ao paso dos corredores o rexeitamento ao xenocidio que Israel leva a cabo en Gaza e a acción de branqueamento do réxime israelí levada a cabo polo equipo.

• Galicia agarda xa o paso da 'Vuelta', convertida nunha protesta permanente contra Israel
• La Vuelta chega a Galicia entre protestas contra o equipo Israel pola invasión de Gaza

Prisión provisional sen fianza para o investigado polo asasinato dunha traballadora de axuda no fogar no Porriño o pasado xullo. A medida "terá que executarse nun módulo terapéutico ou institución análoga", explica o TSXG. O home, marido da muller á que atendía a traballadora asasinada, fora ingresado na unidade de saúde mental do hospital de Vigo tras os feitos. [Imaxe: CIG]

• O asasinato do Porriño evidencia a precariedade das traballadoras de axuda no fogar
• Os concellos impulsan un protocolo de seguridade para as traballadoras de axuda no fogar

Julio Abalde, novo subdelegado do Goberno de España na Coruña en substitución de María Rivas, que anuncia unha "nova etapa no Concello da Coruña" incorporándose "ao proxecto de presente e futuro da alcaldesa". O que fora reitor da Universidade da Coruña deixa así o seu escano no Parlamento, que por lista corresponde ocupar a quen foi número 4 do PSdeG nas eleccións galegas na provincia coruñesa, Aitor Bouza, tamén secretario xeral do partido en Santiago.