Fálase

Se o Exército israelí segue a asasinar xornalistas pronto non quedará ninguén en Gaza para te informar. Praza.gal secunda a iniciativa global de Reporteiros Sen Fronteiras para esixir a fin do masacre de xornalistas en Gaza por parte do Exército de Israel e o acceso da prensa estranxeira á Franxa.

• Praza.gal únese á acción do Colexio de Xornalistas de apoio ao xornalismo palestino
• Mobilizacións en mar e terra apoian en Galicia a saída da 'Flotilla Sumud Global' cara a Gaza
• Nace a plataforma 'Sanidade Galega con Palestina' para denunciar o xenocidio israelí en Gaza
• A Xunta di agora que recibiu o embaixador israelí para "avogar por solucións ao drama" en Gaza
• O premio dos 210 reporteiros palestinos asasinados por Israel: "O peor xenocidio histórico contra os xornalistas"

Feijóo di que non se poden combater os incendios desde o "fanatismo ideolóxico" senón preguntando á xente "nas vilas de España". O ex-presidente da Xunta criticou este domingo no comezo do curso político do PP en Cerdedo-Cotobade que no Goberno de España "cren que saben máis de montes" que a veciñanza que vive ao seu carón.

• Feijóo recupera a súa tese do "terrorismo incendiario" que nunca detectaron Policía nin Fiscalía

Nas fins de semana de agosto Praza.gal non se actualiza por descanso do persoal. Pero deixámosvos moito para lerdes e o luns estamos de volta.

👉 praza.gal/faitedepraza

Rescatados os 11 tripulantes dun pesqueiro galego afundido a 150 millas ao leste de Azores. Salvamento marítimo informa de que os 11 tripulantes do Nuevo Salmón foron rescatados en bo estado por un mercante e trasladados en helicóptero ata as illas.

A OTAN di que o gasto militar de España xa é do 2% do PIB. Un informe da alianza sinala que se en 2014 o gasto en defensa era do 0,92% do PBI, agora xa se acada o obxectivo fixado naquel ano.

• A militarización da economía chega a Galicia impulsada por 183 millóns da Xunta
• Guerras, cambio climático, avellentamento: os desastres nos que a Xunta ve "oportunidades" para a economía
• Casado, Morenés, un neto de Botín e ex-altos mandos militares: quen frega as mans co rearme 

Os Reis visitaron este xoves zonas afectadas polos incendios na contorna de Verín. Acompañados polo presidente Rueda e a ministra para a Transición Ecolóxica, Sara Aagesen, tamén coñeceron o centro de coordinación do distrito forestal.[Foto: Casa Real]

• A chuvia acelera o control ou extinción dos incendios
• O lume arrasa máis hectáreas que en 2006 en 6.500 incendios menos

A plataforma 'Por un monte galego con futuro' convoca unha manifestación o 14 de setembro en Santiago para esixir "medidas que eviten outra vaga de lumes" e para reclamar "un plan de choque con axudas urxentes para as persoas e as zonas afectadas polos incendios". A marcha, que partirá ás 12 horas da Alameda, está convocada polo medio cento de asociacións, colectivos e organizacións que forman parte da entidade, entre elas Adega, CIG, ORGACCMM, SLG, Fruga, APDR ou Amigos da Terra.

Besteiro anuncia que o Goberno de España iniciará a vindeira semana os expedientes para declarar o Pazo de Meirás e a Illa de San Simón como Lugares de Memoria Histórica. O secretario xeral do PSdeG salienta que esta declaración, prevista na Lei de Memoria Democrática e á que se comprometera o Executivo de Pedro Sánchez, é un paso para "combater o esquecemento, o negacionismo e os discursos do odio e dignificar a memoria das vítimas do franquismo". 

HEMEROTECA | Meirás e San Simón, protexidos como 'lugares de Memoria Democrática' a partir de agosto 

A eurodeputada do BNG Ana Miranda solicita que o próximo pleno da Eurocámara, que terá lugar entre o 8 e o 12 de setembro en Estrasburgo, debata a vaga de lumes que leva arrasadas 96.700 hectáreas no que vai de ano en Galicia. A través do grupo parlamentario Verdes-ALE- pide abordar "as carencias na falta de prevención e nas estratexias de resposta" a esta situación. Ademais, remitiu sendas cartas aos comisarios europeos con responsabilidades nesta materia instándoos a visitar as zonas máis afectadas do noso país.

DATOS | O lume arrasa máis hectáreas que en 2006 en 6.500 incendios menos  

ANÁLISE | A alerta non foi abondo: Galicia bate co lume incontrolable malia anos de avisos

O PP presenta unha moción de censura en Carral apoiada en dous ex-concelleiros de Alternativa dos Veciños. Será a quinta moción de censura en Galicia tras a recente sentenza do Tribunal Constitucional que as volve permitir apoiadas en concelleiros tránsfugas. Xunto con Carral o PP xa obtivo Forcarei, Touro e Fisterra, pero perdeu Noia. Ademais destas, en Viana do Bolo BNG e PSdeG veñen de acordar outra moción de censura contra o PP pero nese caso sen concelleiros tránsfugas.