Fálase

Sanidade desactiva as alertas pola calor. A Xunta sinala que os datos de MeteoGalicia e os indicadores de impacto da calor na saúde do Ministerio de Sanidade indican que este domingo "as temperaturas, aínda que altas, volven ser as habituais para esta época do ano". Tras un sábado de récords parte do país aínda volveu sufrir o fenómeno da chamada "noite tropical", con mínimas que non baixaron de 20 graos en puntos como A Coruña ou Vigo. Na imaxe, mapa de MeteoGalicia coas temperaturas mínimas da pasada noite.

• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver

Unha manifestación por terra e mar reclama hoxe na Illa de Arousa "re-matar Altri e a mina de Touro". A mobilización, convocada por Ulloa Viva, a Plataforma pola Defensa da Ría de Arousa e o colectivo veciñal oposto á explotación mineira desenvólvese dende as 12 na praia do Vao. Na imaxe, representantes dos colectivos chamando a participar.

• +INFO 📺 📸 "Altri non, mina tampouco": clamor na Illa de Arousa para "re-matar" as ameazas á ría
• HEMEROTECA | A Xunta ve "abusivo" preguntar a Rueda polo pacto secreto con Altri
• HEMEROTECA | Altri di agora que a súa conexión eléctrica "non é esencial" tras asegurar que era "imprescindible"
• HEMEROTECA | O pacto oculto con Altri provoca un cisma inédito en 10 anos de historia da Comisión da Transparencia

Feijóo di estar a traballar "para que o próximo presidente do Goberno de España sexa exactamente o Feijóo que foi presidente de Galicia". Nunha festa-mitin do PP no Pino acompañado por Rueda e outros cargos do PPdeG, o ex-presidente e actual líder estatal da formación preséntase como antídoto á "podremia" que atribúe a Pedro Sánchez con promesas como "orde en inmigración", que "pague a pena volver a traballar" ou ser "o presidente do Goberno de España que peche o ano Xacobeo" en 2027. [Imaxe: CC BY-SA PPdeG]

• Rueda apoia a segregación por antigüidade de residencia pactada por Vox e PP
• Os 'contratos' de Feijóo: da "austeridade" ás teimas da internacional reaccionaria
• O lastre da 'era Feijóo' limita o impacto das 4.000 vivendas públicas que proxecta a Xunta

O incendio de Padrón xa queimou unhas 180 hectáreas e obriga a decretar a situación 2 por risco para a poboación en dous núcleos: Cruxeiras de Abaixo e Sobrerribas. Medio Rural admite que unha "reactivación dun flanco" complicou a situación e non explicita, polo momento, se existen máis incendios forestais activos noutros puntos do país. Na imaxe, o fume deste incendio forestal visto dende Santiago, a primeiras horas da tarde deste sábado [CC BY-SA Praza.gal]

• HEMEROTECA | Todos os incendios de 2025 en Galicia: liberamos os datos

A estación meteorolóxica da Torre de Hércules, na Coruña, marca a temperatura máxima en Galicia ata as 13:30 con 35,9 graos, moi por riba da media dos últimos anos na cidade para o mesmo día de xuño. Ata esa hora chegaron a valores moi próximos as estacións de Rus (Carballo), con 35,4 e a de Narón, con 34,8, nun contexto de moita calor en todo o país, con máis de 70 concellos en alerta. Mapa de MeteoGalicia.

• MAPA INTERACTIVO | Concellos en alerta pola calor - 13 de xuño de 2026
• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde 

As alertas por risco para a saúde pola calor atinxen este sábado a máis de 70 concellos. No interior da provincia de Pontevedra a Xunta pasa a alerta de vermella a laranxa, nivel no que se mantén gran parte da provincia da Coruña. Mentres, municipios da Barbanza e da Costa da Morte que este venres non tiñan avisos activados pasan a estar este sábado en nivel amarelo. Sanidade pon o foco en seguir as recomendacións habituais fronte ás altas temperaturas nunha vaga que, agarda MeteoGalicia, comezará a remitir este domingo

• MAPA INTERACTIVO | Concellos en alerta pola calor - 13 de xuño de 2026
• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde

O incendio forestal de Herbón, en Padrón, xa queimou unhas 100 hectáreas. Comezou na tarde deste venres, marcada polas altas temperaturas, e segundo Medio Rural a primeiras horas desta mañá continuaba activo, pero cunha "evolución favorable". A Consellería non informa de máis focos, o que non implica necesariamente que non existan, senón que -caso de existiren- non cumpren os criterios da súa política informativa por non superaren as 20 hectáreas ou non atinxir a espazos habitados ou protexidos. Nas imaxes, vistas do incendio ao longo da tarde do venres [CC BY-NC-SA Praza.gal]

• HEMEROTECA | Todos os incendios de 2025 en Galicia: liberamos os datos

As temperaturas superaron este venres os 38 graos en Ourense e os 37 en puntos do sur de Pontevedra, como Salvaterra do Miño ou Ponteareas. En Santiago os termómetros superaron os 35 graos, en Vigo os 34 e mesmo na Coruña pasaron dos 30. Para este sábado espéranse valores semellantes na maior parte do país, con alerta amarela por calor no Sur de Lugo, Valdeorras, Baixo Miño e o val do Miño en Ourense.

• O risco da calor para a saúde pon máis de 80 concellos en alerta

O xuíz Calama da Audiencia Nacional cita tamén a Zapatero como investigado por delito fiscal e contrabando tras recibir unha taxación das xoias que a Garda Civil incautou no seu despacho por non estar a súa orixe "xustificada nestes momentos", segundo un auto que avanza infoLibre. Faino abrindo unha peza separada pola que lle tomará declaración o mesmo día no que estaba citado polo caso Plus Ultra cando, di, pode "disipar a indiciaria ilicitude da posesión" das xoias "xa sexa acreditando a súa lícita adquisición ou correcta importación". [Imaxe: © Senado]

• HEMEROTECA | Os retos do caso contra Zapatero: probar xestións coa SEPI, Facenda ou o Goberno para Plus Ultra
• HEMEROTECA | O xuíz acusa a Zapatero de ser xefe na sombra dunha rede empresarial corrupta

O Concello de Cedeira fará filla predilecta e dedicará unha praza a Nisa López Amado, unha das fundadoras das Madres de la plaza de Mayo e natural da vila, desde onde emigrou á Arxentina. 

O pleno municipal votou de maneira unánime a moción presentada polo goberno de coalición de PSdeG e BNG para honrar a quen foi represaliada polo franquismo. Emigrada xa en Bos Aires, a ditadura militar secuestrou a seu fillo e a súa nora, que nunca máis apareceron.