Fálase

Ana Miranda recunca como cabeza de lista do BNG ás eleccións europeas. Bieito Lobeira, Mar Pérez e Rogelio Santos Queiruga séguena na candidatura aprobada nesta mañá polo Consello Nacional da formación. A formación soberanista volve concorrer aos comicios na coalición Agora Repúblicas xunto a ERC, EH Bildu e Ara Més. 

• AMPLIAMOS 👉 Unanimidade no BNG para que Ana Miranda repita candidatura ás europeas
• O BNG recunca na coalición Agora Repúblicas para as eleccións europeas xunto a ERC, Bildu e Ara Més
• 37 anos de eleccións europeas en Galicia: alta abstención e sorpresas nunha cita que ata 2019 dominou o PP
• As eleccións europeas avalían o ascenso no continente dunha dereita en guerra interna

Neve a 27 de abril. Areas montañosas das provincias de Lugo e Ourense están a rexistrar precipitacións en forma de neve que, na mañá deste sábado, chegaron tamén á capital lucense e a puntos da Terra Chá. A imaxe do radar de MeteoGalicia reflicte a neve acumulada dende a medianoite e ata as 8h30 desta mañá

O comité federal do PSOE vira este sábado en mobilización para tentar que Pedro Sánchez non dimita. Unha ampla delegación do PSdeG con Besteiro á fronte viaxou a Madrid para participar na xuntanza e mais na concentración ante a sede federal do partido. [Na imaxe, Sánchez e Besteiro nun mitin previo ás eleccións galegas]

• AMPLIAMOS 👉 Mobilización total do PSOE para que Pedro Sánchez non marche
• De Nunca Máis a Angrois, as denuncias en Galicia de Manos Limpias que quedaron en nada
• Reaccións en Galicia á posible dimisión de Sánchez: solidariedade á esquerda, mofa á dereita

A Federación Galega de Fútbol confirma que o partido da selección absoluta masculina contra Panamá se disputará en Balaídos. O encontro está previsto para o vindeiro 31 de maio. A Irmandiña xa xogara no estadio vigués en 2007 contra Camerún, partido que finalizara cun empate a 1 gol. [Imaxe: FGF]

• Galicia-Panamá con Iago Aspas e Lucas Pérez como protagonistas: volve a Selección oito anos despois

O TSXG ratifica a absolución do ex-alcalde de Baiona do PSOE por quitarse cinco multas pero di que deberían tramitarse de novo. A xustiza considera que o socialista Carlos Gómez non prevaricou pero que "asinar 'sen ler' as resolucións non pode ter" para quen incumpriu a normativa de tráfico un resultado máis favorable e di que "podería ou debería" revisarse a tramitación administrativa das sancións.

• HEMEROTECA | Absolto de prevaricación o ex-alcalde de Baiona do PSOE por quitarse multas tras retirar a Fiscalía a acusación de falsidade

A Fiscalía de Madrid solicita o arquivo da denuncia contra Begoña Gómez presentada por Manos Limpias, segundo adianta o diario El País. A entidade de ultradereita xa recoñeceu na mañá deste xoves que poden estar baseados en datos falsos. [Fotografía de arquivo © Pool Moncloa]

• Pedro Sánchez di meditar a súa dimisión ante o "acoso" á súa muller

Pedro Sánchez di meditar a súa dimisión ante o "acoso" á súa muller, á que un xulgado vén de abrir dilixencias previas por suposta corrupción tras unha denuncia da organización ultradereitista Manos Limpias. "Cancelarei a miña axenda pública uns días para poder reflexionar e decidir que camiño tomar", di nunha carta aberta á cidadanía. Na imaxe, de Pool Moncloa/Fernando Calvo, Sánchez coa súa muller, Begoña Gómez.

• AMPLIAMOS | Pedro Sánchez di meditar a súa dimisión ante o "acoso" á súa muller

A Plataforma Ulloa Viva convoca a primeira manifestación contra Altri. Será o 26 de maio en Palas de Rei. A entidade agradece o apoio amosado nas últimas semanas por cidadanía e entidades sociais de toda Galicia e convoca á poboación a rexeitar o proxecto na propia comarca.

• Rueda, preguntado por axudas a Altri, di que a Xunta "vai estar comprometida" con calquera proxecto que cree emprego
• A Ulloa, unha comarca rural "de innovación e vangarda" que ve en risco o seu desenvolvemento económico por mor de Altri

O Senado autoriza o Supremo a xulgar a Baltar por conducir o coche oficial da Deputación de Ourense a 215 por hora cando era presidente. Cos votos a prol do PP, que ten maioría absoluta, nesta Cámara, a decisión supón suspender o aforamento do agora senador por designación do Parlamento de Galicia, o que permite á xuíza do caso enviar a Baltar a xuízo por un delito contra a seguridade viaria.

• O PSOE de Ourense denuncia que a negativa da Deputación a identificar a Baltar nunha multa de radar custou 1.200 euros
• HEMEROTECA | Baltar nega ante o Supremo que conducise a 215 km/h e atribúe as acusacións a unha "campaña"
• HEMEROTECA | Baltar logra non ser xulgado ata despois das eleccións por delito contra a seguridade viaria por ir a 215 km/h

A vicepresidenta Teresa Ribera, cabeza de cartel do PSOE para as eleccións europeas do 9 de xuño. Os socialistas confirman a candidatura da ministra para a Transición Ecolóxica e destacan que é responsable de "fitos" como "a solución ibérica" no mercado eléctrico, "a primeira lei de cambio climático ou o liderado na UE para aprobar na COP29 o acordo que pon fin aos combustibles fósiles". No horizonte, a posibilidade de que Ribera opte a un posto de relevancia na vindeira Comisión Europea. Na imaxe, Ribera con Pedro Sánchez no peche da campaña do PSOE para as eleccións xerais do pasado 2023 [CC BY-NC-ND PSOE]

• As eleccións europeas avalían o ascenso no continente dunha dereita en guerra interna
• 37 anos de eleccións europeas en Galicia: alta abstención e sorpresas nunha cita que ata 2019 dominou o PP
• O BNG recunca na coalición Agora Repúblicas para as eleccións europeas xunto a ERC, Bildu e Ara Més