Fálase

A cuarta dose da vacinación contra a COVID comezará a ser administrada o vindeiro 26 de setembro a persoas maiores de 80 anos e, por baixo desa franxa de idade, a quen vivan en residencias. Así o confirmou a ministra de Sanidade, Carolina Darias, que especifica que se trata de vacinas "adaptadas á variante ómicron". Este xoves o presidente da Xunta, Alfonso Rueda, ratificou que a Xunta está en disposición de iniciar esta nova campaña de vacinación na data acordada polo Estado. En anteriores campañas destinadas a maiores de 80, Galicia recibiu maior proporción de doses que outros territorios do Estado por contar con máis poboación nese rango de idade.

• DATOS | As camas hospitalarias ocupadas en Galicia por pacientes ingresados a causa da COVID xa son menos do 1%

O Banco Central Europeo aumenta os tipos de xuro un 0,75%, ata o 1,25%, a maior suba da historia, nun intento de conter a elevada inflación. Espérase que antes de que remate o ano o BCE suban outras dúas veces, un movemento que pode incrementar o risco de levar a economía a unha recesión e prexudicar as persoas que teñan unha hipoteca variable, entre outros efectos.

• AMPLIAMOS 👉 Os falcóns do BCE impoñen unha suba histórica de tipos de xuro que pode acelerar unha recesión 
• Os prezos aumentaron un 11,5% en Galicia no último ano, sete décimas máis que no conxunto do Estado

O Festival do Teatro Galego (FETEGA) do Carballiño entrega este venres o Premio de Honra 'Dorotea Bárcena 2022' ao titiriteiro e actor Eduardo Rodríguez Cunha 'Tatán', que nos seus 39 anos de carreira "se converteu nun referente do teatro de obxectos en Galiza", fundador, entre outras de Tanxarina Teatro en 1983. Tatán recibiu o premio de Honra da última edición da Mostra Internacional de Teatro de Ribadavia

• ENTREVISTA | 'Tatán': “O público infantil é moi intelixente. Non se pode tratalos como parvos”

Naturgy vai facer descender o nivel das augas no encoro dos Peares dende o 9 de outubro "para realizar o mantemento do selo inferior das comportas da presa". Vén de facelo público a Deputación de Lugo, xa que o baleirado parcial do encoro a obriga a suspender as rutas en catamarán polo Miño dende esa data. A institución lucense agrega que contactará coas persoas que xa tivesen reservas "dende o 10 de outubro ata finais de ano", para "informalas da situación" e ofrecer "alternativas como adiantar a data da viaxe ou realizar a ruta polo Sil". Na imaxe, a vila dos Peares.

• HEMEROTECA (agosto) | A seca baleira os encoros de Galicia pero os investigados hai un ano teñen máis auga agora
• HEMEROTECA (2021) | A Xunta reduciu este ano un 90% o importe da sanción por baleirar encoros que agora propón para Naturgy e Iberdrola

José Luis Baños de Cos gaña o V Premio Vidal Bolaño 2022 de textos teatrais con Lume. A obra aborda o tema das
diversas violencias sociais, como a homofobia ou a violencia de xénero.

O pleno da Deputación de Pontevedra aprobará este venres a restitución definitiva dos cadros (un díptico Mater Dolorosa e Ecce Homo) espoliados polos nazis en Polonia e que se atopan no Museo de Pontevedra. O proceso, iniciado no momento en que se tivo coñecemento da orixe dos cadros, demorouse máis do previsto ante a reclamación da obra non só por parte do Goberno polaco senón tamén pola familia que se considera propietaria lexítima.

• O Museo de Pontevedra devolve a Polonia “con orgullo e por reparación histórica” dous cadros espoliados polos nazis

A Coruña será a sede da cimeira hispano-alemá na que se reunirán Pedro Sánchez e o chanceler Olaf Scholz os vindeiros 5 e 6 de outubro. Así o confirmou o delegado do Goberno de España en Galicia, José Miñones, quen asegura que o Executivo leva "meses traballando no evento e ratificou a súa celebración" xunto na recente xuntanza de ambos mandatarios en Alemaña (na imaxe). En 2014 Galicia xa acollera outra cimeira hispano-alemá, daquela en Santiago e con Rajoy e Merkel como presidente e chanceler. [Foto: © Pool Moncloa/Borja Puig de la Bellacasa]

• HEMEROTECA | Rajoy promete máis recortes a Merkel con Santiago como plató
• HEMEROTECA | A Xunta promete "froitos" da visita de Merkel malia á ausencia de Galicia nas xuntanzas

O Parlamento retira os separadores entre escanos instalados durante a pandemia para tentar minimizar o risco de contaxio da COVID no hemiciclo. Faino, explican dende o lexislativo, pola "mellora da situación epidemiolóxica". [Imaxe: © Parlamento de Galicia]

• DATOS | As camas hospitalarias ocupadas en Galicia por pacientes ingresados a causa da COVID xa son menos do 1%

A Xustiza cita a Santi Mina para decidir se ingresa en prisión por aumentar o risco de fuga tras fichar por un equipo de Arabia Saudita. 

• O Celta aparta temporalmente a Santi Mina do equipo tras ser condenado a catro anos de cadea por abuso sexual

O PSdeG confirma que Xosé Sánchez Bugallo volverá ser candidato á alcaldía de Santiago en 2023. O secretario xeral do partido, Valentín González Formoso, ratifica que o actual rexedor compostelán recuncará como cartel electoral e augura que "pasará á historia coma o mellor alcalde desta cidade". Bugallo, que xa gobernara a capital galega entre 1998 e 2011, volveu á alcaldía compostelá tras as eleccións do pasado 2019. [Imaxe: CC BY-NC-SA PSdeG]