Fálase

Xurxo Mariño, Premio de Divulgación Científica 2026 da Real Academia Galega de Ciencias. Biólogo especializado en neurofisioloxía, profesor na Universidade da Coruña, no que forma parte do grupo de investigación Neurocom, ten unha longa traxectoria como divulgador científico. Na actualidade dedícase en exclusiva á comunicación da ciencia, colaborando con publicacións e espazos divulgativos como o programa Órbita Laika de TVE. "A divulgación da ciencia serve para formar unha cidadanía librepensadora con capacidade crítica sobre o funcionamento deste mundo”, destaca.

• ENTREVISTA | Xurxo Mariño: "Unha viaxe comeza por comprender ben o que tes preto da casa, doutro xeito non vas ter capacidade de asombro"
• REPORTAXE | Pódese contar a ciencia en galego?

Christoph Schreinmoser, novo director do IGADI. O xurista alemán, profesor de Dereito Internacional Público na Universidade da Coruña, remuda a Daniel González Palau, que dirixía o Instituto Galego de Análise e Documentación Internacional dende 2017. A Asemblea Xeral da entidade aprobou o documento Liñas 2026-2031. Desde Galicia, pensar e actuar no mundo, que guiará o traballo do IGADI nos próximos cinco anos, de camiño ao seu 40 aniversario.

• OPINION | Christoph Schreinmoser: Paz desigual: o plan de Trump perpetúa o colonialismo sobre Palestina
• OPINION | Christoph Schreinmoser: Quo vadis, Alemaña? O xiro á dereita do país teutón

O Liceo gaña a súa 11ª Copa do Rei de hockey ante o Calafell por 1-4. O equipo coruñés volve obter o trofeo cinco anos despois.

Lugo acolle este sábado a gala de entrega dos XXIV Premios Mestre Mateo con 'Antes de nós', 'Sirât' e 'As liñas descontinuas' como películas con máis candidaturas. Repasamos entrevistas e reportaxes que fixemos nos últimos meses arredor destes filmes.

• 'Antes de nós' participa da conversa aberta que é Castelao
• Oliver Laxe: "O cinema segue sendo un espazo onde experimentar cousas fortes que xa non experimentamos na vida"
• Anxos Fazáns: "Hai algo transgresor en simplemente facer unha película bonita e tenra"

Galicia, a comunidade autónoma máis insatisfeita coa atención primaria. A cidadanía galega rexistra o nivel de satisfacción máis baixo con este servizo, segundo un informe do CIS, que indica que 

A libraría Moito Conto da Coruña recibe o premio Follas Novas ao labor libreiro. A Fundación de Librarías de Galicia premia a súa "capacidade de conexión co público a través dunha comunicación innovadora".

Luma Gómez, Premio de Honra Marisa Soto dos Premios María Casares 2026. A Xunta Directiva da Asociación de Actores e Actrices de Galicia (AAAG) acordou conceder o galardón  á actriz ferrolá en recoñecemento "a unha traxectoria exemplar e ao seu compromiso sostido co desenvolvemento do teatro galego". A entrega dos premios terá lugar o 8 de abril no Teatro Rosalía Castro.

• 'Reconversión', 'A serie clopen' e 'TROMSØ', producións con máis finalistas aos María Casares

Anpas Galegas cuestiona a "idoneidade" de Santiago Freire, ex-alcalde de Noia, como director territorial de Educación na Coruña. A entidade critica "a súa falta de traxectoria no ámbito educativo" e "posicionamentos públicos previos que non contribúen a xerar a confianza necesaria na comunidade educativa", en referencia a declaracións e publicacións de contido machista ou de apoio ao franquismo. Freire foi ademais denunciado en novembro por gastos de fondos públicos en restaurantes

• HEMEROTECA | As facturas do PP de Noia: miles de euros en xantares e copas que "chaman a atención" mesmo a Rueda

O movemento Acampa pola paz e o dereito a refuxio acorda en asemblea cesar a súa actividade en Galicia pero continuará en Brasil da man da súa coordinadora, a profesora Célia Regina Rossi, artífice dun Encontro Acampa cada ano na cidade de Piracicaba. Nos últimos nove anos a asociación veu realizando actividades en defensa dos dereitos humanos e a través do xornalismo humanitario. Na Coruña organizaba anualmente o encontro Acampa con exposicións, charlas, debates, proxeccións e outras actividades.

• Acampa chama a reflexionar sobre a infancia refuxiada co foco nos 15 mil menores asasinados en Gaza
• Acampa pola Paz dedica o seu encontro á "pandemia da fame" que sofren 800 millóns de persoas no planeta
• A nova edición de Acampa pon o foco no "saqueo de recursos" que provoca os movementos migratorios cara aos países ricos

Persoal médico volve mobilizarse na Coruña e Pontevedra para reclamar ao Sergas que abra "negociacións para poñer fin á folga indefinida na atención primaria" e "solucións ás reivindicacións dos facultativos dos hospitais". Ademais, profesionais manteñen o peche no centro Olimpia Valencia de Vigo, que acolle este mércores outra manifestación. Un de cada catro médicos secundou a folga contra o estatuto marco na atención hospitalaria, segundo datos da Xunta. 

• O Sergas volve sinalar o ministerio tras a suspensión de 190.000 actos médicos polas folgas desde decembro