Fálase

A Deputación da Coruña ofrece acollida a persoas refuxiadas da guerra de Malí na residencia do IES Rosalía Mera -na imaxe, un dos seus cuartos-, que ata hai pouco acolleu refuxiados da guerra de Ucraína e nos anos 90 do século pasado fora refuxio de poboación desprazada polo conflito bélico na antiga Iugoslavia. O presidente da institución provincial, Valentín González Formoso, ratifica o ofrecemento de 44 prazas nunha xuntanza co delegado do Goberno de España en Galicia: "Tócanos estar á altura das circunstancias e seguir exercendo o espírito ante a grave crise humanitaria que están a vivir", sinala. O Estado prevé a chegada de arredor de medio milleiro de persoas procedentes de Malí a Galicia. [Imaxe: Deputación da Coruña]

• O Estado ultima a chegada de medio milleiro de refuxiados a Galicia e arrefría o enésimo tirapuxa coa Xunta
• Menores migrantes acollidos en Galicia: poucos e co traballo como prioridade
• Refuxiados de primeira, refuxiados de segunda: fuxir da guerra en Malí para acabar nun limbo na Coruña

MeteoGalicia ten activos avisos amarelos por treboadas e fortes chuvias das 15:00 ás 21:00 deste luns en toda a provincia de Ourense, toda a de Lugo agás A Mariña e o interior da provincia de Pontevedra. Ademais, alerta coa mesma intensidade polas altas temperaturas en diversas comarcas ourensás, no sur de Lugo e no Baixo Miño, así como no interior da provincia da Coruña. Pódense consultar os detalles nesta ligazón.

• Dos 25,5 graos na Mariña aos 37,5 en Ourense: cando a calor fai saltar a alerta sanitaria

Aterra en Santiago o avión medicalizado do Exército do Aire cos catro sobreviventes galegos do naufraxio do Argos Georgia nas Malvinas. Acudiron a recibilos o presidente da Xunta, Alfonso Rueda, acompañado do conselleiro do Mar; o delegado do Goberno de España, Pedro Blanco; e o alcalde de Ribeira, Luís López Barral [Imaxe: Ministerio de Defensa]

• Dous galegos falecidos e dous desaparecidos no naufraxio do Argos Georgia nas Malvinas

O judoka madrileño con licenza galega Fran Garrigós, do club FAMU de Vigo e con consideración de Deportista Galego de Alto Nivel para a Xunta, logra a medalla de bronce na categoría de -60 kg nos Xogos Olímpicos de París. [Imaxe: Consello Superior de Deportes]

• Unha ducia de deportistas de Galicia nos Xogos Olímpicos de París con opción de medalla
• Galicia chega a París cunha trintena de deportistas e varias opcións de medalla

O maquinista do Alvia, Francisco José Garzón, e o ex-director de Seguridade de Adif, Andrés Cortabitarte, condenados a cadanseus dous anos e medio de prisión polo accidente de Angrois. A xuíza considéraos culpables de 79 homicidios e 143 lesións imprudentes. A sentenza, que chega once anos despois do sinistro, sinala que as causas do acontecido foron a ausencia de medidas para "mitigar o risco de circular cun sistema de seguridade que deixaba toda a responsabilidade en mans do condutor" e o descoido que este sufriu. Máis información, hoxe en Praza.gal

• EN ACTUALIZACIÓN 👉 Angrois non foi só un descoido: condenados o ex-xefe de seguridade do Adif e o maquinista
• Vítimas de Angrois alertan en vésperas da sentenza de que "o Estado volveu ao pacto da curva para sinalar o maquinista"
• Undécimo aniversario do accidente de Angrois coa expectativa dunha sentenza inminente

O presidente do Parlamento realiza a ofrenda da Casa Real ao Apóstolo na Catedral de Santiago. Á Misa e á parada militar previa acudiu o presidente da Xunta co resto do Goberno galego, entre outros cargos como o delegado do Goberno de España ou o ex-presidente e actual líder estatal do PP, Alberto Núñez Feijóo. Na súa condición de delegado, Santalices foi recibido no Concello de Santiago pola alcaldesa, Goretti Sanmartín, e outros membros da corporación municipal. [Imaxe: CC BY-SA David Cabezón / Xunta]

• CRÓNICA | Dia (...) de Galicia
• A data das Medallas de Galicia avanza que a Xunta seguirá ausente do Día Nacional
• HEMEROTECA | Dous decretos permiten a Feijóo seguir saíndo nas fotos oficiais malia non ser presidente

O Tribunal Europeo de Dereitos Humanos rexeita por unanimidade o recurso da familia de José Couso, o cámara galego asasinado por soldados dos EUA na guerra de Iraq en 2003. Nun ditame feito público este xoves, o TEDH considera que a reforma da xurisdición universal aprobada polo Goberno de Rajoy, que provocou o peche do caso, non vulnerou os dereitos da familia a un xuízo xusto. O despacho de avogacía Red Jurídica, que representa á familia Couso, expresa a súa decepción pero advirte de que "non todo está perdido" xa que "só cómpre vontade política para volver á senda dunha xustiza universal respectuosa cos dereitos humanos". O ditame completo pódese ler nesta ligazón [Imaxe: CC-BY-NC-ND Adolfo Luján]

• HEMEROTECA | O Supremo confirma que o Estado debe indemnizar con 182.000 euros á familia de José Couso por non darlle protección diplomática 
• HEMEROTECA | A Audiencia Nacional acusa o Estado de abandonar a familia de José Couso fronte aos EUA
• HEMEROTECA | A reforma do PP da xustiza universal obriga ao arquivo do caso José Couso

"A depresión é reaccionaria, non nos leva a ningures, di Castelao. Do laio ou do resentimento pouco podemos agardar". O presidente da Real Academia Galega, Víctor Freixanes, apela a unha "alba de esperanza" no Día Nacional de Galicia nunha tribuna divulgada pola institución na que apoia a súa reflexión no histórico discurso Alba de Groria de Castelao. [Imaxe divulgada pola RAG]

• HEMEROTECA | 'Alba de Groria', letra de Castelao para a "festa maior de todos os galegos"

Luís Tosar, Zaza Ceballos e a Academia Galega do Audiovisual recibiron este mércores as Medallas de Ouro de Galicia de mans do presidente da Xunta. Alfonso Rueda sinalou que este recoñecemento é extensivo a todo o sector audiovisual do país e erixiu as persoas e entidades homenaxeadas en "exemplos inspiradores de todo o bo que ten Galicia". Na imaxe Tosar, Ceballos e o presidente da AGA, Álvaro Pérez, xunto ao conselleiro Diego Calvo, na súa calidade de chanceler das Medallas. [Imaxe: CC BY-SA David Cabezón / Xunta]

Falece Sito Sedes, histórico cantante da orquestra Los Satélites e emblema da música popular e da verbena galega. Sedes, considerado discípulo musical de Pucho Boedo, tamén encabezou a Los Tamara para lembralo no disco Carta a un amigo. Na imaxe, Sito Sedes cantando con Los Satélites durante unha homenaxe que recibiu no barrio coruñés de Matogrande en 2021 [© Concello da Coruña]

• OBITUARIO | Sito Sedes, historia de Los Satélites e emblema da música popular galega