Dúas folgas médicas e a negativa a facer peonadas agudizan este luns os problemas na sanidade galega. O Sergas cifra en case o 22% o seguimento nos hospitais galegos da folga médica contra o Estatuto Marco, que coincide ao que mantén O'Mega na atención primaria, onde ten un apoio do 4,4%. Ademais, ducias de médicos anunciaron que este luns deixarían de facer actividade extraordinaria fóra do horario, o que agravaría as listas de espera. Foto: O'Mega.
Inés Rey confirma a renuncia da Coruña a acoller partidos do Mundial 2030 en Riazor: "É o responsable", advirte a alcaldesa no inicio dunha comparecencia conxunta con Juan Carlos Escotet, presidente do Deportivo e de Abanca. "Queriamos ser sede do Mundial pero non a calquera prezo", advirte a rexedora, que anuncia ao tempo un novo convenio de colaboración co club. +info, esta mañá en Praza.gal.
Falece o xornalista vigués Fernando Franco aos 75 anos tras máis de catro décadas retratando a cidade dende Faro de Vigo. No primeiro episodio do podcast Retrocorenta, producido por Praza.gal e VINTE, Fernando Franco axudounos a lembrar os históricos anos da movida viguesa.
A alcaldesa da Coruña e o presidente do Deportivo e de Abanca convocan os medios ás 10 desta mañá para anunciar un "acordo de colaboración" entre o club e o Concello e, previsiblemente, confirmar a renuncia a que Riazor acolla partidos do Mundial 2030, abordada xa a pasada semana entre Inés Rey e Juan Carlos Escotet. Máis información, hoxe en Praza.gal. [Imaxe: © Concello da Coruña]
A histórica participación de Oliver Laxe nos Oscar con Sirât remata sen premios, mais co director galego subliñando a importancia da oportunidade de ser candidato en dúas categorías dos prestixiosos galardóns. "Non hai gañadores nin perdedores, todos gañamos" con esta "oportunidade" para vindeiras producións, subliñaba na alfombra vermella de Los Angeles, antes da entrega. O percorrido do filme continúa a vindeira semana nos Mestre Mateo, onde aspira a 11 premios. Máis info, hoxe en Praza.gal. [Imaxe: © Quim Vives]
As dereitas repiten maioría absoluta en Castela e León co PP como primeira forza e 2 escanos máis cun medre de 4 puntos e Vox en terceira posición e crecendo un procurador nas Cortes castelás e leonesas cun avance un chisco superior a un punto. O PSOE, que volve ser segunda forza, avanza 2 escanos e algo menos dun punto co 93% escrutado. Unión del Pueblo Leonés mantense con 3 escanos e Podemos desaparece do Parlamento ao perder o escano que tiña.
O conselleiro de Cultura e a vicepresidenta e ministra de Traballo, en Hollywood para acompañar a participación nos Oscar de Sirât, o filme de Oliver Laxe que este domingo opta a dous dos prestixiosos galardóns: mellor película internacional e mellor son. José López Campos e Yolanda Díaz asistirán á gala, que se celebra no Dolby Theatre de Los Angeles. Na imaxe, Oliver Laxe durante a rodaxe de Sirât con parte do elenco do filme [© Quim Vives]
Castela e León celebra hoxe eleccións catro anos despois das que precipitaron dúas semanas despois a caída de Pablo Casado como líder do PP e a súa remuda por Feijóo. Daquela, a dirección estatal da formación deseñara unha operación para pasar nesta autonomía, que gobernan dende 1987, da coalición con Ciudadanos a un Goberno en solitario que reforzase a Casado e enfraquecese a Pedro Sánchez, pero acabara dependendo dun reforzado Vox, formación da extrema dereita para a que os inquéritos agardan tamén unha relevante suba neste 15 de marzo. Na imaxe, Feijóo aínda como líder do PP galego, pechando a campaña do PP castelán e leonés en 2022 xunto a Mañueco, Casado e Ayuso.
Persoal médico convocado polo sindicato O'Mega maniféstase en Santiago para denunciar que no Sergas os "centros de saúde están desbordados" e os hospitais "con listas de espera interminables e sobrecarga constante" e reclamaren melloras laborais. No marco das folgas paralelas que veñen desenvolvendo -paro indefinido en Atención Primaria e negativa a realizar operacións polas tardes para aliviar esperas as chamadas peonadas- instan a Consellería de Sanidade a "sentar a negociar os asuntos sobre os que ten competencia exclusiva", caso do establecemento da xornada semanal de 35 horas ou unha nova regulación das Urxencias, entre outras, mentres seguen reclamando ao Estado un Estatuto Marco propio. [Imaxe: O'Mega]
Falece aos 96 anos o filósofo e sociólogo alemán Jürgen Habermas, segundo confirmou este sábado a editorial Suhrkamp citando fontes da súa familia. [Imaxe: CC BY-SA Wolfram Huke]
