Fálase

Falece aos 77 anos José García Buitrón. Médico de profesión, foi pioneiro dos transplantes na sanidade pública galega, ámbito no que foi coordinador para toda Galicia dende os anos 80 e ata 2007 dende o CHUAC coruñés, que dirixiu de 2005 a 2007. Mantivo unha fonda implicación política e social tanto no eido profesional como partidario, no que participou activamente en Unidade Galega, o PSOE e, mais recentemente, en Podemos, formación a través da cal foi senador por En Marea.

• OBITUARIO | José García Buitrón, compromiso humanista

Lugo acolle hoxe a segunda xornada do Caudal Fest. Tras un concorrido primeiro día con bandas e artistas como Izal, Estopa ou Grande Amore, hoxe é quenda para grupos como Agoraphobia ou Ilegales, con Robe Iniesta como cabeza de cartel. A celebración do festival no lucense paseo do Miño propiciou un cheo absoluto nas prazas hoteleiras da cidade. [Imaxe: © Caudal Fest]

Francisco Jorquera recuncará como candidato do BNG á alcaldía da Coruña en 2023. A portavoz nacional do Bloque, Ana Pontón, presentouno este venres como "garantía" de "alcalde con mans libres para defender os intereses da cidade". "A nosa vocación non é ser concelleiros e concelleiras doutro Executivo, senón ser a alternativa e liderar esta cidade", mantivo Jorquera.

O incremento interanual dos prezos rematou agosto nun 9,1% na zona euro, algo máis de medio punto por riba do dato de xullo. Deste xeito, trece Estados teñen unha inflación menor á española (10,5%) e outros tantos, maior. A inflación de Galicia está no 11%, por riba da media estatal e tamén da zona euro. [Imaxe: © Eurostat]

• O encarecemento do leite nun 30% únese ao de ovos, aceite ou patacas e pon a cesta da compra fóra do alcance de moitas familias
• A inflación en Galicia sitúase no 11% e segue medio punto por riba da media estatal

A Xunta cesa a ex-secretaria xeral de Medios e principal asesora de Feijóo, Mar Sánchez Sierra, como unha das catro representantes da Xunta no consello de administración do porto da Coruña. Substitúea o actual vicepresidente segundo do Goberno galego, Diego Calvo. Sánchez Sierra incorporouse o pasado verán ao gabinete do ex-presidente na dirección estatal do PP.

• HEMEROTECA | Os nomes de Rueda para remudar o núcleo duro de asesores desmontado por Feijóo
• 🔊PODCAST | Fálase - Todos os nomes do presidente
• HEMEROTECA | Mar Sánchez, a vicepresidenta na sombra

Alberto Casero volve trabucarse e vota a favor de investigar o Goberno de Rajoy pola policía política. Outro erro do deputado permitira que saíse adiante a reforma laboral do Executivo. 

Bruxelas veta a pesca de arrastre en zonas protexidas do Atlántico malia o rexeitamento de España e Irlanda. A Comisión Europea pecha o acceso da frota de arrastre a 87 zonas, o que supón ventar a captura de especies en augas con profundidades superiores a 1.500 metros. Galicia ve a decisión "un acto de mala fe" e non descarta ir á xustiza. 

A concelleira que substituirá a Claudia Delso no pleno da Coruña farao como independente e fóra do grupo da Marea Atlántica, que queda con catro dos seis edís que acadou nas eleccións. Susana Soneira, decana do Colexio de Graduados Sociais da Coruña, aclara que non estará "con ningunha formación". O ex-alcalde Xulio Ferreiro amosou a súa "decepción e tristeza" coa decisión. 

Sabela Losada Cortizas gaña o XXVII Premio Xornalístico Manuel Reimóndez Portela co artigo 'Que nos sorprende da tristura da mocidade?', publicado en Praza.gal o pasado 1 de xullo. O texto reflexiona sobre o sentimento de abandono que sofre a mocidade e busca desterra a visión “tremendamente negativa” que se ten sobre a adolescencia. O galardón entregarase este venres ás 19 horas na Fundación de Exposicións e Congresos da Estrada, con motivo da XXXIV Feira do Moble.

• Artigo gañador | Que nos sorprende da tristura da mocidade?

A Comisión Europea calcula unha recadación duns 140.000 millóns de euros coas medidas para "limitar os ingresos" das grandes eléctricas. "Nos tempos que vivimos non pode ser que algúns obteñan uns beneficios extraordinarios e sen precedentes grazas á guerra e a costa dos consumidores", defendeu a presidenta, Ursula Von der Leyen, durante o seu discurso no Debate sobre o Estado da Unión, que se desenvolve na sede do Parlamento Europeo en Estrasburgo. Esa cantidade sería o resultado de sumar a limitación de prezos no mercado a fontes enerxéticas como as renovables e a nuclear -independente do tope ibérico ao gas- e un imposto sobre os beneficios extraordinarios ás eléctricas que producen con combustibles fósiles. [Imaxe: © UE]

• AMPLIAMOS 👉 A UE chama ao aforro enerxético e recortará os beneficios das eléctricas: "O mercado xa non funciona"
• O prezo dos combustibles repunta en Galicia no final de agosto logo de dous meses de descenso
• Sánchez anuncia impostos extra a enerxéticas e bancos, trens de balde e máis bolsas para combater a crise de prezos