Fálase

Vítimas de Angrois maniféstanse en Santiago no décimo aniversario do sinistro fronte "a maquinaria do Estado". A manifestación parte ás 11.30 da estación de tren e ás 13.00 o Obradoiro acollerá a lectura dun manifesto.

• Sete anos de instrución, dous de preparación para o xuízo, un de vista oral... e aínda sen data para a sentenza de Angrois
• Rueda confirma que a Xunta non fará ningún acto de lembranza polo décimo aniversario de Angrois
• Para que serviu Angrois: as 8 melloras que tardaron anos en implantarse e a que aínda non, clave no xuízo

Ceos nubrados, baixada de temperaturas e entrada dunha fronte con chuvias a medida que avance a tarde marcarán a xornada de votación deste domingo, segundo a previsión de Meteogalicia.

O Consello de Contas advirte de eivas nos concellos na prevención de fraudes ao xestionar fondos europeos de recuperación. Nun informe similar a respecto da Xunta xa advertira hai dous meses de que o Goberno galego tampouco está a cumprir con todas as esixencias e, entre outras cuestións, non levanta actas da comisión que supervisa os fondos de recuperación da UE.

A Xunta aproba inicialmente a declaración de interese autonómico da cidade deportiva do Celta que facilitará o complexo comercial impulsado polo máximo propietario da sociedade, Carlos Mouriño.

• A fragmentación por fases da súa cidade deportiva permite ao Celta eludir unha avaliación ambiental completa
• A Xunta lanza o proceso que permitirá expropiar monte comunal e ampliar a cidade deportiva do Celta tras legalizar o PP de Mos o xa feito

#23X A Xunta Electoral Central amplia o prazo para o depósito do voto por correo das eleccións xerais este venres 21, ás 14.00, como solicitara Correos, que ten habilitados horarios ampliados para facilitar os envíos e confirma que, en calquera caso, se na hora do peche "hai persoas agardando, continuarase atendendo ata que se deposite o último voto". Nesta ligazón pódese consultar o horario concreto de cada oficina de Correos.

23X | Pedro Sánchez lamenta que Feijóo "perdese a oportunidade de aclarar a súa relación" con Marcial Dorado ao non acudir ao debate de RTVE. "As escusas de que non existía Google nin internet caen polo seu propio peso" e son "mentira", di en declaracións a laSexta o aspirante á reelección polo PSOE, quen cre que o ex-presidente da Xunta e actual candidato do PP ás xerais ten "unha débeda coa verdade". "É desacougante -conclúe- que un dirixente político tivese relacións tan estreitas cun narcotraficante e ese desacougo é compartido por milleiros" de persoas, cre.

• Feijóo repite que ignoraba que Dorado fose contrabandista cando dirixía o Sergas malia seren amigos
• A esquerda apunta a Pemex e á amizade de Feijóo con Marcial Dorado na recta final da campaña
• Sintonía de goberno entre Sánchez e Díaz mentres Abascal promete prioridades negacionistas se a dereita suma

#23X Correos solicita á Xunta Electoral Central ampliar o prazo para o depósito do voto por correo das eleccións xerais ata mañá, venres, ás 14.00. Polo momento, o prazo segue finalizando hoxe, xoves 20. Correos ten habilitados horarios ampliados para facilitar os envíos e confirma que, en calquera caso, se na hora do peche "hai persoas agardando, continuarase atendendo ata que se deposite o último voto". Nesta ligazón pódese consultar o horario concreto de cada oficina de Correos.

A candidata do PP por Pontevedra e ex-ministra de Fomento Ana Pastor atribúese a entrada soterrada a Vigo do Eixo Atlántico de alta velocidade que executou fundamentalmente o PSOE. "Fomos nós os que fixemos a Saída Norte e con Feijóo como presidente de España faremos tamén a Saída Sur", dixo Pastor este mércores nun mitin na cidade. Porén, tras anos de mudanzas do proxecto, e logo de decidir o socialista José Blanco que o túnel fose máis longo do inicialmente previsto para eliminar a barreira entre barrios que supuñan as vías, as tuneladoras que fixeron o treito de entrada a Vigo polo norte desde Redondela comezaron a escavar en 2009 e remataron a comezos de 2012, cando Pastor levaba só unhas poucas semanas como ministra.

O Tribunal Superior de Xustiza de Andalucía confirma a pena de catro anos de prisión a Santi Mina por abusar sexualmente dunha muller. O TSJA ratifica a condena da Audiencia Provincial de Almería e rebaixa a indemnización á vítima por danos morais de 50.000 a 25.000 euros. O xogador reincorporárase aos adestramentos do equipo vigués nos últimos días e aínda ten opción de recurso ao Tribunal Supremo.

• O Celta aparta temporalmente a Santi Mina do equipo tras ser condenado a catro anos de cadea por abuso sexual

23X | A cabeza de lista do PP por Ourense ao Congreso, Ana Vázquez, afirma malia non ser verdade que "medio millón" de persoas que pediron o voto por correo "quedan sen votar" por non estaren na casa en ningunha das dúas ocasións nas que Correos foi entregarlles a documentación. En realidade, todas estas persoas poden votar por correo con normalidade acudindo recoller a documentación ás propias oficinas, como en todos os anteriores comicios. O prazo para remitir o sufraxio postal finaliza este xoves, día 20 (inclusive). Na imaxe, Vázquez con Rueda e Baltar nun mitin do PP a pasada semana.

• Feijóo di que o PP "sempre" subiu as pensións co IPC malia non ser certo e cuestiona unha xornalista de TVE por evidencialo
• DATOS | As solicitudes de voto por correo duplícanse dende 2019 e aumentan un 80% en relación ao máximo de 2016
• Feijóo alimenta as teorías da fraude no voto por correo na fin do prazo para solicitalo