Fálase

O movemento Acampa pola paz e o dereito a refuxio acorda en asemblea cesar a súa actividade en Galicia pero continuará en Brasil da man da súa coordinadora, a profesora Célia Regina Rossi, artífice dun Encontro Acampa cada ano na cidade de Piracicaba. Nos últimos nove anos a asociación veu realizando actividades en defensa dos dereitos humanos e a través do xornalismo humanitario. Na Coruña organizaba anualmente o encontro Acampa con exposicións, charlas, debates, proxeccións e outras actividades.

• Acampa chama a reflexionar sobre a infancia refuxiada co foco nos 15 mil menores asasinados en Gaza
• Acampa pola Paz dedica o seu encontro á "pandemia da fame" que sofren 800 millóns de persoas no planeta
• A nova edición de Acampa pon o foco no "saqueo de recursos" que provoca os movementos migratorios cara aos países ricos

Persoal médico volve mobilizarse na Coruña e Pontevedra para reclamar ao Sergas que abra "negociacións para poñer fin á folga indefinida na atención primaria" e "solucións ás reivindicacións dos facultativos dos hospitais". Ademais, profesionais manteñen o peche no centro Olimpia Valencia de Vigo, que acolle este mércores outra manifestación. Un de cada catro médicos secundou a folga contra o estatuto marco na atención hospitalaria, segundo datos da Xunta. 

• O Sergas volve sinalar o ministerio tras a suspensión de 190.000 actos médicos polas folgas desde decembro

O PSOE supera o PP por 8 puntos de diferenza no último barómetro do CIS, que reduce a distancia entre os dous grandes partidos dende a enquisa anterior. VOX perdería dous puntos no último mes. Os socialistas repetirían o resultado das últimas eleccións xerais. O CIS outorga ao BNG unha estimación de voto do 1,7%, fronte ao 0,8% de febreiro e o 0,62% obtido nos comicios de 2023.

O Supremo non admite a querela de Vox contra Pedro Sánchez, Alfonso Rueda e outros dirixentes polos incendios forestais do pasado verán, que no caso galego supuxo a peor vaga da historia dende que hai datos comparables. Na imaxe, ambos presidentes visitando unha área afectada polo lume en Valdeorras, en xullo do ano pasado [© Pool Moncloa / Fernando Calvo]

• HEMEROTECA | Adeus ao ano cos maiores incendios da historia de Galicia
• HEMEROTECA | Os 447 incendios ocultados pola Xunta do 1 ao 18 de agosto: liberamos os datos
• HEMEROTECA | 145.000 hectáreas ardidas e un propósito: "Pensar nun futuro sen incendios"

Dimite o director do Centro Nacional de Antiterrorismo dos EUA: "Non podo apoiar a guerra en Irán coa conciencia tranquila", sinala Joe Kent, nunha publicación na rede social X que ratifican o Wall Street Journal e o New York Times. Kent advirte que o país persa "non supuña unha ameaza inminente" para os Estados Unidos e resalta que o ataque se debe "á presión de Israel e o seu poderoso lobby" en territorio estadounidense. [Imaxe: © NCTC]

• "Europa teme enfrontarse a Trump pero non quere acompañar unha guerra que considera ilexítima"
• O xiro de Von der Leyen contra a "vella orde" suporía desbotar seis referencias a Nacións Unidas nas leis da UE
• "A posición do Goberno resúmese en 'Non á guerra'", di Sánchez, que se contrapón co "trío dos Azores"

A Xunta recoloca a Santiago Freire, ex-alcalde de Noia, como director territorial de Educación na Coruña. Freire foi denunciado en novembro por gastos de fondos públicos en restaurantes. Na imaxe, do PPdeG, Freire, segundo pola esquerda, con Rueda.

• HEMEROTECA | As facturas do PP de Noia: miles de euros en xantares e copas que "chaman a atención" mesmo a Rueda

Trump redobra as ameazas a Cuba, que sofre outro apagamento masivo mentres os EUA intensifican o seu bloqueo enerxético á illa. O presidente estadounidense di crer que vai "ter a honra de tomar Cuba dalgún xeito" e que pode facer alí "o que queira". Este xoves o Ministerio de Relacións Exteriores de Cuba confirmou que o Goberno de España enviará "unha carga de axuda que inclúe alimentos, artigos de hixiene e placas fotovoltaicas". Na imaxe, operarios nunha liña eléctrica cubana, nunha imaxe de arquivo [© David Díaz Abella / Goberno de Cuba]

Persoal médico de atención primaria péchase nun centro de saúde en Vigo para "exixir" á Xunta que "negocie o fin da folga" nos centros de saúde e nos PAC. Os profesionais manteñen un "peche indefinido" no Olimpia Valencia da cidade olívica ata que o Sergas "acepte unha negociación seria e respectuosa" co comité de folga, segundo advirte o sindicato O'Mega. 

CIG-Ensino, STEG e as Asembleas Abertas do Ensino Público convocan unha nova xornada de folga na educación para o vindeiro 28 de abril. O paro xorde do "acordo de acción conxunta de vontade unitaria" entre os dous sindicatos e o movemento asembleario de docentes e para a "recuperación dos dereitos" que o profesorado tiña antes da crise e a "mellora das condicións de traballo". 

• Profesorado organízase en asembleas "para mellorar o ensino público"

Dúas folgas médicas e a negativa a facer peonadas agudizan este luns os problemas na sanidade galega. O Sergas cifra en case o 22% o seguimento nos hospitais galegos da folga médica contra o Estatuto Marco, que coincide ao que mantén O'Mega na atención primaria, onde ten un apoio do 4,4%. Ademais, ducias de médicos anunciaron que este luns deixarían de facer actividade extraordinaria fóra do horario, o que agravaría as listas de espera. Foto: O'Mega. 

• O "grande impacto" das folgas e do 'non' ás 'peonadas" pon o Sergas en alerta