Fálase

As campañas Treixadura-Modo Ribeiro (Axencia Nasas para o Consello Regulador da Denominación de Orixe Ribeiro); A auga en Vigo é de alta calidade (Ecovigo Publicidad para Aqualia); Abre na rede (Quattro IDCP para PuntoGal), Vai escampar (Quattro IDCP para R) e mais un traballo sobre o cambio climático do CIPF de Leixa, distinguidos na XXVIII edición dos Premios de Publicidade en Galego. Os galardóns foron entregados este luns no Parlamento, que os organiza xunto á Secretaría Xeral de Política Lingüística e o Foro Enrique Peinador.

• HEMEROTECA | “Por que usamos o galego na empresa? E por que non?”
• HEMEROTECA | Publicidade en galego: Ti como vendes?
• HEMEROTECA | "Non apostamos polo galego na empresa por romanticismo, senón porque é útil e rendible"

Vítimas de Angrois reclaman fronte ao Congreso a dimisión de Ana Pastor como vicepresidenta segunda tras desvelar Praza.gal a carta coa que manobrou ante a UE na defensa da versión oficial que culpou o maquinista do accidente. "Ana Pastor foi a persoa que máis traballou desde as institucións para ocultar as causas do accidente", di a plataforma de afectados. 

María Rozas será a candidata de Compostela Aberta á alcaldía de Santiago en 2023. "Dou este paso con orgullo e responsabilidade, reivindicando o traballo feito por Compostela Aberta e o noso capital humano. Porque temos claro como é o Santiago que queremos, e porque sabemos da decepción co Goberno de Bugallo tras a caída do mito dos bos xestores", di a edil, que estivo arroupada no acto polo ex-alcalde Martiño Noriega e mais por Marta Lois, ata agora voceira municipal da formación. Rozas, actualmente concelleira na oposición, foi edil de Facenda no goberno de Noriega [Imaxe: CA]

O Boletín Oficial do Estado publica hoxe a reforma do voto emigrante que suprime o sufraxio rogado e introduce outras novidades, como a descarga de papeletas por internet ou a depuración do censo. Volverán entrar en xogo case medio millón de potenciais votos en Galicia, dos que chegarían uns cen mil por elección se se rexistran taxas de participación semellantes ás previas ao voto rogado.

• As campañas electorais galegas vólvense xogar tamén en América
• Volve o 'voto emigrante': papeletas por internet, depuración de censo e medio millón de sufraxios en xogo en Galicia

Lula da Silva gaña a primeira volta das eleccións presidenciais brasileiras co 48,43% dos votos e disputará a presidencia ao actual mandatario, o ultradereitista Jair Bolsonaro, que obtivo o 43,20%. Na imaxe, candidaturas con máis do 1% dos sufraxios.

• AMPLIAMOS 👉 "Bolsonaro saíu fortalecido e Lula vaino ter moi complicado: mesmo se gaña a segunda volta vaille ser difícil gobernar"
• ENTREVISTA | "A ultradereita fréase con políticas que combatan a desafección e acheguen a recuperación económica á maioría"
• HEMEROTECA | O governo Bolsonaro denuncia Glenn Greenwald e declara a guerra à imprensa crítica
• HEMEROTECA | Lula da Silva regresa á orixe para empezar a combater a Bolsonaro
• ELECCIÓNS 2018 | O odio e a mentira poñen o goberno de Brasil ao alcance da ultradereita

O Goberno de España ultima o recurso contra o veto da pesca de fondo na UE pero rexeita solicitar a suspensión cautelar da medida. Así o asegurou o ministro de Agricultura e Pesca, Luis Planas, nunha entrevista na Cadena SER. 

• A Xunta pide unha moratoria de dous meses ao veto á pesca de fondo e cifra nuns 800 millóns o impacto en Galicia

O Brasil celebra hoxe unhas polarizadas eleccións nas que Lula é favorito para recuperar a presidencia. O ex-presidente aspira mesmo a gañar xa na primeira volta e derrotar o ultradereitista Jair Bolsonaro. 

Yolanda Díaz desvela "abusos contractuais" en conserveiras galegas detectados por inspeccións de Traballo antes da entrada en vigor da reforma laboral. A ministra revela "abusos da precariedade", como o uso irregular de determinadas modalidades de contrato, durante un encontro de CCOO en Vigo sobre as condicións laborais das traballadoras do sector conserveiro. Foto: Podemos Galicia. 

A débeda da Xunta aumentou en 509 millóns de euros no segundo trimestre de 2022 e queda en 11.823, o que supón 247 millóns menos que no mesmo trimestre de 2021. Isto implica que a débeda equivale ao 17,7% do produto interior bruto galego, tres décimas máis que no trimestre anterior e 1,1 puntos menos que un ano antes. Para o conxunto das Administracións do Estado, a débeda sitúase en 1.475 billóns e supón o 116,1% do PIB, 1,24 puntos menos que no trimestre anterior e 6,96 puntos menos que no mesmo período de 2021. Son datos do Banco de España.

O Estado solicita a un xulgado da Coruña que impida aos Franco retirar os 564 bens que reclamou na demanda presentada nun xulgado de Madrid. A Avogacía do Estado pide que se limite a entrega de bens a "aqueles que non foron obxectivo de reclamación" pola súa parte. 

• 🔊PODCAST | Fálase - Os papeis de Meirás 
• O que agochan os 'papeis de Meirás': "Son moi importantes para entender como pensaba Franco"