Fálase

O presidente do Consello Europeo, António Costa, traslada ao BNG que a columna de Mariano Rajoy durante o Mundial de fútbol masculino contiña afirmacións "inaceptables" e que "non teñen lugar nun debate público respectuoso". A eurodeputada do Bloque, Ana Miranda, achegáralle unha carta impulsada xunto a 22 eurodeputadas e eurodeputados condenando as verbas xenófobas e racistas empregadas polo ex presidente do Goberno en relación coa selección francesa. [📸 Costa nas celebracións da festa nacional francesa este xullo © UE]

• Borja Iglesias, outro galego no cumio do fútbol

Vigo non sería sede do Mundial 2030 segundo informa a Cadena SER, que asegura que as tres federacións organizadoras dan por feito que se recortará o número de estadios que acollerán partidos. A sede viguesa non tería "ningunha opción" de estar entre as elixidas, malia que Abel Caballero o dá por seguro, segundo os datos que achegou o programa El Larguero, que sitúa en non máis de oito as sedes que finalmente tería España. 

• Exención fiscal e elevado gasto: as exixencias da FIFA fan que Euskadi tamén medite renunciar ao Mundial
• Galicia, sen Mundial polo momento e con Vigo á espera
• A Coruña renuncia ao Mundial: "A cidade acabaría hipotecada"

Arquivado o caso contra Bruno Lopes Teixeiro, investigado por un suposto delito de odio derivado de diversas publicacións realizadas nas redes sociais en defensa do pobo palestino e como condena do xenocidio. O Tribunal de Instancia de Ferrol volve decretar o sobresemento da causa, reaberta tras un recurso que pode volver presentarse. Mar de Lumes celebra que a xustiza conclúa que os comentarios do seu militante "están amparados polos dereitos fundamentais á liberdade de expresión e á liberdade ideolóxica". [📸 Manifestación en apoio a Bruno Lopes Teixeiro en Ferrol o 25 de xaneiro © Mar de Lumes]

• HEMEROTECA | "Antisionismo non é antisemitismo": unha marcha solidaria con Bruno Lopes reclama o dereito a criticar Israel

Marrocos cifra en 11 as mortes no seu lado da fronteira que se suman ás 88 rexistradas por España logo dos intentos de cruzamento masivo en Ceuta e Melilla. [Foto: La Moncloa]

• A internacional reaccionaria fai bandeira do golpe ao Goberno de España en Ceuta

Nas fins de semana de agosto Praza.gal non se actualiza por descanso do persoal. Pero deixamos moito para ler e o luns estamos de volta.

👉 http://praza.gal/faitedepraza

Pedro Sánchez advirte dun "ataque" e "violación da integridade territorial" do Estado coa entrada de milleiros de persoas a Ceuta dende Marrocos. Dende a cidade norteafricana o presidente do Goberno de España anuncia máis presenza das forzas de seguridade e unha "barreira física de contención no mar para facilitar a repatriación en fronteira". Nas redes sociais, sinaladamente en X, medran as mensaxes de elementos internacionais, especialmente ligados aos EUA, con ataques ao Executivo español ao respecto mentres se confirman máis dunha trintena de persoas mortas nestes sucesos. [Imaxe: © Pool Moncloa / Borja Puig de la Bellacasa]

• AMPLIAMOS 👉 A internacional reaccionaria fai bandeira do golpe ao Goberno de España en Ceuta
• HEMEROTECA | O abandono histórico do Sáhara rexórdelle a España en Ceuta mentres Marrocos volve utilizar persoas migrantes como reféns
• HEMEROTECA | España volve deixar o pobo saharauí nas mans de Marrocos en plena mudanza do taboleiro internacional

Nova crise migratoria en Ceuta marcada por unha sentenza do Supremo en plena presión xeopolítica ao Goberno de España. O ditame do alto tribunal que impide as devolucións en quente de persoas migrantes chegadas a territorio do Estado por mar combínase cos movementos do goberno marroquí tras o novo achegamento do Executivo español a Alxeria nun episodio que xa implica a despregadura do Exército mentres os EUA atacan politicamente o gabinete de Pedro Sánchez.

• HEMEROTECA | O abandono histórico do Sáhara rexórdelle a España en Ceuta mentres Marrocos volve utilizar persoas migrantes como reféns
• HEMEROTECA | España volve deixar o pobo saharauí nas mans de Marrocos en plena mudanza do taboleiro internacional

Catro galegos e galegas obteñen senllos Premios Nacionais de Investigación 2026, os galardóns concedidos polo Ministerio de Ciencia, Innovación e Universidades. Ángel Carracedo, catedrático de Medicina Legal da USC, recibe o Premio Gregorio Marañón, na área de Medicina e Ciencias da Saúde "pola súa destacada traxectoria no ámbito da medicina forense e xenómica. Carmen Álvarez Lorenzo, tamén catedrática da USC e directora do Instituto de Materiais (iMATUS), obtivo o Premio Blas Cabrera na área de Ciencias Físicas, dos Materiais e da Terra. O ourensán José Antonio Sobrino Rodríguez, director da Unidade de Cambio Global da Universitat de València, levou o Premio Alejandro Malaspina, na área de Ciencias e Tecnoloxías dos Recursos Naturais. E Laura Castro Santos, catedrática na Escola Politécnica de Enxeñaría de Ferrol da UDC, foi galardoada co Premio Nacional de Investigación para Mozos e Mozas Ángeles Alvariño na mesma área.

Xunta e universidades públicas anuncian un acordo sobre o novo deseño da selectividade. A reitora da USC, Rosa Crujeiras, coida que tras as achegas das tres institucións o sistema da PAU queda "máis robusto" e a participación universitaria segue a ser "moi activa" a través da Comisión Interuniversitaria de Galicia (CIUG) que, salienta o reitor da Coruña, Ricardo Cao, mantén "un papel central, como vén tendo e debe seguir tendo", logrando unha "orde máis acaída" que a proposta inicial do Goberno. Carmen García Mateo, reitora da UVigo, coida que a nova proposta "robustece un sistema que ten demostrado a súa solvencia durante moitos anos", con "equilibrio entre garantir que os exames están cunha custodia de altas garantías e non teñan erros". Na imaxe, xuntanza deste xoves entre a Consellería e as universidades.

• HEMEROTECA | A Xunta di agora que nada impedía revisar os exames de selectividade pero non aclara por que non llo dixo á CIUG
• HEMEROTECA | As universidades ratifican que a Xunta ignora hai dous anos o seu plan para "minimizar erros" na selectividade
• HEMEROTECA | A Xunta aproveita os erros na selectividade para acelerar o plan de control da comisión que a organiza

A Xunta abre dilixencias contra o bar de Arteixo que fai apoloxía franquista. Arteixo Futuro, entidade denunciante, anuncia que a Axencia de Turismo de Galicia determinará agora posibles sancións contra o establecemento que loce desde hai anos lemas e símbolos fascistas. Ademais, advirte de que iniciará "novas iniciativas en defensa da dignidade das vítimas da ditadura". .

• "Rojos abstenerse": denunciado o bar de Arteixo que leva anos facendo apoloxía franquista