Fálase

"A canción do verán chega en setembro": da primeira colaboración entre De Ninghures e Ortiga nace Rosalinda, unha "peza bailable e luminosa, na que o amor fía e reborda cada compás". No campo da festa, explican, "conflúen os elementos máis recoñecibles" das "raíñas das feiras e o rei das verbenas": "O estilo de Ortiga e a organicidade dos instrumentos de De Ninghures -incluíndo algunha melodía tradicional- son parte dunha fermosa canción que se pecha cun pasodobre do gaiteiro santiagués Juan Bello Mallou e as palabras da súa compañeira, Mercedes Segade, falando do seu amor". O tema xa está dispoñible en todas as plataformas.

• 🟪🟧🟦EN VINTE |  ENTREVISTA | De Ninghures: «A nosa música axuda a que a xente diga "que guapa é a miña cultura"»
• ENTREVISTA | Ortiga: "Encántame facer música e o que intento é liala o máximo posible, que sexa o máis épico"

A conselleira de Medio Ambiente avanza posibles axudas para adaptar negocios aos novos "chiringuitos biosostibles" que quere impulsar coas súas novas competencias sobre o litoral.

• HEMEROTECA (26 de agosto) | A Xunta quere usar as súas novas competencias sobre o litoral para facer "chiringuitos biosostibles"
• HEMEROTECA (28 de abril) | Chiringuitos si, pero non concesións como a da parella de Feijóo: o que vai gobernar a Xunta na costa

Quince persoas mortas nun accidente do elevador da Glória, en Lisboa. Outras 18 resultaron feridas, cinco delas graves, nun sinistro que todo apunta a que ten como causa un cabo roto, sinala a RTP. Na imaxe, dous destes vehículos nunha fotografía de arquivo [CC BY Sonse]

Os filmes Sirat, de Oliver Laxe, e Romería, de Carla Simón, están preseleccionados pola Academia de Cine para representar a España nos Premios Oscar. A Academia Galega do Audiovisual vén de anunciar este "novo fito para o audiovisual galego". Ambas tiveron a súa presentación no Festival de Cannes, onde Sirat levou o premio do xurado. Romería, rodada na zona de Vigo e coa participación de actores e actrices galegas, chega ás salas de cinema este venres. [📸 @pacrispa / CC-BY-SA Praza.gal]

• ENTREVISTA | Carla Simón: "A xeración dos meus pais foi a que nos levou a onde estamos agora a través de rachar con todo o anterior"
• ENTREVISTA | Llúcia Garcia e Mitch: "É moi complicado non romantizar unha etapa cunha explosión de liberdade como a de 'Romería"
• REPORTAXE | Oliver Laxe: "O cinema segue sendo un espazo onde experimentar cousas fortes que xa non experimentamos na vida"

Ryanair pecha a súa base en Santiago dende outubro "coa retirada de dúas aeronaves" e "cesa operacións en Vigo" a partir de xaneiro de 2026. A aeroliña de baixo custo irlandesa atribúe a decisión, nun contexto de caída da demanda de billetes de avión polo impulso da alta velocidade ferroviaria, ás "taxas excesivas" de AENA, o xestor da rede aeroportuaria. A decisión implica o peche de "nove rutas a cidades como Boloña, Madrid e Milán" e "a redución de frecuencias" cara a Lanzarote, Sevilla, Tenerife e Valencia, indica nun comunicado. Na imaxe, o aeroporto compostelán. [©Aena]

• HEMEROTECA | 7.500 euros de multa a Ryanair por vulnerar o dereito de folga en Lavacolla en 2022
• HEMEROTECA | As subvencións rebentan o mercado aéreo e poñen en cuestión a rendibilidade dos aeroportos

En marcha o proceso para declarar a Illa de San Simón como Lugar de Memoria Democrática. Cadrando coa publicación no BOE, este mércores, o secretario de Estado de Memoria Democrática, Fernando Martínez, visitará o que fora utilizado polos golpistas como campo de concentración canda a comisionada para o programa 50 anos de España en Liberdade, Carmina Gustrán; a alcaldesa de Redondela, Digna Rivas, e outros cargos. Fano ao día seguinte de que principiase o mesmo proceso para o Pazo de Meirás. Na imaxe, monólito en San Simón en homenaxe ás vítimas dos franquistas, instalado pola Xunta na etapa do Goberno de coalición PSdeG-BNG durante as conmemoracións de 2006 como Ano da Memoria.

• AMPLIAMOS 👉 A declaración de San Simón como Lugar de Memoria, un "acto de xustiza e reparación" aos centos de mortos na illa
• O Pazo de Meirás, símbolo do poder e do espolio da ditadura, vira en Lugar de Memoria Democrática
• HEMEROTECA | Centos de mortes de prisioneiros dos golpistas documentadas en San Simón mentres o PP non ten "constancia"
• HEMEROTECA | “Que San Simón, a illa dos poetas, fose tamén un campo de concentración é algo demasiado brutal”
• 🟪 EN VINTE | Horror no paraíso. Cine contra o esquecemento en ‘San Simón’

O Goberno de España aproba o anteproxecto de lei para asumir ata 83.252 millóns de euros da débeda das autonomías que o pidan, 4.010 deles de Galicia. O presidente da Xunta, en liña coa dirección do PP, vén reiterando o seu rexeitamento a esta medida, que descualifica como un "mal negocio" que Galicia "non necesita" e "non soluciona nada", cre Alfonso Rueda. Tanto o BNG coma o PSdeG instan o Goberno galego a aceptar a medida e os soberanistas subliñan que esa condonación é parte do acordo que Bloque e PSOE asinaron para a investidura de Pedro Sánchez. Na imaxe, Rueda recibido por Sánchez na Moncloa en 2024. [CC-BY-SA Xunta]

• HEMEROTECA | Rueda alega que Galicia "non necesita" que o Estado lle pague 1 de cada 3 euros da débeda
• HEMEROTECA | O Goberno de España ofrece asumir un terzo da débeda galega e Rueda retruca que "non soluciona nada"
• HEMEROTECA | O PP forza que o Parlamento esixa fondos para escolas infantís ao Estado tras devolverlle 22 millóns
• HEMEROTECA | Feijóo garante que Rueda non negociará o financiamento de Galicia de xeito bilateral co Estado

A Secretaría de Estado de Memoria Democrática inicia o proceso para declarar o Pazo de Meirás Lugar de Memoria Democrática. O BOE publica este martes o acordo de incoación do procedemento e este mércores fará o mesmo co da Illa de San Simón. O Pazo de Meirás acolle este martes ao mediodía un acto no que participan o secretario de Estado de Memoria Democrática, Fernando Martínez, e a comisionada para a celebración do programa 50 años en Liberdade, Carmina Gustrán.

• AMPLIAMOS 👉 O Pazo de Meirás, símbolo do poder e do espolio da ditadura, vira en Lugar de Memoria Democrática
• Entidades que impulsaron a recuperación de Meirás reclaman ao Estado "máis memoria e menos fotos"
• Franco morreu, o seu BOE segue vixente (IV): os bens apropiados

Se o Exército israelí segue a asasinar xornalistas pronto non quedará ninguén en Gaza para te informar. Praza.gal secunda a iniciativa global de Reporteiros Sen Fronteiras para esixir a fin do masacre de xornalistas en Gaza por parte do Exército de Israel e o acceso da prensa estranxeira á Franxa.

• Praza.gal únese á acción do Colexio de Xornalistas de apoio ao xornalismo palestino
• Mobilizacións en mar e terra apoian en Galicia a saída da 'Flotilla Sumud Global' cara a Gaza
• Nace a plataforma 'Sanidade Galega con Palestina' para denunciar o xenocidio israelí en Gaza
• A Xunta di agora que recibiu o embaixador israelí para "avogar por solucións ao drama" en Gaza
• O premio dos 210 reporteiros palestinos asasinados por Israel: "O peor xenocidio histórico contra os xornalistas"

Feijóo di que non se poden combater os incendios desde o "fanatismo ideolóxico" senón preguntando á xente "nas vilas de España". O ex-presidente da Xunta criticou este domingo no comezo do curso político do PP en Cerdedo-Cotobade que no Goberno de España "cren que saben máis de montes" que a veciñanza que vive ao seu carón.

• Feijóo recupera a súa tese do "terrorismo incendiario" que nunca detectaron Policía nin Fiscalía