Fálase

Feijóo defende que "debería estar tipificado" que "un político incremente un 40% a débeda pública" tras aumentar a galega un 176% nos seus anos na presidencia (de 4.282 a 11.823 millóns) en importe e un 133% (do 7,5% ao 17,5%) no seu peso sobre o PIB de Galicia, segundo os datos oficiais do Banco de España. "Marcha do Goberno e o que chega ten que pagar o que o outro non pagou", sostén o actual líder estatal do PP.

En 2026 os Orzamentos Xerais do Goberno galego prevén destinar 1.858,59 millóns a atender a débeda. É un 5,39% máis que o ano anterior.

• HEMEROTECA | Rueda alega que Galicia "non necesita" que o Estado lle pague 1 de cada 3 euros da débeda
• HEMEROTECA | Anatomía dos 18.000 millóns que a Xunta ten comprometidos goberne quen goberne

As dúas proposicións aprobadas polo pleno do Parlamento desta semana son, coma o 80% no que vai de ano, peticións ao Goberno de España. Ambas formuladas polo PP, reclaman o desbloqueo do traspaso da AP-9 e reformar a lexislación estatal en materia de refugallos. As presentadas por BNG (que reclamaban á Xunta máis prazas para o mestrado universitario de profesorado e unha "estratexia galega de adquisición pública de vivenda) e PSdeG (a prol de "políticas de xestión forestal adaptadas ao cambio climático" e sobre accións para "favorecer a remuda xeracional" nas explotacións agrogandeiras) foron rexeitadas.

• O 80% das proposicións aprobadas no pleno do Parlamento en 2025 son esixencias a Pedro Sánchez

CIG, UGT e CC.OO. proporán folga de autobuses na provincia da Coruña en decembro "en resposta á parálise na negociación do convenio colectivo" durante "cinco anos". As tres centrais sindicais dispóñense a trasladar a proposta ás asembleas de persoal e convocan unha primeira manifestación para o 10 de novembro dende a estación de autobuses coruñesa. Os sindicatos instan a Xunta a que, "como titular dos contratos de transporte, interveña e inste a patronal a unha negociación real" para "evitar a folga nun servizo público que cada día usan milleiros de persoas".

• HEMEROTECA | As concesións de bus reciben outros 17 millóns de axudas da Xunta pola "excepcional situación económica"
• HEMEROTECA | A Xunta atasca cos novos buses do Barbanza máis dun ano despois de anunciar a rescisión a Monbus

Zohran Mamdani gaña a alcaldía de Nova York con arredor do 50% dos votos definíndose como "socialista democrático" e cun programa baseado na accesibilidade da vivenda e a mellora dos servizos públicos. Imaxe divulgada pola súa campaña nas redes sociais.

BNG e PSdeG denuncian que o PP alíase coa extrema dereita para impedir o debate na UE sobre Altri ou a "manipulación informativa na TVG". Os eurodeputados Ana Miranda e Nicolás G. Casares denuncian que os populares "boicotean" estes debates na Comisión de Peticións. 

Tres empresarios residentes en Galicia, entre as cinco persoas máis ricas de España, segundo a última Lista Forbes. Amancio Ortega e a súa filla Sandra son as dúas máis ricas do Estado, mentres que Juan Carlos Escotet, presidente de Abanca, sitúase no quinto posto logo de que a súa fortuna se revalorizase en máis de 2.000 millóns de euros. 

O paro rexistrado sobe en Galicia en 300 persoas en outubro, mes no que se destruíron máis dun milleiro de empregos. O número de desempregados é de 113.386 segundo os datos publicados este martes polo Ministerio de Traballo e Economía Social. 

O Concello de Vigo prenderá o alumeado de Nadal o 15 de novembro. O alcalde da cidade, Abel Caballero, anunciou este martes a data, "o segredo mellor gardado e cobizado do planeta", para un evento que como en anos anteriores se celebrará na Porta do Sol. O rexedor destaca que "case 12 millóns de luces led alumearán 460 rúas da cidade, que sumará novos espazos cos mercados de Nadal da praza de Vialia e Bouzas". Na imaxe, parte do alumeado de 2024 [CC-BY-SA Ana G. Liste/ Praza.gal]

• HEMEROTECA | Onde está Vigo nas luces de Nadal?
• HEMEROTECA | As cidades galegas gastan 4,5 millóns de euros na iluminación de Nadal, a metade en Vigo

O Ministerio de Sanidade envía un requirimento formal á Xunta e ao resto das autonomías do PP "para que remitan os datos de cribado de cancro" de mama, colorrectal e cérvix tras negárense a facelo alegando que o departamento que dirixe Mónica García llos reclamaba con fins partidistas. Este, detalla o Ministerio, é o paso legal previo "ante posibles incumprimentos no subministro de información esencial para a vixilancia na saúde pública". O conselleiro de Sanidade, Antonio Gómez Caamaño, sinalou a finais de outubro, tras a primeira negativa, que os gobernos do PP "estamos dispostos a dar eses datos" e que en Galicia "os primeiros en coñecelos van ser os pacientes".

• O Sergas non envía os datos de cribados de cancro ao Estado en liña do fixado no PP
• HEMEROTECA | O 66% dos tumores de mama detéctanse en estadios iniciais grazas ao cribado do Sergas

O Consello de Ministros aproba o anteproxecto da lei do Estatuto do Bolseiro. Prevé regular as prácticas con regras como que as persoas que as realicen non poidan ser substitutas de persoal contratado e teñan garantido o "dereito á compensación de gastos, descanso e servizos do centro de traballo ofrecidos ás persoas traballadoras", salienta Yolanda Díaz sobre un texto para o que deberá procurar apoios dabondo no Congreso. [Imaxe: © Ministerio de Traballo]

• Centos de antigos bolseiros reclaman en Galicia anos de cotización polas prácticas