Fálase

O papa insta a que a intelixencia artificial "sirva á humanidade e non ao poder duns poucos" na súa primeira encíclica. No documento Magnifica humanitas, "sobre a custodia da persoa humana na era da intelixencia artificial", León XIV, apela á doutrina social da Igrexa e lanza alertas coma o "risco do control social derivado da recompilación masiva de datos e do uso de sistemas algorítmicos" no que considera unha "nova faceta do colonialismo, que se apropia dos datos e transforma as vidas persoais en información explotable". Entre outros aspectos, o Pontífice clama asemade contra as guerras en marcha, defende o papel da ONU e pide "superar o PIB como parámetro do grao de desenvolvemento dun país, apostando no seu lugar pola dignidade do traballo, a prosperidade compartida, a redución das desigualdades e a protección do medio ambiente". Na imaxe [© Vatican Media], o papa asinando a encíclica.

• HEMEROTECA | Palantir e a súa folla de ruta tecnofascista: vixilancia, militarización e poder duro
• HEMEROTECA | Elon Musk lánzase pola rede dixital europea sen que a UE teña regulación ou opción pública para defenderse
• HEMEROTECA | Musk, Telegram e a internacional ultra lánzanse contra Pedro Sánchez 
• HEMEROTECA | "Evidencias" dende A Coruña na investigación pola violencia contra mulleres e menores na IA de Musk

Abel Caballero anuncia a inminente reforma da tribuna de Balaídos para poder acoller o Mundial e o pleno do Concello de Vigo pide a Xunta e Deputación que cofinancien a obra. O alcalde asegura que os traballos comezarán dentro dunha semana. 

• Exención fiscal e elevado gasto: as exixencias da FIFA fan que Euskadi tamén medite renunciar ao Mundial
• Galicia, sen Mundial polo momento e con Vigo á espera

Clamor contra Ence e Altri na marcha anual contra celulosas en Pontevedra. A mobilización da Asociación Pola Defensa da Ría de Pontevedra, unida a colectivos como Ulloa Viva, Adega ou Greenpeace, culminou este ano cun acto festivo para esixir "unha ría sen Ence" e tamén "o arquivo definitivo do proxecto" da compañía portuguesa en Palas de Rei. [Imaxe: Greenpeace Galicia]

• Altri di agora que a súa conexión eléctrica "non é esencial" tras asegurar que era "imprescindible"
• O Estado tenta corrixir de novo a reforma de Costas de Rajoy que facilitou a prórroga a Ence

MeteoGalicia activa avisos amarelos por treboadas en toda a provincia de Lugo dende as 15h a medianoite e na maior parte da da Coruña das 18h ás 21h. Agárdanse "chuvascos treboentos localmente fortes con posible sarabia", advirte.

PSdeG e BNG manterían os seus gobernos en Vigo, A Coruña, Santiago e Pontevedra e mais recuperarían o de Lugo perdido na moción de censura do PP coa tránsfuga, segundo as enquisas de Sondaxe publicadas este domingo por La Voz de Galicia. Estes inquéritos proxectan tamén a reedición da absoluta dos populares en Ferrol e a primeira posición dunha DO descendente en Ourense nun contexto xeral de subas do PP e do Bloque. Nas vindeiras municipais, o 23 de maio de 2027, Santiago e Lugo pasarán a elixir tamén corporacións de 27 edís, dous máis que ata agora, polos incrementos de poboación, e só a pontevedresa e a ferrolá continuarán con 25.

O Celta ratifica a súa segunda participación consecutiva na Europa League. O conxunto vigués pecha a Liga con vitoria 1-0 fronte ao Sevilla en Balaídos e certifica a sexta posición que garante volver xogar a competición continental na temporada 26-27. O éxito deu lugar a unha noite de festa entre a afección celeste. [Imaxe: © RC Celta]

• 🟪🟧🟦 EN VINTE | A outra vitoria do Celta: “O uso do galego reforza o noso crecemento”

⚽️ A mellor xogadora de fútbol praia do mundo é galega. Andrea Mirón vén de ser recoñecida na gala dos premios Beach Soccer Stars 2025. Pontevedresa e capitá da selección española, foi tamén incluída no cinco ideal da tempada e un dos seus goles, entre os dez finalistas a mellor tanto. 

O BNG ratifica a Goretti Sanmartín como candidata á reelección na alcaldía de Santiago. "Vai recibir o apoio maioritario", afirma Ana Pontón, quen augura un futuro mandato no que "poñer o turbo ao proxecto de progreso para esta cidade" tras un primeiro período na alcaldía no que "demostrou liderado, valentía e capacidade" malia o que considera unha "oposición destrutiva". Santiago, sostén Pontón, "non necesita bandazos, nin volver atrás" senón "a estabilidade dun goberno do BNG que funciona e a ambición dun proxecto político que está pensado para construír Santiago en grande", resaltou no acto de presentación.

• Ascensión con arrecendo a polbo e a municipais 2027
• Santiago avanza nun parque público de alugueiro coa rehabilitación de edificios abandonados
• HEMEROTECA | Vivenda, servizos sociais e adaptación ao cambio climático, prioridades do goberno de Santiago para 2025
• HEMEROTECA | "Temos a responsabilidade de sermos espello de políticas transformadoras que digan: así actúa o BNG"

A chegada de aire africano provoca que a Xunta active un aviso por po sahariano. O empeoramento da calidade do aire este venres e na fin de semana, e o aumento da concentración de partículas en suspensión recomenda reducir a actividade ao aire libre entre a poboación máis vulnerable. 

Jácome perde a cuestión de confianza asociada aos orzamentos do Concello de Ourense, que quedarán aprobados inicialmente se nun mes PP, PSdeG e BNG non pactan unha moción de censura para desbancar o goberno de Democracia Ourensana. Populares, socialistas e nacionalistas votaron en contra das contas municipais no pleno desta mesma mañá, tras o cal o rexedor convocou outro urxente para a cuestión de confianza.

• Jácome, ás portas dun xuízo por prevaricación por non pedir a compatibilidade coa súa empresa
• HEMEROTECA | Rueda deixa a moción de censura en Ourense en mans dos seus edís e afea "liñas vermellas" do BNG co PP
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• HEMEROTECA | PODCAST - 🔊 Fálase | Anatomía do de Ourense