Fálase

O Burela Futbol Sala, elixido mellor equipo do mundo por segundo ano consecutivo nos Futsalplanet Awards. As xogadoras laranxa gañaron o mes pasado o torneo máis importante a nivel europeo, o Futsal Women's European Champions, un triunfo que se uniu ao seu dominio nas dúas últimas ligas españolas, as tres últimas Copas da Raíña e as dúas últimas Supercopas. Ademais do recoñecemento para o equipo, o seu ex-adestrador Julio Delgado foi escollido como o mellor do mundo e Peque foi votada como a segunda mellor xogadora do planeta.

Marina Castaño relaciona os atentados do 11-M coas perdas da Fundación Cela que levaron á Xunta a rescatala. A viúva do escritor publica unha carta polo 20 aniversario do seu pasamento na que argumenta que Zapatero gañou os comicios tras os atentados e levou a España a unha crise -da que obvia o colapso financeiro internacional- que fixo que “os bancos e as empresas” que apoiaban a Fundación Cela deixasen de facelo. “Dese xeito, en 2011 tiven que entregala á Xunta de Galicia”, di, obviando o custo de fondos públicos que tivo a operación.

• HEMEROTECA (2019)| A xustiza absolve de malversación a Castaño e un ex-conselleiro ao concluír que os cartos públicos viraban privados ao entrar na Fundación Cela
• HEMEROTECA (2012) | A Xunta 'nacionaliza' a Fundación Cela tras anos de degradación

O Concello de Pontevedra abre o convento de Santa Clara ás visitas guiadas dende o 21 de xaneiro. Pódense reservar nesta ligazón. O histórico recinto foi adquirido polo consistorio tras 750 anos como sede da orde relixiosa de clausura.

• REPORTAXE | Fin a 750 anos de clausura: entramos ao convento de Santa Clara en Pontevedra

O mural de Diego As (Diego Anido) na Ronda da Muralla de Lugo baseado na figura de Xulio César, candidato a mellor mural urbano do mundo na votación da plataforma Street Art Cities, na que se pode participar nesta ligazón. O deseño, que é parte do proxecto Urban Cores do Concello lucense, xa fora elixido mellor graffiti do mundo no mes de agosto de 2021 na votación organizada pola mesma rede. [Imaxe: CC-BY-SA Praza.gal]

Os dous aspirantes á secretaría xeral do PSdeG na provincia de Lugo, José Tomé e Xosé María Arias, pactan unha candidatura única. Tomé, alcalde de Monforte e presidente da Deputación, será o novo secretario provincial e Arias, alcalde de Castroverde, asumirá a vicesecretaría xeral na provincia. Ambos aseguran que o pacto, selado co aval do líder do PSdeG, Valentín González Formoso, garante a "unidade"

• Formoso encomenda á nova dirección do PSdeG no Parlamento centrarse en "construír un proxecto socialdemócrata para Galicia"

A XXIII conferencia anual sobre Plácido Castro, que este ano lembrará o seu paso pola BBC, celébrase o próximo martes 25 de xaneiro en Allariz. Impartida polo profesor e historiador Afonso Vázquez-Monxardín, será ás 20.00 horas na Casa da Cultura. 

• HEMEROTECA | 'Galician programme': 70 anos da chegada do galego á BBC

A Executiva do PSdeG-PSOE vén de designar o deputado lucense Luís Álvarez como novo portavoz do Grupo Socialista no Parlamento galego, en substitución de Gonzalo Caballero

A Organización Galega de Montes Comunais presentou este venres no Parlamento unha ILP para acadar unha lei que protexa os montes comunais. A entidade busca "contrarrestar os cambios normativos impulsados polo Partido Popular para permitir privatizar os montes veciñais en man común, para entregarllos ás empresas forestais e madereiras".

Feijóo anuncia “un comité para elaborar unha estratexia” para que Galicia aproveite o AVE un mes despois da súa inauguración e tras dúas décadas de obras. O presidente tamén pide “reflexión sobre a conveniencia de adaptar o ancho de vía entre Ourense e Santiago ao ancho internacional”, o que trasladaría de Ourense a Santiago as dificultades para enlazar un e outro tipo de ancho na rede viaria galega e non deixar sen conexión os portos da fachada atlántica.

• A inauguración do AVE coa Meseta pon fin a 20 anos de debate sobre os prazos da infraestrutura e deita o foco nos servizos

O Tribunal Superior autoriza á Xunta a prorrogar o veto ás reunións entre non conviventes tras o peche dos pubs (de 3h a 6h), que a partir do 18 de xaneiro se limitará ás noites dos xoves, venres e sábados -isto é, nas madrugadas dos venres, sábados e domingos-. A sala, que ve "evidente" a necesidade de "persistir nas medidas que se orientan a reducir a interacción social", tamén permite ao Goberno galego manter a esixencia do certificado COVID nos lugares onde xa viña sendo obrigatorio. A autorización chega ata o 29 de xaneiro.

• DATOS | O acurtamento dos illamentos propicia 25.000 altas de pacientes coa COVID e a incidencia segue á alza co impulso dos autotest
• HEMEROTECA | Quedar a durmir, coidar de persoas ou “forza maior”: as excepcións á prohibición xa en vigor de encontros nocturnos de non conviventes