Fálase

A poeta ourensá Miriam Reyes gaña o Premio Nacional de Poesía 2025, que outorga o Ministerio de Cultura, e que nas últimas edicións premiou a Chus Pato e Yolanda Castaño. O xurado escolleu o seu poemario Con, publicado pola editorial La Bella Varsovia, porque "participa da conversación pública no que respecta ás posibilidades dos vínculos". "O compás da obra céntrase nas dimensións da relación co outro. E faino desde unha intelixencia lingüística que pensa e conmove, mentres escribe, desde a nudez da conciencia e do corpo", salientan. 

• ENTREVISTA | Yolanda Castaño: "Noutras épocas supostamente as mulleres aspiraban a seren mantidas, agora é a nosa fobia máis radical"
• ENTREVISTA | Chus Pato: "Sempre quixen que nos meus poemas estivese o mundo, non as paixóns tristes"

Pedro Sánchez anuncia a prohibición de venda de armas a Israel e outras oito medidas para deter o "xenocidio" en Gaza. Tamén queda prohibida a escala en portos do Estado español ou o paso polo espazo aéreo de barcos ou avións que transporten armas ou combustible para o exército israelí.

• AMPLIAMOS 👉 Sánchez anuncia nove medidas contra Israel que inclúen o embargo de armas
• O PP tende a afastarse do consenso parlamentario galego a prol do pobo palestino

🇵🇸Unha trintena de vilas e cidades galegas acollen este serán mobilizacións contra o xenocidio de Israel en Gaza e en solidariedade co pobo palestino. As protestas están convocadas pola Coordenadora Galega de Solidariedade con Palestina.

• Bandeiras palestinas e varias detencións reciben en Monforte unha 'Vuelta' convertida en protesta contra Israel
• Mobilizacións en mar e terra apoian en Galicia a saída da 'Flotilla Sumud Global' cara a Gaza
• Nace a plataforma 'Sanidade Galega con Palestina' para denunciar o xenocidio israelí en Gaza
• A Xunta di agora que recibiu o embaixador israelí para "avogar por solucións ao drama" en Gaza
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"

Un incendio iniciado en Casaio (Carballeda de Valdeorras) arrasou xa 850 hectáreas, aínda que dende a Consellería de Medio Rural indícase que "evoluciona favorablemente cara a súa estabilización". O lume orixinouse ás 14.56 horas deste sábado e os traballos de control e extinción están a ser dificultadas polas fortes rachas de vento que se rexistran na zona. O lugar sufriu xa un dos peores incendios do mes de agosto, que ameazou o valioso teixadal de Casaio e queimou o espazo de especial conservación e protección da Rede Natura de Pena Trevinca. Imaxe: BRIF Tabuyo.

• As montañas máis altas de Galicia, defendidas pola veciñanza, "agonizan" tras o lume
• 145.000 hectáreas ardidas e un propósito: "Pensar nun futuro sen incendios"

Estas son as convocatorias das protestas galegas contra a participación do equipo Israel Premier-Tech na Vuelta a España, que este domingo entra en Galicia. As mobilizacións impulsadas pola Coordinadora Galega de Solidariedade con Palestina terán lugar en Fonsagrada, Sarria e Monforte este domingo; en Poio, Pontevedra, Soutomaior, Alto da Groba, Tui e Mos o martes; e O Barco, o mércores, co obxectivo para visibilizar ao paso dos corredores o rexeitamento ao xenocidio que Israel leva a cabo en Gaza e a acción de branqueamento do réxime israelí levada a cabo polo equipo.

• Galicia agarda xa o paso da 'Vuelta', convertida nunha protesta permanente contra Israel
• La Vuelta chega a Galicia entre protestas contra o equipo Israel pola invasión de Gaza

Prisión provisional sen fianza para o investigado polo asasinato dunha traballadora de axuda no fogar no Porriño o pasado xullo. A medida "terá que executarse nun módulo terapéutico ou institución análoga", explica o TSXG. O home, marido da muller á que atendía a traballadora asasinada, fora ingresado na unidade de saúde mental do hospital de Vigo tras os feitos. [Imaxe: CIG]

• O asasinato do Porriño evidencia a precariedade das traballadoras de axuda no fogar
• Os concellos impulsan un protocolo de seguridade para as traballadoras de axuda no fogar

Julio Abalde, novo subdelegado do Goberno de España na Coruña en substitución de María Rivas, que anuncia unha "nova etapa no Concello da Coruña" incorporándose "ao proxecto de presente e futuro da alcaldesa". O que fora reitor da Universidade da Coruña deixa así o seu escano no Parlamento, que por lista corresponde ocupar a quen foi número 4 do PSdeG nas eleccións galegas na provincia coruñesa, Aitor Bouza, tamén secretario xeral do partido en Santiago.

O socialista Germán García-Ávila, novo alcalde de Viana do Bolo tras saír adiante a moción de censura formulada polo BNG (3 edís) e PSdeG (3 edís) contra o ata agora rexedor do PP, que gobernaba en minoría (5 edís) por ausencia de acordo entre as dúas formacións da esquerda. García-Ávila será remudado na alcaldía polo Bloque o 18 de agosto de 2026 ata a fin do mandato. O novo rexedor promete unha xestión "responsable e transparente" e detalla que a Xunta de Goberno Local estará integrada por catro edís, dous socialistas e dous nacionalistas.

• HEMEROTECA | O PP gañará dúas novas alcaldías con mocións de censura pero perderá Noia
• HEMEROTECA | Mocións de censura e dimisións outórganlle ao PP cinco novas alcaldías no ecuador do mandato municipal
• HEMEROTECA (2020) | Segunda moción de censura tras o 12X impulsada polo PP de Ourense e tránsfugas, agora en Viana do Bolo

Cristina Lombao, veterana xornalista da Radio Galega, será a pregoeira do San Froilán 2025. A Comisión de Festas do Concello de Lugo deu o visto e prace á súa elección e mais á de Branca Villares para realizar a tradicional homenaxe a Rosalía de Castro no Domingo das Mozas. Maite Ferreiro, edil de Cultura, destaca a elección de Cristina Lombao "como recoñecemento a unha das voces máis relevantes da historia da radio en Galiza" e a de Branca Villares polo seu intenso labor "na recuperación da música tradicional, especialmente de Lugo". As festas do San Froilán celébranse do 4 ao 12 de outubro. 

• Tanxugueiras, Lia Kali, Xoel López, Biznaga, Bala... O San Froilán comeza a desvelar o seu menú musical
• HEMEROTECA | Seis cousas que debe saber se vai polo San Froilán a Lugo

"A canción do verán chega en setembro": da primeira colaboración entre De Ninghures e Ortiga nace Rosalinda, unha "peza bailable e luminosa, na que o amor fía e reborda cada compás". No campo da festa, explican, "conflúen os elementos máis recoñecibles" das "raíñas das feiras e o rei das verbenas": "O estilo de Ortiga e a organicidade dos instrumentos de De Ninghures -incluíndo algunha melodía tradicional- son parte dunha fermosa canción que se pecha cun pasodobre do gaiteiro santiagués Juan Bello Mallou e as palabras da súa compañeira, Mercedes Segade, falando do seu amor". O tema xa está dispoñible en todas as plataformas.

• 🟪🟧🟦EN VINTE |  ENTREVISTA | De Ninghures: «A nosa música axuda a que a xente diga "que guapa é a miña cultura"»
• ENTREVISTA | Ortiga: "Encántame facer música e o que intento é liala o máximo posible, que sexa o máis épico"