Fálase

Rueda e o resto de membros do Goberno galego conclúen o seu "retiro" no hotel do antigo mosteiro de San Clodio, en Leiro, anunciando un futuro plan para "facilitar a implantación de industrias" que tramite "nun só solo naves preparadas e solucións de vivenda para os traballadores onde sexan necesarias". Segundo o Executivo, a estancia de dous días dos membros do Consello da Xunta serviu para "afondar na cooperación entre departamentos" e "fixar prioridades de futuro". Tras a conclusión do evento, o presidente dedicou gran parte do domingo a participar en actos de precampaña do PP. Rueda recuperou nesta lexislatura os "retiros" que Fraga implantara cos seus conselleiros. [Imaxe: CC BY-SA David Cabezón / Xunta]

Prisión preventiva en Suecia para Roberto García, o conselleiro delegado da mina de wolframio da Gudiña. A compañía Eurobattery Minerals, promotora da mina, confirmou nun comunicado que García Martínez fica en prisión preventiva en Suecia. Roberto Martínez xa fora condenado a dous anos de cárcere por en España.  
[Foto: Ecoloxistas en Acción]

O filme ‘KIRO’, de María Yáñez, acada o premio ao mellor documental musical nacional no festival In-Edit de Barcelona. A directora dedicou o galardón á memoria de Ana Kiro e á comunidade galega en Barcelona. O premio súmase á Calpurnia á Mellor Película, ao Premio do Público e á mención especial á Mellor Dirección que o documental obtivo no Festival de Cine de Ourense.

• 'Kiro', mellor película e premio do público no Panorama Galicia do Festival de Ourense
• EN VINTE | “Existiu unha gran diva pop...”: por que nos encanta o tráiler de 'KIRO'
• ENTREVISTA | María Yáñez: "Ana Kiro atopou a chave das noces do galeguismo popular antes que Fraga"

Besteiro advirte de que o 29N os galegos e galegas escollerán entre o Goberno socialista que defende manter e incrementar as axudas aos gandeiros e o PP e VOX, que queren recortar a PAC. O líder dos socialistas galegos visita a Feira de Santos de Gontán -Abadín- onde reclama unha PAC “suficiente, con financiamento e que chegue a todas as explotacións”

Destituído e arrestado por presunta corrupción Santiago Peña, xa expresidente de Paraguai. Santiago Peña vén de ser detido pola Policía e posto en arresto domiciliario no medio dun xuízo político aberto polo escándalo financiero do Ueno Bank. 

A comunidade educativa de Vigo alerta da falta de persoal e de recursos para atender a diversidade. O IES Santa Irene acolleu este xoves un encontro baixo o lema «O estado da educación. Tecendo pontes entre todos os colectivos polo futuro do ensino público», que reuniu representantes de todas as etapas educativas e diferentes colectivos para analizar a situación do ensino e formular futuras accións. Acordaron crear unha comisión mixta encargada de impulsar diferentes iniciativas nas vindeiras semanas, coa participación de toda a comunidade educativa.

[Foto: Asembleas Abertas do Ensino Público]

• REPORTAXE | "Faltan mans": anticipan un comezo de curso "moi conflitivo" por falta de profesorado en secundaria

Un detido en Caldas na operación contra a organización neonazi Núcleo Nacional. A Subdelegación do Goberno de España en Pontevedra confirma que a localidade foi unha das atinxidas por un operativo contra este grupo ultradereitista dirixido dende un xulgado de Xixón que, informa elDiario.es, implicou cando menos catorce detencións e acusacións de incitación ao odio, asociación ilícita e tenza de armas. A organización prevía unha manifestación esta fin de semana en Madrid, detalla a Cadena SER. Na imaxe, detalle dun vídeo propagandístico do grupo.

A Fundación Plácido Castro "censura enerxicamente" o "acto incívico que sufriu" a placa e escultura que o homenaxean na rúa Reconquista de Vigo e agarda "a súa pronta restauración". A entidade que vela pola memoria do histórico galeguista lembra, ao fío desta vandalización, unha das súas reflexións: "Todo fanatismo repugna ao temperamento galego, caracterizado pola comprensión, a transixencia, a dúbida". [Imaxe: © Fundación Plácido Castro]

• HEMEROTECA | 90 anos do recoñecemento de Galicia como 'nación' que puxo "na axenda global" un "problema nacional a resolver"
• HEMEROTECA | O Estado anula a condena franquista a Plácido Castro e declara oficialmente o seu "recoñecemento e reparación persoal"
• HEMEROTECA | Plácido Castro, o home que non quería comprendernos

29N A número dous de Feijóo por Madrid avanza a intención de prohibir o uso do galego e o resto de idiomas oficiais diferentes do castelán no Congreso se as dereitas gobernan tras o 29N. Nunha entrevista na COPE, Cayetana Álvarez de Toledo afirma que esa sería a "primeira medida que tomaría" se PP e Vox suman maioría absoluta. A fin do veto chegou esta lexislatura, no marco das negociacións do PSOE coas forzas soberanistas para a constitución da Mesa da Cámara Alta e a investidura de Pedro Sánchez. Mentres, no Senado, a maioría absoluta do PP impediu levantar as restricións ás linguas oficiais alén do castelán. Na imaxe, o ex-presidente nun acto con Álvarez de Toledo, Borja Sémper e outros membros da lista do PP por Madrid, que el mesmo encabeza. [© PP]

• HEMEROTECA | O galego, no Congreso dos Deputados 46 anos despois
• HEMEROTECA | O galego estrea o plurilingüismo no Congreso entre apelacións a Castelao e a perrencha da ultradereita
• HEMEROTECA | O PP impide levantar as restricións ao galego no Senado

O Goberno de España prevé subir o salario mínimo interprofesional ata 1.286 euros brutos mensuais -en 14 pagas- en 2027. Será un incremento do 5,3%, en liña coa inflación, por riba do recomendado polo grupo de persoas expertas que asesoran o Ministerio de Traballo (4,9%) e por baixo do reclamado dende os principais sindicatos. A patronal CEOE avanza que se volverá opoñer novamente á suba do SMI e esixe, adicionalmente, que non se aprobe incremento ningún ata que se conforme o Goberno que saia das eleccións do 29N.

• O IPC dispárase ao 5,5% en Galicia, a inflación máis alta do Estado 
• HEMEROTECA | Máis gasto en vivenda e ocio, menos en todo o demais: así usamos os cartos o pasado ano
• HEMEROTECA | Os salarios soben un 20% en cinco anos en Galicia, sobre todo os máis baixos grazas ao aumento do SMI