Fálase

🇵🇸RTVE aproba retirarse do Festival de Eurovisión "se Israel continúa no certame". A proposta do presidente da corporación estatal, José Pablo López, saíu adiante no consello de administración por maioría absoluta con 10 votos a prol, 4 en contra e unha abstención, segundo vén de confirmar nun comunicado no que lembra que a decisión chega tras anuncios no mesmo sentido de Irlanda, Eslovenia, Islandia e Países Baixos. Televisión Española é a primeira do chamado Big Five -as televisións públicas que máis achegan economicamente á Unión Europea de Radiodifusión e que se clasifican directamente para a final de Eurovisión-.

• A comisión de investigación da ONU conclúe que "Israel é responsable de cometer un xenocidio en Gaza"
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"

Xa se pode ver o trailer de San Simón, o filme de Miguel Ángel Delgado que se proxectará no festival de San Sebastián o 25 de setembro. A película amosa o destino das persoas que foron represaliadas durante o funcionamento da illa como campo de concentración e colonia penitenciaria franquista. O filme foi rodado en galego na propia illa, en proceso de ser declarada Lugar de Memoria Democrática.

• Horror no paraíso. Cine contra o esquecemento en ‘San Simón’
• “Que San Simón, a illa dos poetas, fose tamén un campo de concentración é algo demasiado brutal”
• A declaración de San Simón como Lugar de Memoria, un "acto de xustiza e reparación" aos centos de mortos na illa

🇵🇸A comisión de investigación da ONU conclúe que "Israel é responsable de cometer un xenocidio en Gaza" e urxe a todos os Estados a "cumprir coas súas obrigas baixo a lei internacional para paralo" e "castigar os responsables". "Está claro que existe un intento para destruír o pobo palestino en Gaza a través de actos que encaixan nos criterios na Convención para a Prevención e o Castigo dos Crimes de Xenocidio", advirten. Na imaxe, ruínas de edificios bombardeados por Israel en Gaza [© UN News]

• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"
• As masivas protestas contra o equipo Israel obrigan a recortar o final de etapa da Vuelta
• A Xunta di agora que recibiu o embaixador israelí para "avogar por solucións ao drama" en Gaza

Feijóo sentencia que TVE "xa non é unha televisión pública", senón "un aparello propagandístico impúdico que acantoa a todos os bos profesionais que alí traballan" e "xa non informan, simplemente propagan". O colectivo Defende a Galega de persoal dos medios públicos galegos coida que "ao tentar describir RTVE", o ex-presidente e actual líder do PP "estaba, en realidade, retratando a súa propia obra na TVG e na Radio Galega". Na imaxe, as declaracións de Feijóo recollidas por Televisión Española.

• HEMEROTECA | Segunda dirección dos medios públicos do PP dende 2009 tras trece anos a esquivar a lei
• HEMEROTECA | A dirección da CRTVG pasou pola lei, pero non á inversa
• HEMEROTECA | Galicia non terá a autoridade audiovisual independente que esixe a UE
• HEMEROTECA | A secretaria de Medios da Xunta de Feijóo fiscaliza agora a RTVE con máis dun milleiro de preguntas

O presidente de RTVE proporá ao Consello de Administración a retirada de España de Eurovisión se Israel participa no certame. Islandia, Irlanda, Países Baixos e Eslovenia xa anunciaron que non acudirán se o fai o Estado hebreo. 

"Somos máis os que estamos contra dos lumes que os que estaban na manifestación", di Rueda sobre a marcha deste domingo en Santiago, que atribúe ao BNG. O presidente amosa o seu "respecto polas persoas que estaban de boa fe, algunhas soprendidas véndose rodeadas de consignas e bandeiras independentistas", e salienta que "o outro partido da oposición nin sequera compareceu".

• A chuvia que apagou os incendios non pode coa indignación: "Lumes nunca máis"

Un incendio en Barreiros que obrigou a cortar a autovía A-8 deixa cinco bombeiros forestais feridos. Na imaxe, bombeiros forestais manifestándose este domingo en Santiago.

• A chuvia que apagou os incendios non pode coa indignación: "Lumes nunca máis"

Suspendida a derradeira etapa da Volta a España pola invasión masiva do circuíto final en Madrid por manifestantes en contra do xenocidio en Gaza, como xa sucedeu hai uns días en Mos. A proba deportiva dáse por rematada coa vitoria na clasificación xeral do danés Jonas Vingegaard. [Foto: Unipublic-Antonio Baixauli]

• (9/9/2025) | As masivas protestas contra o equipo Israel obrigan a recortar o final de etapa da Vuelta

Desaparecidos cinco mariñeiros no afundimento en Mauritania dun barco de capital galego con 25 tripulantes, tres deles españois, rescatados e en bo estado.

Transición Ecolóxica recoñece o Laboratorio Ecosocial do Barbanza como unha das 39 iniciativas "exemplares" na execución dos fondos europeos de recuperación. O proxecto, seleccionado entre máis de 1.000 accións de todo o Estado, está impulsado pola Fundación RIA xunto ás universidade de Santiago e Pablo de Olavide, a Plataforma pola Defensa do Monte, a Fundación Montescola e o Concello de Rianxo, traballa coas comunidades de montes do Barbanza "para poñer en valor modelos de gobernanza comunitaria e explorar alternativas de futuro fronte ao abandono das actividades produtivas, a perda de biodiversidade e o risco de incendios forestais". O vindeiro outubro a Casa RIA, en Santiago, abrirá unha exposición e un programa de actividades para divulgar o traballo do Laboratorio.

• 145.000 hectáreas ardidas e un propósito: "Pensar nun futuro sen incendios"
• HEMEROTECA | Fundación RIA, a iniciativa do Premio Pritzker David Chipperfield para redeseñar o modelo territorial de Galicia
• HEMEROTECA | "Na cultura labrega hai coñecementos moi valiosos para o manexo do territorio e para construír futuros máis sustentables"