Fálase

O Consello da Xunta, reunido de xeito extraordinario ao límite do prazo legal, cesa sete altos cargos para que poidan ir nas listas electorais do PP. Ser candidato ou candidata é compatible con ser conselleiro ou conselleira pero non cos cargos inferiores, o que fai que agora, a poucas horas do remate do prazo para que os partidos formalicen as súas listas, saian da Xunta os delegados territoriais da Coruña, Ferrol, Lugo e Ourense así como o secretario xeral de Emigración, Antonio Rodríguez Miranda, o director xeral de Gandaría e Agricultura, José Balseiros, e o director de Turismo de Galicia, Xosé Manuel Merelles.

• Rueda suma a empresaria viguesa Patricia García ás listas do PP, que tamén encabezan Diego Calvo, Elena Candia e Elena Rivo

18F | O PP estaría a un só escano de perder a maioría absoluta e a Xunta, segundo unha enquisa de Sigma Dos para El Mundo, que non obstante amosa amplos intervalos na estimación de escanos: sitúa os populares ao límite da absoluta (38) ou con ata 41 escanos -actualmente ten 42-, seguidos do BNG con 18 ou 19 -conta con 19- e do PSdeG con entre 15 e 17 -ten 14-. O Parlamento estimado por ese inquérito outorga entre 1 e 2 escanos a Sumar. Podes consultar aquí os datos de todas enquisas publicadas.

• CRÓNICA | De "Galicia en paz" ao cambio de goberno: os partidos ven alargar os límites do posible para o 18F

A Plataforma para a defensa da sanidade do Carballiño convocou este domingo unha manifestación na vila para reclamar a restitución das consultas de Pediatría no seu centro de saúde. Esta mobilización para que o Sergas non deixe a esta comarca sen atención especializada para as crianzas súmase a outras na provincia, como as dos últimos días en Xinzo e Verín.  [Fotografía CC-BY-SA PSdeG de Ourense] 

• HEMEROTECA | O PP retoma, matizada, a idea de pediatras desprazables que tentou aprobar en 2018 e tivo que retirar ante as protestas
• HEMEROTECA | Xinzo de Limia sae á rúa en reclamación dun servizo de pediatría "digno"

Besteiro avanza que o PSdeG vaise "sumar e apoiar" a manifestación pola crise dos 'pellets' do 21 de xaneiro en Santiago baixo o lema En defensa do noso mar "xunto cos pescadores, mariscadoras, biólogos, ecoloxistas e voluntarios". O candidato socialista á Presidencia da Xunta defendeu este domingo na praia de Portocubelo, en Lira, unha Galicia "limpa da contaminación das mentiras" que –dixo– están a impoñer "a Xunta, o PP e o presidente Rueda".

• "Se ti votas, eles marchan”: Besteiro pide "mobilización social" fronte a un PP que "quere que a campaña pase desapercibida"
• "En defensa do noso mar": unha manifestación ante a "impunidade" na crise dos 'pellets' reclamará "transparencia" á Xunta 

Ana Pontón e Martiño Noriega asinan este domingo un acordo de BNG e Anova para as eleccións do 18F. As eleccións chegan xusto 12 anos despois da asemblea de Amio que dividiu o nacionalismo. Na imaxe, do BNG no 40 aniversario da formación, Xosé Manuel Beiras e Ana Pontón.

• AMPLIAMOS | 12 anos e 2,5 quilómetros: "Era importante cicatrizar as feridas"

Paula Alvarellos, actual voceira do Goberno local e concelleira de Sostibilidade Urbana e Recursos Internos, será a nova alcaldesa de Lugo, en substitución de Lara Méndez, número 2 da lista do PSdeG pola provincia lucense ás eleccións do 18F. O Grupo Municipal do Partido Socialista anunciou a decisión esta tarde e Alvarellos (terceira pola esquerda na imaxe) será investida alcaldesa o vindeiro xoves nun pleno extraordinario

• Lara Méndez deixa a alcaldía de Lugo e será a 'número 2' do PSdeG tras Besteiro na lista por esa provincia

Un cento de persoas convocadas polo Concello de Ribeira e Greenpeace limpan pellets nas praias de Balieiros e As Barreiras, preto do cabo Corrubedo, o lugar onde chegaron os primeiros sacos de plásticos o 13 de decembro. Este longo areal forma parte da Zona de Especial Conservación Complexo Húmido de Corrubedo, na Rede Natura 2000.

A asociación Dereito a Morrer Dignamente concéntrase en Santiago polo Día da Morte Digna en Galicia, na data do aniversario da morte de Ramón Sampedro. Dende hai xá 26 anos este é un día sinalado na reivindicación da liberdade das persoas e na defensa do seus dereitos, tamén na etapa final das súas vidas. Este colectivo solicitou no Parlamento un recoñecemento oficial desta data ao considerar que "contribuirá ao progreso na atención e coidado ás persoas na etapa final da súa vida, ao respecto á súa autonomía e liberdade, e ao progreso da morte digna".

• HEMEROTECA | O 'Día da Morte Digna' lembra os 25 anos do pasamento de Ramón Sampedro e reclama a defensa deste dereito
• HEMEROTECA | Dereito a Morrer Dignamente critica que a Xunta está a "entorpecer" a aplicación da lei de eutanasia

Lara Méndez formaliza a súa renuncia como alcaldesa de Lugo para concorrer ás eleccións galegas como número dous da lista lucense do PSdeG, que encabeza José Ramón Gómez Besteiro. No seu derradeiro pleno como rexedora, Méndez subliñou que  mantén o "compromiso de seguir traballando por e para Lugo" dende as súas novas responsabilidades. Á espera da elección da nova alcaldía, posto para o que se perfila a concelleira socialista Paula Alvarellos, o bastón de mando fica provisionalmente nas mans de Rubén Arroxo (BNG), primeiro tenente da Alcaldía. [Imaxe: Concello de Lugo]

• Lara Méndez deixa a alcaldía de Lugo e será a 'número 2' do PSdeG tras Besteiro na lista por esa provincia
• ENTREVISTA (xuño 2023) | "A veciñanza de Lugo primou un goberno progresista e de boas prácticas fronte á mala praxe e a crispación"

O Salario Mínimo Interprofesional subirá ata 1.134 euros mensuais en catorce pagas, 54 máis que actualmente. O Ministerio de Traballo acorda cos sindicatos CC.OO. e UGT esa alza dun mínimo do 5% mentres a patronal CEOE se desmarca.

• HEMEROTECA | O salario medio en Galicia aumentou un 3% en 2022, tres veces menos que os prezos