Fálase

Caamaño & Ameixeiras celebran San Valentín cun remix verbeneiro de Catro Cousas, a súa colaboración con Rodrigo Cuevas: "Non facemos pachanga, pero se a fixésemos non seriamos a Panorama, seriamos como un dúo de remolque, coma os dúos dos restaurantes", explican sobre este "autoremix" da peza na que se internaron no mundo do pasosobre tradicional xogando a "a resignificar a linguaxe militar e taurina asociada a este xénero". "Camela, os ritmos gravados con casiotones, os teclistas da cabra, os pasodobres toureiros. Todos estes referentes serviron de inspiración para o remix", agregan para unha peza "que se fixa tamén en Modern Talking tocando unha canción de Paco España, en Quim Barreiros e en Rosinha falando con segundas intencións".

• ENTREVISTA | Caamaño & Ameixeiras: "As letras do disco foron creadas nos bares"
• CRÍTICA | Caamaño & Ameixeiras : Quitar o aire
• EN VINTE | Rodrigo Cuevas: “O público quere ver a música tradicional ao mesmo nivel que outras músicas contemporáneas”
• HEMEROTECA | "As verbenas son un 'pegamento social' que conecta a xente coas súas aldeas e os seus barrios"

Trump ratifica que estende a súa guerra comercial á Unión Europea con novos aranceis que xustifica coa existencia de tributos coma o IVE. O presidente estadounidense mantén que imporá "aranceis recíprocos" a cada Estado da UE nas vindeiras semanas ou meses. [Imaxe: © Casa Branca (whitehouse.gov)]

• Trump desprega a súa axenda ultra dende o inicio: "Perforar e perforar", leis tránsfobas e blindar as fronteiras
• EDITORIAL | O segundo mandato de Donald Trump e Galicia
• HEMEROTECA | "As fracturas na UE veranse agravadas con Trump, dando pulo ao populismo ultraconservador"

Sanidade admite posibles "fisuras" en protocolos fronte a agresións a sanitarios e anuncia un plan con medidas. A Fiscalía insta a denunciar e comprométese a traballar para que as infraccións se formalicen de xeito "rápido". Foto: CC BY-NC-SA CIG

• O apuñalamento dun enfermeiro no CHUAC abre o debate sobre a seguridade do persoal sanitario

Un detido e varios médicos do Sergas investigados tras desmantelar a Garda Civil unha rede de tráfico de medicamentos en Cangas e Vigo. "O que máis nos preocupa é a presunta implicación de médicos", di Abel Losada, subdelegado do Goberno de España en Pontevedra. 

• AMPLIAMOS 👉 Médicos do Sergas e farmacias, investigados nunha operación contra o tráfico de ansiolíticos

Grande Amore e Nacho Vegas cantan xuntos en Ti máis eu, un novo tema adianto do que será o terceiro disco do proxecto liderado por Nuno Pico. Presentan a canción cun videoclip de Xaime Miranda gravado no palleiro da casa dos avós de Nuno en Frexulfe, mentres cantan en galego e asturianu ao amor, ao desamor e aos medos. 

• ENTREVISTA | Grande Amore: "Gústame expoñerme nas cancións e contar máis do que lle diría a unha persoa de normal"
• ENTREVISTA | Nacho Vegas: “A música é popular por natureza e podemos convertela en populista” 

A poboación galega aumentou en dez mil persoas no último ano, situándose o 1 de xaneiro de 2025 nos 2.715.424 habitantes, a cifra máis alta dende 2016, segundo a estatística publicada este xoves polo INE. A poboación aumentou nas catro provincias galegas, especialmente na Coruña (+6.757) e Ourense (+1.043), que rexistra o seu maior incremento en varias décadas. A poboación nacida no estranxeiro aumentou en 24 mil persoas nos últimos doce meses

• HEMEROTECA | Radiografía da Galicia que naceu no estranxeiro: unha poboación nova, crecente e esparexida polo país
• HEMEROTECA | A poboación galega nacida no estranxeiro medra un 22% en tres anos, pero non detén o envellecemento do país

Trump anuncia un acordo con Putin para negociar a fin da guerra en Ucraína. O presidente dos EUA di ter chegado a un pacto co seu homólogo ruso para que Rusia e Ucraína inicien "negociacións de inmediato". Foto: CC BY kremlin.ru

O Congreso aproba a suba das pensións e as axudas ao transporte público coa única oposición de Vox. PP e Junts uniron os seus votos aos dos socios parlamentarios do Goberno para a aprobación do denominado decreto ómnibus. Foto: Congreso dos Deputados.

• Galicia perde máis de 700 millóns coa derrogación do decreto tombado por PP, Vox e Junts

📺VÍDEO | Queremos Galego interrompe o pleno cun acto a prol da lingua galega durante a intervención do conselleiro de Lingua, José López Campos. Activistas pola lingua e membros da plataforma improvisan unha cantiga no Parlamento reclamando políticas activas para a defensa do idioma. [Vídeo: Queremos Galego]

• Son Goku inspira a Queremos Galego: á rúa o 23F por unha "lingua vital"

A Casa da Cultura de San Sadurniño acolle este sábado 15 a estrea das 24 curtametraxes realizadas no marco da IX edición da Chanfainalab, durante a fin de semana do 7 e 8 de setembro do 2024. Ademais, na gala Alberte Pagán (O Carballiño, 1965) recibirá a primeira edición do Premio Bernardino de Lamas, que busca recoñecer a traxectoria dunha persoa que teña demostrado o seu compromiso coa creación audiovisual como cineasta non profesional ou amateur, á marxe da industria.

• HEMEROTECA | O Chanfainalab volve reunir en San Sadurniño 40 cineastas do país en tres días de creación e "experiencias compartidas"
   
• DUCIA | Unha ducia de curtas dos 10 anos de historia do Chanfainalab de San Sadurniño