Fálase

A memoria de Todos os Santos e Defuntos, no arquivo de Real Academia. A RAG recupera fotografías do seu arquivo que "ilustran a importancia" destas celebracións. Entre elas, esta imaxe do cemiterio coruñés de Santo Amaro un 2 e novembro "de comezos dos anos 30". "O Día de Defuntos ten raíces antigas e profundas. Na cultura galega relaciónase co Samaín celta, unha festividade que marcaba a fin do verán e o inicio do inverno", explica a RAG. "Coa chegada do cristianismo, estas tradicións fusionáronse coa festividade de Todos os Santos (1 de novembro) e o Día de Defuntos (2 de novembro), cando se honra e lembra a aqueles que faleceron, nunha mestura fascinante de tradicións pagás e cristiás". O fondo fotográfico da RAG pódese consultar no Arquivo Dixital de Galicia.

• Unha ducia de razóns para celebrar o Samaín

O número de falecidos polo temporal na provincia de Valencia aumenta a 202 . O número de vítimas mortais polo temporal na provincia de Valencia aumentou ata as 202, segundo informou este venres o Centro de Emerxencias da Generalitat Valenciana. O Estado español vive o segundo día de loito oficial decretado mentres a Comunidade Valenciana tenta recuperarse das inundacións que deixaron máis de dous centenares de mortos só na provincia de Valencia e os equipos de rescate continúan buscando os desaparecidos, informa EFE. [Foto: Exército de Terra]

• AMPLIAMOS 👉 As riadas máis mortais de Europa neste século superan xa as 200 vítimas en València
• O temporal de València provoca a segunda riada máis mortífera de Europa no que vai de século 

A lucense Azucena Mora entra na Academia de Ciencias Veterinarias de Galicia, “un referente en investigación”. A catedrática de Microbioloxía na Facultade de Veterinaria do Campus de Lugo, Azucena del Carmen Mora Gutiérrez, tomou posesión este venres da cadeira número 21 da Academia de Ciencias Veterinarias de Galicia.  A lucense foi recoñecida recentemente co premio do Plan Nacional de Resistencia aos Antibióticos (PRAN) á mellor iniciativa de investigación polo seu traballo Monitorización integrada do fluxo de resistencias a antimicrobianos (RAM). “Un referente en investigación”, segundo subliñou o presidente da Deputación de Lugo.

• HEMEROTECA | ENTREVISTA: "As PCR e os test rápidos son complementarios e necesarios para erradicar o coronavirus"

O Concello da Coruña homenaxea as Fillas de Breogán tras lograren o seu segundo Torneo Paneuropeo de fútbol gaélico, o pasado día 20 en Lyon. A alcaldesa da cidade, Inés Rey, recibiu as xogadoras no Pazo de María Pita e considerou que "este novo éxito do deporte coruñés amosa o diverso que é o noso tecido deportivo e o esixente que é en todas as competicións nas que participan os seus conxuntos e deportistas. Alén dos seus dous Paneuropeos, as Fillas de Breogán contan no seu palmarés con tres ligas, tres Copas de Galicia, o trofeo All Galicia e tres Torneos Ibéricos. [Imaxe: © Concello da Coruña]

• HEMEROTECA | Fillas de Breogán compite no Torneo Paneuropeo de fútbol gaélico na procura do segundo trofeo

Os estudios galegos Creus e Carrasco e RVR Arquitectos gañan o Premio Europeo do Espazo Público Urbano 2024 pola mellora da praia e reurbanización do bordo portuario en Porto do Son. O xurado dos galardóns, que convoca o Centre de Cultura Contemporània de Barcelona (CCCB), destaca a que a obra perseguiu "renaturalizar o paseo marítimo con dunas que protexen un parque existente e reconstruír a relación entre as actividades portuarias e a comunidade local" e valorou apostas como a "atrevida e mesmo radical decisión do proxecto de preservar a antiga muralla que protexe" a vila "dun mar especialmente axitado, situando as novas instalacións no reverso que achegarán nova vida urbana a un espazo que antes estaba reservado exclusivamente ás instalacións portuarias". Nas imaxes, catro vistas do proxecto [Imaxes, de esquerda a dereita e de arriba a abaixo: © Luis Díaz, © RVR Arquitectos, © Luis Díaz e ©Creus e Carrasco, divulgadas polo Colexio Oficial de Arquitectura de Galicia]

• 📺 EN VINTE | VINTE almorzando en Cans con CREUSeCARRASCO

Rueda recibe da Fundación Amancio Ortega a terceira das 7 residencias de maiores que Feijóo prometeu en 2017. O presidente di que o centro de Pontevedra, con 120 prazas, "comezará a recibir residentes no primeiro semestre de 2025".

• A Xunta tarda un ano en ter "a pleno rendemento" a primeira residencia doada por Amancio Ortega das 7 prometidas en 2017
• A Valedora advirte a Xunta de que as 7 residencias doadas por Amancio Ortega "serán insuficientes"

🔴 Máis de medio cento de persoas mortas na Comunitat Valenciana como consecuencia do forte temporal. O Goberno de España activou a pasada noite un comité de crise "ante as graves consecuencias" das fortes chuvias, que requiriron despregar a Unidade Militar de Emerxencias tanto para rescates e evacuacións, entre outros labores. O presidente da Xunta, Alfonso Rueda, ofreceu "toda a axuda que precisen" tanto ás autoridades valencianas como ao Goberno de Castilla-La Mancha, onde a provincia de Albacete tamén está afectada polo temporal con cando menos 6 persoas desaparecidas. [Imaxe: Emergències 112CV]

• AMPLIAMOS 👉  Temporal catastrófico na Comunitat Valenciana con máis de medio cento de mortes

A Real Academia Galega celebrou este martes unha xornada de homenaxe a Nélida Piñón, académica de honra e unha das grandes autoras brasileiras do século XX, con raíces en Cotobade, finada hai dous anos. “En Nélida Piñon a escritura vence a morte”, salientou a académica Marilar Aleixandre, coordinadora do encontro, no que tamén participaron Karla da Silva, compañeira de Nélida, e Antonio Maura, estudoso da súa obra.

• OBITUARIO | Morre Nélida Piñón, a 'brasilega' de Cotobade que sempre gardou Galicia "no nicho da memoria"

Manuel Rivas gaña o Premio Nacional das Letras que concede o Ministerio de Cultura. O xurado destaca a "extraordinaria calidade narrativa" do autor nunha "traxectoria versátil e coherente construída coa sensibilidade e defensa da memoria histórica, a responsabilidade social e a lingua galega". "Poucos autores, partindo dun compromiso firme coa súa lingua, conseguiron alcanzar tal recoñecemento a nivel mundial", agregan. O pasado setembro en Praza.gal conversamos con Manuel Rivas ao fío da súa última novela, Tras do ceo. [Imaxe: CC BY-NC-SA Praza.gal]

• Manuel Rivas gaña o Premio Nacional das Letras, que destaca o seu "compromiso coa lingua" e "recoñecemento mundial"
• ENTREVISTA | Manuel Rivas: "Algún día tiven o soño de que podes cambiar o mundo escribindo"
• Unha ducia de premios nacionais da cultura galega nos últimos anos

Yolanda Díaz recoñece que Sumar chegou “tarde” no caso Errejón, asegura que a única maneira de amañalo é “facéndoo moito mellor” e incide en que non tivo coñecemento dos feitos ata a noite do pasado martes. “Se chego a sabelo antes tería actuado coa mesma contundencia”, afirmou

“Estase creando unha nova cultura política que xa non tolera a impunidade. O feminismo e as mulleres cambiaron este país a mellor”. Estas foron as reflexións iniciais da vicepresidenta segunda do Goberno de España e líder de Sumar, que animou a todas as mulleres a denunciar as violencias machistas. “Cando falamos de que o persoal é político referímonos a isto: exemplaridade na vida pública e tamén na privada”, sentenciou este luns desde o Congreso para engadir que “hai que rematar coa cultura da impunidade”.

• HEMEROTECA | Vinte mulleres vítimas das violencias machistas ao día en Galicia e aínda sen xulgados específicos en todas as cidades
• HEMEROTECA | O "básico" é "revolucionario": manual contra as violencias machistas para "recoñecer, actuar e restaurar"