Fálase

Festa rachada en Burela polo empate 0-0 de Cabo Verde ante España no comezo do Mundial de fútbol. O histórico encontro foi seguido na vila mariñá na rúa e con ambiente de celebración no marco do festival De Cabo a Cabo, impulsado polo Concello e a Deputación de Lugo para "reivindicar a multiculturalidade" do concello, onde arredor da décima parte da veciñanza ten orixes caboverdianas. Na imaxe, afección de ambos conxuntos seguindo o partido e a alcaldesa e presidenta da Deputación, Carmela López, durante a celebración. [CC BY SA Praza.gal / Deputación de Lugo]

• España-Cabo Verde: Burela aproveita un partido histórico para "reivindicar a multiculturalidade"

En 2027 serán días festivos de ámbito galego o 19 de marzo (San Xosé) e o 17 de maio (Día das Letras Galegas). O Consello da Xunta decide pasar a eses días dous festivos estatais que coincidirán en domingo.

• Aprobadas datas e vacacións do curso 26-27: calendario do 9 de setembro ao 21 de xuño

Os Estados Unidos e Irán anuncian un cesamento do fogo. O secretario xeral da ONU, António Guterres, traslada os seus parabéns por implicar o acordo un "inmediato e permanente" cesamento dos ataques e a reapertura do Estreito de Ormuz, así como un "marco de traballo para futuras negociacións". Na imaxe, unha bandeira de Irán entre os cascallos despois dun bombareo [© Araghchi]

• HEMEROTECA (abril) | Dúas semanas de paz en Irán: cesamento do fogo e apertura 'controlada' do Estreito de Ormuz
• HEMEROTECA | A guerra de Trump ameaza de novo o poder adquisitivo da poboación
• HEMEROTECA | "Europa teme enfrontarse a Trump pero non quere acompañar unha guerra que considera ilexítima"

O DOG publica este luns o calendario escolar do curso 26-27. Nesta peza interactiva podes consultar todas as datas do próximo período académico, do 9 de setembro ao 21 de xuño.

• Aprobadas datas e vacacións do curso 26-27: calendario do 9 de setembro ao 21 de xuño

O incendio de Padrón xa queimou unhas 350 hectáreas e outro en Boborás iniciado no serán do sábado atinxe unhas 50, segundo Medio Rural. Que a Xunta informe só destes dous focos non implica necesariamente que sexan os únicos, dada a política informativa pola que evita revelar detalles dos inferiores a 20 hectáreas ou que non afecten a áreas poboadas ou protexidas. Na imaxe, o incendio de Boborás, tomada por membros da Brif de Laza a primeiras horas da tarde deste domingo.

• HEMEROTECA | Todos os incendios de 2025 en Galicia: liberamos os datos
• HEMEROTECA | Tres de cada dez incendios en Galicia comezaron de noite durante 2025

Sanidade desactiva as alertas pola calor. A Xunta sinala que os datos de MeteoGalicia e os indicadores de impacto da calor na saúde do Ministerio de Sanidade indican que este domingo "as temperaturas, aínda que altas, volven ser as habituais para esta época do ano". Tras un sábado de récords parte do país aínda volveu sufrir o fenómeno da chamada "noite tropical", con mínimas que non baixaron de 20 graos en puntos como A Coruña ou Vigo. Na imaxe, mapa de MeteoGalicia coas temperaturas mínimas da pasada noite.

• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver

Unha manifestación por terra e mar reclama hoxe na Illa de Arousa "re-matar Altri e a mina de Touro". A mobilización, convocada por Ulloa Viva, a Plataforma pola Defensa da Ría de Arousa e o colectivo veciñal oposto á explotación mineira desenvólvese dende as 12 na praia do Vao. Na imaxe, representantes dos colectivos chamando a participar.

• +INFO 📺 📸 "Altri non, mina tampouco": clamor na Illa de Arousa para "re-matar" as ameazas á ría
• HEMEROTECA | A Xunta ve "abusivo" preguntar a Rueda polo pacto secreto con Altri
• HEMEROTECA | Altri di agora que a súa conexión eléctrica "non é esencial" tras asegurar que era "imprescindible"
• HEMEROTECA | O pacto oculto con Altri provoca un cisma inédito en 10 anos de historia da Comisión da Transparencia

Feijóo di estar a traballar "para que o próximo presidente do Goberno de España sexa exactamente o Feijóo que foi presidente de Galicia". Nunha festa-mitin do PP no Pino acompañado por Rueda e outros cargos do PPdeG, o ex-presidente e actual líder estatal da formación preséntase como antídoto á "podremia" que atribúe a Pedro Sánchez con promesas como "orde en inmigración", que "pague a pena volver a traballar" ou ser "o presidente do Goberno de España que peche o ano Xacobeo" en 2027. [Imaxe: CC BY-SA PPdeG]

• Rueda apoia a segregación por antigüidade de residencia pactada por Vox e PP
• Os 'contratos' de Feijóo: da "austeridade" ás teimas da internacional reaccionaria
• O lastre da 'era Feijóo' limita o impacto das 4.000 vivendas públicas que proxecta a Xunta

O incendio de Padrón xa queimou unhas 180 hectáreas e obriga a decretar a situación 2 por risco para a poboación en dous núcleos: Cruxeiras de Abaixo e Sobrerribas. Medio Rural admite que unha "reactivación dun flanco" complicou a situación e non explicita, polo momento, se existen máis incendios forestais activos noutros puntos do país. Na imaxe, o fume deste incendio forestal visto dende Santiago, a primeiras horas da tarde deste sábado [CC BY-SA Praza.gal]

• HEMEROTECA | Todos os incendios de 2025 en Galicia: liberamos os datos

A estación meteorolóxica da Torre de Hércules, na Coruña, marca a temperatura máxima en Galicia ata as 13:30 con 35,9 graos, moi por riba da media dos últimos anos na cidade para o mesmo día de xuño. Ata esa hora chegaron a valores moi próximos as estacións de Rus (Carballo), con 35,4 e a de Narón, con 34,8, nun contexto de moita calor en todo o país, con máis de 70 concellos en alerta. Mapa de MeteoGalicia.

• MAPA INTERACTIVO | Concellos en alerta pola calor - 13 de xuño de 2026
• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde