Fálase

Jácome perde a cuestión de confianza asociada aos orzamentos do Concello de Ourense, que quedarán aprobados inicialmente se nun mes PP, PSdeG e BNG non pactan unha moción de censura para desbancar o goberno de Democracia Ourensana. Populares, socialistas e nacionalistas votaron en contra das contas municipais no pleno desta mesma mañá, tras o cal o rexedor convocou outro urxente para a cuestión de confianza.

• Jácome, ás portas dun xuízo por prevaricación por non pedir a compatibilidade coa súa empresa
• HEMEROTECA | Rueda deixa a moción de censura en Ourense en mans dos seus edís e afea "liñas vermellas" do BNG co PP
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• HEMEROTECA | PODCAST - 🔊 Fálase | Anatomía do de Ourense

A Audiencia Nacional bloquea as contas bancarias de Zapatero. O xuíz Calama fixa o bloque de saltos ata os 490.780 euros, o importe que recibiu da mercantil Análisis Relevante. Foto: CC-BY-SA Goberno de Arxentina. 

• Os retos do caso contra Zapatero: probar xestións coa SEPI, Facenda ou o Goberno para Plus Ultra

Nova folga este sábado en Galicia no comercio téxtil contra o convenio estatal que negocia a patronal ARTE cos sindicatos CCOO e Fetico. CIG e UGT convocan un novo paro "contra os recortes" deste acordo, aínda non ratificado. Tamén haberá mobilizacións na Coruña, Vigo, Compostela, Ferrol, Lugo e Ourense a partir das 11 da mañá. Será a sétima folga na provincia da Coruña e a terceira en todo o país nas últimas semanas. 

• Dos soldos a traballar festivos: claves da loita das dependentas que volve paralizar as tendas

O Tribunal Supremo anula o Rexistro Único de Vivendas Turísticas impulsado polo Ministerio de Vivenda, ao considerar que o Estado central carece de competencias para a creación deste censo, que busca limitar os efectos prexudiciais da saturación de pisos turísticos.

• O rexistro obrigatorio de pisos turísticos redúceos un 23% e afonda na fenda cos datos da Xunta

Falece unha nena de dous anos en Brión tras quedar esquecida durante horas no interior do coche familiar. Segundo fontes policiais e de emerxencias, o pai da menor levou o fillo maior ao colexio e esqueceu facer o propio coa pequena na escola infantil. Minutos antes das cinco da tarde, especifica o 112, chegou o aviso de Urxencias Sanitarias, que atenderon a nena e a trasladaron ao PAC de Bertamiráns (Ames) "en parada cardiorrespiratoria". A Garda Civil investiga as circunstancias duns feitos polos que o 112 activou tamén o Grupo de Intervención Psicolóxica en Catástrofes e Emerxencias "co fin de ofrecer á familia atención especializada". Na imaxe, de arquivo, unha ambulancia da área sanitaria compostelá.

O BNG de Lugo ratifica a Rubén Arroxo como candidato á alcaldía nas eleccións do ano vindeiro: "Temos o gran reto por diante de conseguir que en 12 meses a cidade volva ter un goberno de progreso", agora "liderado" polo Bloque, sostén. "Aspiramos á alcaldía e é o mellor momento da historia para facelo", coida quen ata a moción de censura do PP coa edil tránsfuga era o tenente da alcaldía nun goberno no que, reivindica, "conseguimos grandes transformacións". "Imos seguir traballando por e para os veciños e veciñas, desde o convencemento de que Lugo merece máis", resalta.

A Federación Galega de Fútbol saca á venda unha réplica da primeira camiseta da selección galega de fútbol, inspirada nos primeiros uniformes que luciu o combinado hai máis dun século. A edición é limitada e venderase só ata esgotar existencias. 

• A selección galega: máis de vinte partidos e unha longa noite de pedra

Eva López Tarrío, nova directora do Centro Galego de Arte Contemporánea. A Consellería de Cultura confirma que esta doutora en Belas Artes e catedrática de Ensino Secundario é a gañadora do proceso de libre designación entre funcionariado de carreira que ergueu múltiplas críticas no sector artístico e cultural. A este procedemento, di a Xunta, concorreron "nove candidaturas" e destasca da elixida que ten "experiencia contrastada en liderado de equipos, planificación estratéxica, innovación educativa e coordinación institucional, ademais dunha ampla actividade paralela no eido artístico e curatorial" e "a súa propia obra artística". [Foto: CC BY-SA Xunta]

• HEMEROTECA | O futuro do CGAC en 5 páxinas: a Xunta remuda a dirección cun funcionario entre malestar do mundo cultura

Altri presenta alegacións contra o arquivo do seu proxecto en Palas de Rei. A empresa alega que a planta sería "enerxeticamente autosuficiente" e que a conexión eléctrica externa da que foi privada "non constitúe un elemento esencial". Máis información, decontado en Praza.gal. 

• AMPLIAMOS 👉 Altri alega contra o arquivo do seu proxecto porque a subestación eléctrica "non é imprescindible"

Zapatero, imputado por blanqueo de capitais no caso Plus Ultra. A Audiencia Nacional decide investigar o ex-presidente do Goberno de España nunha causa que investiga un presunto lavado de diñeiro do rescate público de 53 millóns da aeroliña. Tamén se lle imputan presuntos delitos de organización criminal, falsidade documental e tráfico de influencias. Foto: CC-BY-SA Goberno da Arxentina. 

• AMPLIAMOS 👉 Zapatero, primeiro ex-presidente do Goberno de España imputado pola xustiza