Fálase

O Goberno de España chama a consultas á súa embaixadora na Arxentina tras os insultos de Javier Milei a Pedro Sánchez e á súa esposa no mitin da extrema dereita no que participou en Madrid. Milei cualificou de "corrupta" a Begoña Gómez e agregou que Sánchez se "ensuciou" por este motivo mentres exerce o "abuso" dende o Goberno. O ministro de Exteriores, José Manuel Albares, considera que esass "gravísimas palabras" sobrepasan "calquera tipo de diferenza política" e "leva as relacións entre España e Arxentina ao seu momento máis grave na nosa historia recente". [Imaxe: Goberno de España]

• +INFO 👉 Milei abre unha crise diplomática sen precedentes tras atacar a Sánchez no mitin ultra de Madrid
• Honras da (extrema) dereita española a Milei

O conselleiro de Cultura, Lingua e Xuventude abre a porta a "unha actualización" do Plan Xeral de Normalización da Lingua no seu vixésimo aniversario e arrefría a posibilidade de reformular o "decreto do plurilingüismo". Nunha entrevista na Radio Galega, José López Campos mantén que o Goberno galego está aberto a un acordo sobre un novo PXNLG "para establecer condicións máis favorables" ao "uso diario" do galego "en todos os ámbitos" e di estar disposto a "escoitar" opinións sobre o decreto do ensino, se ben considera que "no ámbito educativo, o modelo lingüístico funcionou" e "o debate non está na rúa". Na imaxe, López Campos o pasado día 16 na entrega dos premios 'Dígocho eu' da CRTVG.

• Vinte anos do plan unánime para o galego que virou 'radical'
• HEMEROTECA | O galego no ensino: dez anos dunha "posverdade" incómoda

Feijóo dedica a tarde do Día das Letras Galegas a asistir a unha tourada en Madrid para, segundo dixera en días previos, "defender a liberdade cultural" tras a fin do Premio de Tauromaquia que viña entregando o Ministerio de Cultura. Previamente, o ex-presidente e actual líder do PP felicitou o 17 de maio a través das redes sociais con senllas mensaxes en castelán e galego. [Imaxe: © PP]

• HEMEROTECA | "As touradas son unha actividade anacrónica que mancha a imaxe de Pontevedra"
• HEMEROTECA | A Xunta evita prohibir as catro touradas que quedan en Galicia

Ás 12.30 comeza no Teatro Rosalía de Castro da Coruña o acto central do Día das Letras Galegas dedicado a Luísa Villalta. O pleno extraordinario da Real Academia Galega contará coas intervencións de Ana Romaní, Margarita Ledo, Euloxio R. Ruibal e Víctor Freixanes, presidente da RAG. A sesión pódese seguir en directo a través da canle de Youtube da institución

O Concerto das Letras Galegas 2024 por Luísa Villalta, organizado polo Consello da Cultura Galega, en colaboración co Concello da Coruña, pode seguirse en directo a partir das 20:30 horas deste 16 de maio na plataforma de contidos dixitais da CRTVG AGalega. A actuación ten lugar no Teatro Colón da Coruña, cidade natal da autora homenaxeada no Día das Letras. 

O Grupo Instrumental Siglo XX, dirixido por Florian Vlashi, e o baixo-barítono Daniel Mosquera farán a estrea absoluta de Concerto para un home só.Monodrama para baixo-barítono, violín e grupo instrumental, unha obra orixinal do compositor Federico Mosquera con texto de Luísa Villalta.

O primeiro ministro de Eslovaquia, Robert Fico, ferido dun disparo. Fico foi trasladado ao hospital e o tirador foi detido pola policía. O atentado tivo lugar en Handlová, onde se celebraba unha xuntanza do Goberno.

Silvia Penas gaña o Premio aRi[t]mar á Mellor Poesía do Ano en Galicia con "Canto segundo para un fillo non nado". Na votación, na que participaron máis de catro mil persoas, “Declara a dor” de Chus Pato e “entra o sol cheirar a casa” de Celso Fernández Sanmartín, foron o segundo e terceiro poema con máis apoios. Pola súa banda, “Há mulheres que trazem...”, da poeta bracarense Sílvia Mota Lopes, foi elixida a Mellor Poesía do Ano 2023 en Portugal.

• ENTREVISTA | Silvia Penas: "Teño a manía de querer facerme entender"
• A gala aRi[t]mar celebra por primeira vez na outra beira do Miño a cultura común de Galicia e Portugal

A Coordinadora Galega de Solidariedade con Palestina realizou este mércores en Compostela un acto simbólico polo aniversario da Nakba (a catástrofe) do pobo palestino, que en 1948 supuxo a expulsión de centos de miles de persoas a cargo do Estado de Israel. O manifesto do acto foi lido por Iolanda Muíños e Mabel Rivera. A Coordinadora promove unha declaración institucional no Parlamento galego e convoca novas concentracións de protesta pola invasión a Gaza para o vindeiro luns 20 de maio.

• As universidades galegas comezan a mobilizarse en solidariedade con Palestina
• OPINION | Moncho Iglesias Míguez: Catástrofes

O PP reduce as protestas de Defende a Galega a unha "factoría de bulos e desinformación" promovida polo BNG. A través da ex-conselleira de Educación Carmen Pomar, que continúa como deputada, os populares rexeitaron unha iniciativa do Bloque encamiñada a renovar a dirección xeral da CRTVG conforme á lei, acusando a formación soberanista de procurar "coaccionar e interferir" nos medios públicos e ao PSdeG, de pretender nomear como director xeral a "algún amigo". As protestas de Defende a Galega, colectivo conformado por persoal dos medios públicos, están a piques de facer seis anos [Imaxe: CC BY-SA PP]

• A Xunta impulsa unha nova lei para os medios públicos tras unha década de incumprimento da anterior
• 15 anos no cargo e 75 de idade: máis olladas sobre a posible remuda do blindado director da CRTVG
• HEMEROTECA | Cinco anos de Defende A Galega: máis conflito e menos medo na loita contra a "manipulación" na CRTVG
• HEMEROTECA | A conselleira de Educación máis breve de Feijóo deixa tras de si un ronsel de conflitos 

En galego nas redes e nas rúas: quince creadoras de contido animan a manifestarse con Queremos Galego no vindeiro Día das Letras.

• Queremos Galego chama a manifestarse o 17 de maio para reclamar a aplicación do Plan de Normalización aprobado hai 20 anos
• EN VINTE | Prado Rúa: «Pois si, son unha influencer»
• EN VINTE | Blondiemuser: Cando a rabia galega viraliza a crise dos ‘pellets’ (e mobiliza os medios)
• EN VINTE | Paula Jorge. Maquillaxe (e outras cousas da vida) sen filtros
• EN VINTE | Sara Seco. A dos 'vlogs' e os consellos para a vida en galego
• EN VINTE | Todo Malva. Sarcasmo e cultura pop en galego para a xeración Z