Os Premios da Música Independente distinguen a Baiuca como autor da mellor gravación de música electrónica e mellor álbum en galego por Embruxo e ás Tanxugueiras como mellores artistas emerxentes. O palmarés enteiro pódese consultar nesta ligazón.
Fálase
-
EPA | O emprego mantívose practicamente plano en Galicia durante o primeiro trimestre do ano, cunha caída de apenas 100 persoas ocupadas, segundo os datos da Enquisa de Poboación Activa, que deixa o total en 1,09 millóns de persoas ocupadas, un 2,98% máis que hai un ano. A caída trimestral foi do -0,50% no total estatal. Cómpre ter en conta, non obstante, que as cifras inferiores a 5.000 poden conter erros de mostraxe. No mesmo trimestre, a poboación parada aumentou nunhas seis mil persoas (+4,43%, fronte á media estatal do 6,69%), ata as 141.000, un -10,91% a respecto de hai un ano (-13,12% na media).
ERC, BNG e CUP esixen a dimisión da ministra de Defensa, Margarita Robles, por xustificar a espionaxe a líderes independentistas mediante o sistema Pegasus. Na imaxe, Robles este mércores na sesión de control do Congreso [© Congreso]
Feijóo dimitirá "esta semana" como presidente da Xunta. Así o vén de avanzar no transcurso da súa derradeira sesión de control no Parlamento.
A empresa portuguesa Altri sinala Palas de Rei como a "localización ideal" para a instalación da súa fábrica de fibra téxtil sostible a partir da transformación da madeira dos montes galegos, ademais da reciclaxe de téxtiles. A compañía lusa foi a escollida pola Xunta e Abanca para liderar este proxecto, que conta co apoio de fondos europeos Next Generation.
Os Gobernos de España e Portugal logran un acordo coa Comisión Europea para desligar o gas do prezo da luz durante un ano. Os Executivos de Pedro Sánchez e António Costa principiaron as negociacións coa proposta de limitalo en 30 euros o megavatio/hora e o pacto final parte de 40 euros atendendo a unha media duns 50 durante a vixencia do acordo para a excepción ibérica. A ministra Teresa Ribera e o seu homólogo portugués, José Duarte, anunciaron este xoves o acordo político tras unha xuntanza en Bruxelas coa comisaria da Competencia, Margrethe Vestager. Máis información, hoxe en Praza.gal [Imaxe: © Ministerio para a Transición Ecolóxica]
“Galicia, o Camiño a seguir” será o lema da campaña interna, de momento en solitario, de Alfonso Rueda para facerse coa presidencia do PPdeG. Quen tamén será novo presidente da Xunta di comprometerse a “defender a normalidade extraordinaria de Galicia sempre e ante calquera”.
O presidente da Junta de Andalucía anuncia eleccións anticipadas para o 19 de xuño. Juan Manuel Moreno Bonilla, tamén presidente do PP andaluz, convocou esta tarde unha reunión extraordinaria do seu Consejo de Gobierno e previamente mantivo unha xuntanza co seu vicepresidente, Juan Marín, líder de Ciudadanos na rexión. Moreno Bonilla xustificou o adianto electoral na "necesidade" de contar cun "novo orzamento" para Andalucía en xaneiro de 2023.
O rei Felipe VI fai público por primeira vez o seu patrimonio, que cifra en máis de 2,5 millóns de euros. Segundo o trasladado pola Casa Real, o monarca [na imaxe © Casa de S.M. el Rey] ten algo máis de 2,2 millóns que corresponden a depósitos en contas correntes ou de aforro e valores de participación en diferentes fondos, e máis de 300.00 euros en obxectos de arte, antigüidades e xoias.
O comunicado da Casa Real incide en que Felipe VI guiado "polo compromiso cívico” e polas demandas de “rexeneración” da cidadanía, tomou a "decisión persoal” de manifestar que dispón dun patrimonio que ascende a un total de 2.573.392,80 euros.
Macron mantén a presidencia de Francia aínda que reduce a súa marxe coa extrema dereita. "Os franceses manifestan hoxe o desexo dun contrapoder forte contra Emmanuel Macron", salientou a líder de ultradereita Marine Le Pen. A vista en Francia xa está posta nas vindeiras eleccións lexislativas, que para o líder da esquerda Jean-Luc Mélenchon funcionarán como a terceira volta destas presidenciais. A propia Le Pen advertiu no seu discurso ao coñecer as estimacións dos resultados ao peche dos colexios de que "comeza a batalla" cara ás lexislativas de xuño. [Fotografía de Macron na campaña da segunda volta © @avecvous]
