Fálase

O TSXG impón 600 euros en costas á empresa promotora do parque eólico do Oribio ao desestimarlle un novo recurso logo de que o Supremo anulase en outubro definitivamente o permiso que lle dera a Xunta. Ademais do recurso de casación ante o Supremo a empresa presentara tamén un recurso de casación autonómico polo que consideraba unha dubidosa interpretación da lei que requiría aclarar. O TSXG dille que non e ratifícase na súa sentenza de nulidade do permiso da Xunta avalada polo Supremo. 

• HEMEROTECA (10/10/2022) | O Supremo anula definitivamente o permiso da Xunta ao parque eólico do Oribio
• HEMEROTECA |(15/12/2020) | O Tribunal Superior anula a autorización da Xunta dun parque eólico na Serra do Oribio por contravir a lei

Rueda cita a Besteiro o 2 de maio, un mes despois da súa toma de posesión como delegado do Goberno de España, segundo avanza Europa Press na súa web, que conta que a Xunta recibiu este mesmo venres a petición formal de reunión. O presidente da Xunta asistiu o pasado 3 de abril á toma de posesión do socialista, ao que pedira que “non intente facer política”, pero no acto Besteiro proclamou que “claro” que volve para “facer política”. 

• HEMEROTECA (3/4/2023) | Besteiro toma posesión comprometendo "xustiza social, económica e ecolóxica": "Claro que veño facer política"

A RAE advirte de que a "forma tradicional Sangenjo" é a "indicada para falar ou escribir en español" ao referirse a Sanxenxo agás en textos oficiais xerados pola Administración. A Academia da Lingua Española responde así a unha consulta tras o uso da forma oficial nunha información da TVE.

Os restos de José Antonio Primo de Rivera, fundador da Falange, serán exhumados do Valle de los Caidos o luns vindeiro en aplicación da Lei de Memoria Democrática. A familia de Primo de Rivera xa iniciara os trámites hai meses para trasladalo dende Cuelgamuros a un cemiterio. [Imaxe: CC-BY-NC-ND Jesús Pérez Pacheco]

• A Lei de Memoria Democrática suprime o título de conde de Fenosa 67 anos despois
• Os fondos de Memoria Democrática enviados polo Estado a Galicia servirán para exhumar foxas na Capela, Lousame e Celanova 
• HEMEROTECA (2019) | A exhumación de Franco acaba con 44 anos de permitida exaltación do ditador no seu mausoleo

A Xunta aproba o anteproxecto da nova lei de incendios que prometeu hai máis de dous anos. O Consello da Xunta aprobou este xoves o documento e di que prevé ter o proxecto de lei para posteriormente envialo ao Parlamento "este ano".

• HEMEROTECA (2020) | A Xunta anuncia unha nova lei de incendios tras mudar sete veces a de 2007 e un novo Plan Forestal tras incumprir o anterior

O Congreso aproba a reforma da lei de liberdade sexual formulada polo PSOE, por 233 votos a prol (PSOE, PP, Ciudadanos, PNV, PDeCAT, CC, Foro Asturias, Navarra Suma) 59 en contra (Unidas Podemos, ERC, EH-Bildu, BNG, Más País, Compromís) e 4 abstencións (JxCat). Os membros do Goberno que son deputados votaron con cadanseus grupos -PSOE "si", UP "non"-. A extrema dereita de Vox non votou. Na imaxe, a ministra de Igualdade, Irene Montero, intervén na defensa do texto orixinal da lei. A modificación continúa agora trámite no Senado. [Imaxe © Congreso] 

• HEMEROTECA | O TSXG conclúe que "cabe a revisión de condenas" coa lei de liberdade sexual caso a caso e só se "favorece o reo"
• HEMEROTECA | "A lei de liberdade sexual nunca pretendeu castigar máis como obxectivo principal, pretende protexer mellor"

Suspendida a folga médica convocada polo sindicato CESM tras pechar a pasada noite un pacto co Sergas que inclúe aumentar remuneracións das gardas e que persoal médico que traballa na privada cobre tamén dende 2024 o complemento que ata agora recibe o que traballa só na sanidade pública. Esta mobilización obrigou a cancelar milleiros de consultas, probas e operacións cirúrxicas. 

• AMPLIAMOS 👉 Fin da folga médica: máis remuneracións e ampliar a persoal que traballa na privada o plus do que o fai só no Sergas

Rueda reitera que a viaxe do rei Juan Carlos a Sanxenxo é "positiva" dende "o punto de vista da promoción de Galicia" porque implica que "se pon un foco para que se fale de Galicia de Sanxenxo" e nese sentido "está moi ben". En declaracións ao programa de Ana Rosa Quintana en Telecinco, o xefe do Executivo afirma que así o considera "fóra doutras valoracións" que non lle "corresponden como presidente da Xunta".

• O PP galego aplaude como "promoción turística" a visita do rei Juan Carlos a Sanxenxo da que foxe o seu fillo
• Rueda premia o Concello de Madrid e Ana Rosa Quintana polo “éxito colectivo” do Xacobeo 21-22
• HEMEROTECA | O rei emérito pon no mapa a Rueda

Gandeiros toman as rúas de Lugo con vacas e uns 400 tractores en protesta polos "prezos baixos" da carne. Os produtores de Ternera Suprema alertan dos "altos custos de produción" e dos "recortes na PAC". 

O Tribunal Constitucional avala a reforma educativa de 2020 e considera conformes á Constitución preceptos da vixente lei educativa como prohibir a subvención pública a colexios que segregan o alumnado por sexo. Considera tamén que o texto garante o ensino do castelán e do resto de idiomas oficiais. Faino, segundo informa nun comunicado, ao desestimar o recurso que a formación de extrema dereita Vox presentara contra a alcumada como lei Celáa, en referencia á ministra de Educación que a impulsou.

• Colexios que segregan por sexo permiten agora aulas mixtas para non quedar sen subvención da Xunta
• HEMEROTECA | O que di (e o que non) a nova lei de educación