Fálase

O Ministerio de Vivenda cifra en 58,5 millóns de euros os fondos achegados a Galicia para a construción de 1.217 vivendas públicas destinadas a alugueiro social con "edificios enerxeticamente eficientes" mediante 8 convenios coa Xunta. Son parte dos 994,6 millóns para case 25.000 vivendas en todo o Estado, financiados con fondos europeos. Este martes, no discurso de investidura, Rueda reiterou que o obxectivo do Goberno galego é que o "parque público" de vivenda pase de 3.800 a 8.000 nesta lexislatura. Na imaxe, edificios de vivendas no barrio coruñés de Novo Mesoiro.

• Na metade dos concellos sobre os que hai datos os alugueiros encareceron máis dun 15% en cinco anos
• As peticións de vivenda protexida á Xunta caen en 1.500 nun mes sen un só piso novo por caducidade das solicitudes
• A vivenda protexida remata outra lexislatura galega en mínimos malia ao impulso dos fondos da UE
• Os fondos UE que chegan a través do Estado permiten á Xunta disparar o orzamento de vivenda no ano electoral

A selección volve xogar oito anos despois: o combinado galego masculino absoluto de fútbol enfrontarase a Panamá o 31 de maio, segundo confirma a Federación Galega de Fútbol, que aínda non revela o estadio no que se celebrará o encontro, se ben todo apunta a Balaídos, nin a identidade do seleccionador. A Federación si adianta que no encontro a selección galega estará encabezada por Iago Aspas e Lucas Pérez. Na imaxe, once titular da Irmandiña fronte a Venezuela en Riazor en 2016. [© FGF]

• AMPLIAMOS 👉 Galicia-Panamá con Iago Aspas e Lucas Pérez como protagonistas: volve a Selección oito anos despois
• HEMEROTECA | Galicia brilla e promete continuidade na festa do fútbol da terra
• HEMEROTECA | A selección galega dispara a audiencia da TVG
• HEMEROTECA | Catalunya impón a lóxica na festa do fútbol feminino galego

Pedro Sánchez emprende unha xira internacional "para compartir a preocupación pola situación en Gaza e a necesidade de recoñecer Palestina como Estado". Así o vén de anunciar a ministra voceira, Pilar Alegría, tras o Consello celebrado este martes. Na imaxe, Sánchez visitando un campo de refuxiados palestinos da UNWRA en Xordania, o pasado 2 de abril [© Pool Moncloa/Borja Puig de la Bellacasa]

• "De Gaza non se pode escapar, está pechada a cal e canto por Israel"
• HEMEROTECA (2015) | "En Gaza hai nenos que non poden falar dende a última ofensiva israelí"

Falece o lehendakari José Antonio Ardanza aos 82 anos. Ardanza encabezou o Goberno Vasco polo PNV entre 1985 e 1999 e foi clave na formación jeltzale tras a súa escisión nos anos 80. Na fotografía, Ardanza nunha xuntanza oficial en 2011 [Imaxe: Goberno Vasco]

📩As nosas socias e socios veñen de recibir información sobre as nosas contas de 2023 e das súas desgravacións na declaración da Renda por seren de Praza
📊📈Velaquí un resumo das nosas contas
ℹ️Por exemplo, unha cota de 10€ ao mes pódeche quedar nun gasto real de 2€ ao mes
↪️Faite de Praza

Israel afirma ter retirado a maior parte das súas tropas terrestres do sur de Gaza despois de catro meses de ataques en Jan Yunis. Dende o mes de outubro o exército israelí asasinou 33.175 persoas en Gaza, segundo as autoridades palestinas, o 1,3% da poboación total fa franxa, nunha cifra validada pola ONU. 

O Ministerio de Transportes aproba de maneira definitiva o anteproxecto do vial de conexión na Coruña entre a autovía AC-14 coa AP-9. O denominado vial 18, na Zapateira, ten unha loxitude de 2,1 quilómetros e licitouse cun orzamento de 25,3 millóns de euros. A conexión busca desconxestionar a entrada e saída da cidade por Alfonso Molina

A Ribeira Sacra volverá competir por ser Patrimonio da Humanidade en 2026. O Consello do Patrimonio Histórico, reunido este venres na illa da Palma, confirma que a candidatura galega volve á carreira para tentar ser Patrimonio Mundial tras a súa retirada en 2021, cando recibiu informes negativos dos dous comités asesores da Unesco, o Icomos no ámbito cultural e o UICN no eido natural. Desta volta, explican a Xunta e o Goberno de España, a candidatura preséntase como "Paisaxe Cultural da Auga", centrándose no "valor excepcional único" da "relación que se estableceu durante séculos entre unha paisaxe abrupta, esculpida pola auga, e os seus poboadores". Na imaxe [CC BY-NC-SA Praza.gal], unha vista do Miño na Ribeira Sacra dende o miradoiro do Cabo do Mundo, no Saviñao.

• HEMEROTECA | 25 anos de candidatura a Patrimonio da Humanidade e a Ribeira Sacra aínda non foi quen de xustificar a súa excepcionalidade
• HEMEROTECA | A candidatura da Ribeira Sacra para ser Patrimonio da Humanidade, no aire

O TSXG suspende cautelarmente as autorizacións doutros sete parques eólicos e xa son 27 dende que adaptou os seus criterios ao fixado polo Supremo o pasado decembro. Os suspendidos desta volta son os parques Rodicio II, Alto de Montouto, Meirama, Monte da Croa, Gato, Cunca e Serra do Farelo. O Tribunal comunica ademais que rexeitou suspender un oitavo parque, denominado Uxo, promovido por Naturgy en Avión. Consulta nesta ligazón a táboa interactiva cos 27 parques suspendidos e os 3 que continúan tramitación segundo as decisións do TSXG.

• TÁBOA INTERACTIVA 👉 Os 27 parques suspendidos e os 3 que continúan tramitación
• HEMEROTECA | O Supremo valida a redución por parte da Xunta do prazo para alegar contra parques eólicos

Os alcaldes de Palas e Monterroso, Pablo Taboada e Eloy Pérez (PP) e mais o edil socialista de Antas de Ulla José Manuel Quintá, atenden o convite de Altri para visitar as súas factorías en Vila Velha de Ródão e Figueira da Foz. A compañía portuguesa promotora da fábrica de celulosa e fibras téxtiles en Palas de Rei asegura que organizou a viaxe para que poidan "coñecer en primeira persoa o funcionamento das fábricas" e os "seus niveis de esixencia medioambiental". A través dun comunicado agrega que convidou á viaxe aos "máximos responsables dos seis concellos" atinxidos polo proxecto, se ben só aceptaron os devanditos alcaldes e concelleiro dos tres concellos da comarca da Ulloa. Imaxe remitida pola empresa.

• Altri escolleu usar auga do Ulla e non do Miño por ser competencia estatal e os permisos, "máis difíciles"
• Altri triplicou a produción prevista na súa fábrica galega dende que pactou coa empresa da Xunta