Fálase

O persoal das empresas auxiliares da refinaría de Repsol acorda levantar o paro indefinido a partir do luns, que emprendeu tras a morte dun traballador na factoría. A decisión, explica a CIG, "chega despois da negociación mantida coa petroleira" na que se "constatou que Repsol está a dar pasos en firme para cumprir os puntos máis urxentes en materia de seguridade", tales como "dispor de ambulancia e persoal médico 24 horas os sete días da semana e incrementar os equipos automatizados e de detección"

• DATOS | Radiografía dos accidentes laborais: tres mil persoas morreron no traballo nas últimas tres décadas en Galicia
• Paro e demanda de máis seguridade: a morte do operario na refinería de Repsol indigna o persoal das auxiliares

A inscrición ás oposicións de Educación da Xunta péchase cun total de 22.919 persoas que optarán a 2.484 prazas nas probas que se desenvolverán a partir do 18 de xuño. O detalle das prazas e número de persoas inscritas para cada especialidade pódese consultar nesta ligazón

• HEMEROTECA | A Xunta aproba a oferta de emprego público docente para 2022, cuxas probas comezarán o 18 de xuño co procedemento habitual

Os gobernos de España e Portugal fixan en 30 euros megavatio / hora o prezo límite do gas que propoñen á UE para así baixar os custos da electricidade arredor dun 60%, tal e como permitiu á UE ao abrir a porta á "excepción ibérica". Esta é a proposta que remitiron xa á Comisión Europea, adiantada polo xornal portugués Público e confirmada pola ministra para a Transición Ecolóxica, Teresa Ribera. Nos días posteriores ao inicio da invasión de Rusia na Ucraína, este prezo chegou as superar os 400 euros megavatio / hora. Na imaxe [© Pool Moncloa / Borja Puig de la Bellacasa], Pedro Sánchez e António Costa tras o Consello Europeo do pasado venres, cando os seus Executivos recibiron o visto e prace para limitar o prezo do gas.

• HEMEROTECA | O custo do gas desbócase coa guerra, dispara o recibo da luz e evidencia as eivas do sistema de fixación de prezos
• En infoLibre 👉 A proposta do Goberno de limitar a 30 euros o prezo do gas rebaixaría o da luz nun 61%

Feijóo elixe a Concepción Cuca Gamarra como nova secretaria xeral do PP en substitución de Teodoro García Egea. Gamarra foi voceira parlamentaria da formación con Pablo Casado e actualmente exerce as funcións de coordinadora xeral ata o nomeamento de Feijóo. Anteriormente fora alcaldesa de Logroño. O aínda presidente da Xunta anunciouno a través das redes sociais apenas media hora despois de que o Goberno galego reflectise, nas súas contas oficiais, que se estaba a desenvolver no complexo de San Caetano a reunión semanal do Consello. Na imaxe [© PP], Gamarra e Feijóo durante un mitin da campaña interna do PP.

• Miguel Tellado, primeiro sucesor de Feijóo

Feijóo dimite como presidente do PPdeG tres días antes de ser nomeado presidente do PP estatal por seren cargos incompatibles. Divulgouno na súa conta de Twitter, na que di que "foi unha honra" e que mantén "o orgullo de seguir sendo militante na terra que mo deu todo". A renuncia será efectiva o día 1 a á fronte do partido queda o seu secretario xeral, Miguel Tellado, ata que se elixa un novo presidente.

• Quen é quen na Xunta e no PPdeG coa marcha de Feijóo e por que Alfonso Rueda leva tres lustros sendo o mellor situado
• A pugna interna do PP evoca a defenestración de Xosé Cuíña durante a crise do Prestige 

O IPC dispárase en marzo ata o 9,8% no Estado, a súa taxa máis alta en 37 anos. O incremento débese ás subas "xeneralizadas", sobre todo nos prezos da electricidade, carburantes e alimentos. 

• Luz, gas e combustibles encarecen máis do 60% nun ano en Galicia e disparan o IPC a máximos históricos

O BOE publica as axudas aprobadas polo Consello de Ministros para afrontar a crise de prezos, que inclúen o desconto de 20 céntimos por litro de combustible dende o venres e a limitación temporal das subas dos alugueiros de vivenda, entre outras medidas. Pódese consultar o texto íntegro nesta ligazón. Na imaxe [© Pool Moncloa / Borja Puig de la Bellacasa], as vicepresidentas Calviño, Díaz e Ribera expoñendo os contidos do Real Decreto.

• Dos 20 céntimos por litro de combustible ao tope do 2% aos alugueiros: o plan do Estado para a crise de prezos

Feijóo reitera que a súa dimisión como presidente da Xunta se producirá "a partir de abril". A vindeira fin de semana será proclamado novo líder do PP. Dende que esa dimisión se produza, a remuda na presidencia do Goberno galego ten que producirse nun máximo dun mes.

• E Feijóo decidiu non alcanzar a Fraga: 13 anos, 13 fitos e un adeus
• A fin da era Feijóo abre a BNG e PSdeG unha "fiestra de oportunidade" con vistas á Xunta

Falece un dos operarios feridos nun accidente na refinería Repsol da Coruña. O home, de 35 anos, sufrira graves feridas tras o sinistro do pasado sábado. Compañeiros concentráronse hoxe ante a fábrica pedindo "menos urxencia na produción e máis présa na prevención". 

• AMPLIAMOS 👉 O falecemento dun mozo tras o sinistro na refinería da Coruña eleva a sete as mortes por accidente laboral en Galicia no que vai de ano

O congreso do PP que dende o vindeiro venres aclamará a Feijóo como novo líder incluirá un espazo de homenaxe a Aznar, que pronunciará un discurso ao mesmo nivel que Rajoy e que o defenestrado Pablo Casado na súa condición de presidente saínte. É unha información de El Periódico de España. Na imaxe de arquivo, Feijóo nun acto da FAES con Aznar, en cuxo Goberno ocupou altos cargos como presidente do Insalud e de Correos entre 1996 e 2003.

• Feijóo culmina o seu segundo ascenso ao poder no PP sen primarias: do aval de Baltar en 2006 á defenestración de Casado
• A pugna interna do PP evoca a defenestración de Xosé Cuíña durante a crise do Prestige