Miguel Pardo

Os campus de Santiago, A Coruña, Ferrol e Ourense únense á vaga de consultas organizadas por todo o Estado, como a xa celebrada en Vigo con case 1.600 participantes. As urnas estarán habilitadas toda a xornada en varias facultades. 

Persoal dos medios públicos galegos confirma que levarán as súas protestas á Cámara o vindeiro 19 de decembro, xornada na que hai convocada unha folga de 24 horas e unha manifestación polas rúas de Compostela contra "o desmantelamento e a represión". 

O colectivo presenta a súa renuncia cunha dura carta onde denuncia unha situación "insostible" con "sobrecarga asistencial", listas de espera "inaceptables" ou "condicións de traballo deplorables" para os máis novos e advirten dos "recortes" que afectan o sistema sanitario desde 2012. 

Profesionais dos medios públicos intensifican as mobilizacións malia os avances nas negociacións coa xerencia. Levarán a cabo accións de protesta durante os vindeiros días e manifestaranse polas rúas de Santiago e ante a Cámara coincidindo co paro de 24 horas.

• A dirección minimiza a folga e desbota a visión "negativa" dos medios públicos que trasladan as protestas

Case 1.600 participan no primeiro dos referendos convocados nas tres universidades galegas por estudantes que se uniron á iniciativa espallada por todo o Estado. Máis do 90% dos participantes aposta polo fin do réxime monárquico para "instaurar a República"

IMAXES HISTÓRICAS | O 5 de decembro de 1938, o xeneral fascista aceptaba nun acto solemne o agasallo para cuxa compra se recolleron 'doazóns' entre a represión e o medo. O documento asinado é un dos eixos no que a Deputación basea o informe para reclamar a devolución das Torres

Nin o tirón do comercio nin a proximidade do Nadal frearon a importante caída nas afiliacións á Seguridade Social nun mes onde tamén subiu o paro, ao contrario que no conxunto do Estado. Os datos interanuais seguen a ser positivos, pero nun mercado laboral precario e temporal. 

O persoal considera insuficiente a oferta de reforzo de persoal que ofrece a xerencia, que propón habiliar un espazo máis pero que só se abriría en caso de necesidade e para o que se contrataría persoal a maiores. Os médicos propoñen abrir outra negociación directamente con Sanidade.

• Ambulancias, PAC, urxencias: a sanidade, "en pé de guerra" contra a falta de medios e persoal

ENTREVISTA | Marcel Mauri é vicepresidente e portavoz de Òmnium Cultural, cuxo líder, Jordi Cuixart, leva máis dun ano en prisión provisional acusado de rebelión e sedición. Esta semana participou nun acto en Compostela sobre o risco no que se atopan os dereitos civís en España.

O director xeral da Corporación, Sánchez Izquierdo, nega a "manipulación" e o "desmantelamento" que denuncia boa parte do persoal e presume de investimentos, produción propia e audiencia nunha xornada na que coinciden os paros parciais e as reivindicacións do 28º venres negro. 

• Persoal da CRTVG recrúa a protesta ante a escasa resposta ás demandas e o "silencio" sobre a folga

O comité amosa o seu "malestar" polos nulos avances nas negociacións e prepara xa as mobilizacións do paro de 24 horas do día 19, coas que intentará "trasladarlle a Feijóo" as súas reivindicacións. CCOO envía unha carta á Corporación denunciando a "invisibilización" do sindicato.

Profesionais dos vehículos sanitarios, do Clínico de Santiago e dos puntos de atención continuada manteñen e recrúan as mobilizacións contra os recortes e a precariedade mentres o PP queda só na comisión de investigación sobre a situación sanitaria en Galicia tras vetar varias comparecencias

• O PP indigna a familia do falecido no PAC da Estrada ao vetar que compareza no Parlamento