Fálase

A Comisión Antiviolencia propón sancionar 17 cidadáns polo incidentes nas etapas 12, 14 e 15 de La Vuelta, esta última entre A Veiga e Monforte de Lemos e as dúas primeiras en Cantabria e Asturias. As multas oscilan entre os 3.000 e os 4.000 euros así como a prohibición de acceso a eventos deportivos durante seis meses. As reunións da comisión son quincenais e o comunicado divulgado polo Ministerio de Interior non di aínda nada dos incidentes ocorridos na última semana da Vuelta, como os da etapa 16, con final en Mos que tivo que recortarse.

• Bandeiras palestinas e varias detencións reciben en Monforte unha 'Vuelta' convertida en protesta contra Israel
• As masivas protestas contra o equipo Israel obrigan a recortar o final de etapa da Vuelta

David Chipperfield ingresa na Real Academia Galega de Ciencias cun discurso centrado na procura do equilibrio entre o desenvolvemento e a protección, o camiño a seguir segundo o arquitecto británico posto que a crise medioambiental "nos obriga a reconsiderar a forma na que vivimos". Chipperfield valorou que Galicia ten "unha grande oportunidade para alcanzar os obxectivos de sostenibilidade máis facilmente" e animou a comunidade científica a involucrarse na "revitalización" do rural, co apoio a iniciativas locais a través do que chamou "entidades facilitadoras", como a Fundación RIA, que ten a súa sede en Santiago.

👉🏻 HEMEROTECA | Fundación RIA, a iniciativa do Premio Pritzker David Chipperfield para redeseñar o modelo territorial de Galicia

👉🏻 HEMEROTECA | A Pobra quere abrazar o mar: lanza un concurso de ideas para transformar a súa fachada litoral

Pedro Sánchez anuncia unha lei que obrigará a baixar o número de alumnado por clase e as horas lectivas do profesorado. O presidente do Goberno de España promete tamén a redución da carga burocrática nos centros durante a visita a unha escola infantil en Getafe. Foto: © Borja Puig de la Bellacasa

O filme ‘Sirat’, de Oliver Laxe, representará á Academia de Cine española nos premios Oscar 2026 na categoría de Mellor Película Internacional. Gañador do premio do xurado no Festival de Cannes e estreado en Navia de Suarna, ‘Sirat’ xa tiña asegurada a distribución nas salas de cinema dos Estados Unidos. [📸Na imaxe, o cineasta galego durante a rodaxe © Quim Vives]

🎥 REPORTAXE | Oliver Laxe: "O cinema segue sendo un espazo onde experimentar cousas fortes que xa non experimentamos na vida"

🏆 Oliver Laxe, de Cannes aos Ancares: "Confío no poder das imaxes"

Falece José María Castellano. O empresario galego, que fora vicepresidente de Inditex ou presidente de NCG Banco e Greenalia, morreu na Coruña aos 78 anos. 

• OBITUARIO | José María Castellano, o empresario clave e o banqueiro que non foi 

Isabel Soto gaña o XXIII Premio de tradución Plácido Castro polo seu traballo na edición en galego da novela A herdanza Ferramonti, do autor italiano Gaetano Carlo Chelli, que publicou en Hugin e Munin. A tradutora viguesa xa recibira este premio na súa XVIª edición pola obra Fosca, de Iginio Ugo Tarchetti, publicada á súa vez pola editorial Hugin e Munin.

REPORTAXE | Hugin e Munin: "Estamos todo o día entre libros"

Besteiro sinala a ultradereita e á "dereita compracente" tras as pintadas con insultos na sede do PSdeG en Lugo. O secretario xeral dos socialistas galegos di que non permanecerán "indiferentes" ante este tipo de "atentados" que o partido vai "denunciar". 

🇵🇸RTVE aproba retirarse do Festival de Eurovisión "se Israel continúa no certame". A proposta do presidente da corporación estatal, José Pablo López, saíu adiante no consello de administración por maioría absoluta con 10 votos a prol, 4 en contra e unha abstención, segundo vén de confirmar nun comunicado no que lembra que a decisión chega tras anuncios no mesmo sentido de Irlanda, Eslovenia, Islandia e Países Baixos. Televisión Española é a primeira do chamado Big Five -as televisións públicas que máis achegan economicamente á Unión Europea de Radiodifusión e que se clasifican directamente para a final de Eurovisión-.

• A comisión de investigación da ONU conclúe que "Israel é responsable de cometer un xenocidio en Gaza"
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"

Xa se pode ver o trailer de San Simón, o filme de Miguel Ángel Delgado que se proxectará no festival de San Sebastián o 25 de setembro. A película amosa o destino das persoas que foron represaliadas durante o funcionamento da illa como campo de concentración e colonia penitenciaria franquista. O filme foi rodado en galego na propia illa, en proceso de ser declarada Lugar de Memoria Democrática.

• Horror no paraíso. Cine contra o esquecemento en ‘San Simón’
• “Que San Simón, a illa dos poetas, fose tamén un campo de concentración é algo demasiado brutal”
• A declaración de San Simón como Lugar de Memoria, un "acto de xustiza e reparación" aos centos de mortos na illa

🇵🇸A comisión de investigación da ONU conclúe que "Israel é responsable de cometer un xenocidio en Gaza" e urxe a todos os Estados a "cumprir coas súas obrigas baixo a lei internacional para paralo" e "castigar os responsables". "Está claro que existe un intento para destruír o pobo palestino en Gaza a través de actos que encaixan nos criterios na Convención para a Prevención e o Castigo dos Crimes de Xenocidio", advirten. Na imaxe, ruínas de edificios bombardeados por Israel en Gaza [© UN News]

• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"
• As masivas protestas contra o equipo Israel obrigan a recortar o final de etapa da Vuelta
• A Xunta di agora que recibiu o embaixador israelí para "avogar por solucións ao drama" en Gaza