Praza Pública

No primeiro trimestre do ano naceron 4.052 nenos e nenas, un 8% menos que no mesmo período de 2017, que foi o ano cunha menor taxa de natalidade na historia. O treito de idade entre os 35 e os 39 anos é xa o máis habitual para que as mulleres galegas teñan fillos

Profesionais da Radio Galega e da TVG reivindican o "servizo público" que supoñen ambos medios no 23º venres negro. "O guión do futuro da CRTVG escribímolo nós", aseguran logo de celebrar a "vitoria" que din que supuxo o arquivo do expediente a Tati Moyano. 

• A CRTVG arquiva o expediente á xornalista que criticou ante Feijóo o control informativo nos medios públicos

O acto terá lugar ás 12 horas deste sábado, coas intervencións de Francisco Calo Lourido, Teresa Soeiro, Encarna Otero, Xosé Ramón Fandiño, Carlos A. García Pose e Justo Beramendi. A institución destaca que García Martínez, finado o pasado mes de marzo, foi durante 42 anos "o seu principal valedor"

NOTA NECROLÓXICA | A señora dona Susana González Crespo faleceu o día 25 de Outubro do 2018 confortada co amor da súa xente e co esmerado coidado do persoal da Sanidade Pública, que ela sempre defendeu con paixón

O Consello de Ministros aprobará este venres a suba, que responde á compensación a Audasa polas obras realizadas na Ponte de Rande e noutros treitos e, ademais, pola bonificación aplicada entre Vigo e Pontevedra. As peaxes xa subiron outro 1,9% a comezos de ano pola actualización do IPC

A agrupación compostelá chega a un acordo para que o ex-rexedor sexa o aspirante á alcaldía mentres na Coruña, Ourense e Ferrol a militancia deberá elixir entre varios aspirantes nas votacións que se celebrarán o vindeiro 18 de novembro. 

A Zona Franca de Vigo levou a cabo un estudo sobre a igualdade de xénero nas empresas galegas, que destaca o limitado acceso da muller a postos directivos, onde representan o 24% do persoal. ARDÁN crea o indicador Empresa Igual en Xénero, que recoñece o 7% das compañías que cumpren cuns mínimos de igualdade

O galardón, impulsado por Concello de Brión, Academia Galega do Teatro e Edicións Positivas, dará a coñecer a obra gañadora o 16 de maio do vindeiro ano, no aniversario da estrea de Laudamuco, señor de ningures (1978), considerado o momento fundacional do teatro profesional galego

O número de persoas paradas baixou en 22.000 persoas no terceiro trimestre deste ano até situarse nas 153.000 persoas, cifra semellante ao do inicio da crise pero cunha importante perda na ocupación.

A publicación, dirixida por Afonso Eiré, incluirá reportaxes, crónicas, crítica literaria e entrevistas en profundidade. "Non se trata de competir, senón de complementar os medios de comunicación en galego que xa están en activo", destaca.

A falta de probas paraliza as investigacións dos lumes de Nigrán, Baiona e Gondomar, único concello este último no que se chegou a deter a dous irmáns nos días seguintes

O enxeñeiro vigués José Manuel Ballester desenvolveu un prototipo (o Xouva 4.90) que conta cunha autonomía de seis horas e pode ser pilotado sen titulación. Pensado para uso turístico e de ocio, entre as súas vantaxes están a ausencia de emisións contaminantes e de ruído. Neste momento busca compradores para iniciar a súa produción en serie