Fálase

🇵🇸Múltiplos concellos acollen este venres concentracións de condena ao xenocidio en Gaza respondendo á convocatoria da Fegamp para amosar rexeitamento dende os gobernos locais e provinciais "á ofensiva militar e o mantemento do bloqueo humanitario executado polo goberno de Israel contra o pobo palestino". A asociación municipalista convida a acompañar estes actos "coa lectura de textos nos que se demande que o goberno israelí cese os ataques e a ocupación militar contra a poboación palestina de Gaza". Na imaxe, pancarta contra o xenocidio no Concello do Rosal.

• A comisión de investigación da ONU conclúe que "Israel é responsable de cometer un xenocidio en Gaza"
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"

Un incendio no Bolo obriga a activar situación 2 de emerxencia pola proximidade do lume ás casas en Santa Cruz. Segundo Medio Rural, o foco é dunhas 20 hectáreas. Mentres, o incendio de Pantón -na imaxe-, iniciado este xoves, segue activo e chega ás 100. [Imaxe: Brif Laza]

• O 11% da superficie da Rede Natura foi arrasada polos incendios de agosto en Galicia
• A Xunta ten aparcada hai cinco anos unha nova lei contra incendios
• Seguen graves os bombeiros forestais feridos no incendio que aínda arde en Barreiros

🔥 Activo un incendio forestal na parroquia de Pombeiro, no concello de Pantón (Lugo), que obriga a decretar a Situación 2 de emerxencia pola proximidade do lume ao núcleo de poboación de Lornís. Medio Rural informa de que o incendio comezou ás 14.16 horas deste xoves e "segundo as primeiras estimacións provisionais afecta unha superficie de 20 hectáreas". Mobilizáronse, segundo traslada a Xunta, "tres técnicos, nove axentes, doce brigadas, dez motobombas, dous PAS, oito helicópteros e oito avións". Foto: ATBrif.

👉🏻 O 11% da superficie da Rede Natura foi arrasada polos incendios de agosto en Galicia

👉🏻 A Xunta ten aparcada hai cinco anos unha nova lei contra incendios

👉🏻 Seguen graves os bombeiros forestais feridos no incendio que aínda arde en Barreiros

Un roteiro na Coruña celebrará este venres a dedicatoria dunha rúa aos Diplomáticos. Un percorrido "celebración" entre Monte Alto e o barrio da Pescaría, organizado pola asociación cultural Alexandre Bóveda e guiado por Xurxo Souto, reivindicará o "legado artístico, arraigamento na cidade e conexión coa cidadanía" da banda coruñesa. 

• A Coruña aproba homenaxear os Diplomáticos de Monte Alto coa rúa que honrou a un alcalde franquista

🇵🇸 Ana Peleteiro reclama que o atletismo non "permaneza en silencio" ante o xenocidio do pobo palestino. A atleta ribeirense manifesta a súa "profunda decepción" co "silencio" que se está a producir no Campionato do Mundo de Atletismo, un deporte que "ten a capacidade de inspirar a millóns de persoas", a respecto da "violencia e as violacións de dereitos humanos" que se están a producir na Franxa de Gaza por parte do Estado de Israel. Peleteiro chama aos seus compañeiros e compañeiras, así como ás "institucións que nos representan", a "erguer a voz". "O silencio non pode ser unha opción cando se trata de vidas humanas", conclúe. 

👉🏻 As masivas protestas contra o equipo Israel obrigan a recortar o final de etapa da Vuelta

HEMEROTECA | "Se vos identificades con estes sinais, saíde correndo": Ana Peleteiro comparte a violencia machista que sufriu

HEMEROTECA | Ana Peleteiro entra en escena co obxectivo de acadar outra medalla

🇵🇸O Fiscal Xeral do Estado autoriza investigar os crimes de Israel en Gaza. Álvaro García Ortiz atende a petición da Fiscalía de Dereitos Humanos e Memoria Democrática e ordena ao Ministerio Público na Audiencia Nacional a apertura das correspondentes dilixencias, segundo adianta a Cadena SER.

• A comisión de investigación da ONU conclúe que "Israel é responsable de cometer un xenocidio en Gaza"
• "Hai ferramentas para deter violacións de dereitos. Fíxose con Rusia e non vexo por que non se podería facer con Israel"
• "De Gaza non se pode escapar, está pechada a cal e canto por Israel"
• Rueda evita chamar xenocidio ao que pasa en Gaza: "Unha auténtica salvaxada que ten que parar canto antes"

Amnistía Internacional publica unha lista de empresas que "contribúen á ocupación ilegal, ao xenocidio e a outros crimes de dereito internacional en Israel". Entre elas está a empresa vasca CAF, xunto a Boeing, Hyundai, Booking.com ou TripAdvisor. Foto: © Al-Jazeera.

A Comisión Antiviolencia propón sancionar 17 cidadáns polo incidentes nas etapas 12, 14 e 15 de La Vuelta, esta última entre A Veiga e Monforte de Lemos e as dúas primeiras en Cantabria e Asturias. As multas oscilan entre os 3.000 e os 4.000 euros así como a prohibición de acceso a eventos deportivos durante seis meses. As reunións da comisión son quincenais e o comunicado divulgado polo Ministerio de Interior non di aínda nada dos incidentes ocorridos na última semana da Vuelta, como os da etapa 16, con final en Mos que tivo que recortarse.

• Bandeiras palestinas e varias detencións reciben en Monforte unha 'Vuelta' convertida en protesta contra Israel
• As masivas protestas contra o equipo Israel obrigan a recortar o final de etapa da Vuelta

David Chipperfield ingresa na Real Academia Galega de Ciencias cun discurso centrado na procura do equilibrio entre o desenvolvemento e a protección, o camiño a seguir segundo o arquitecto británico posto que a crise medioambiental "nos obriga a reconsiderar a forma na que vivimos". Chipperfield valorou que Galicia ten "unha grande oportunidade para alcanzar os obxectivos de sostenibilidade máis facilmente" e animou a comunidade científica a involucrarse na "revitalización" do rural, co apoio a iniciativas locais a través do que chamou "entidades facilitadoras", como a Fundación RIA, que ten a súa sede en Santiago.

👉🏻 HEMEROTECA | Fundación RIA, a iniciativa do Premio Pritzker David Chipperfield para redeseñar o modelo territorial de Galicia

👉🏻 HEMEROTECA | A Pobra quere abrazar o mar: lanza un concurso de ideas para transformar a súa fachada litoral

Pedro Sánchez anuncia unha lei que obrigará a baixar o número de alumnado por clase e as horas lectivas do profesorado. O presidente do Goberno de España promete tamén a redución da carga burocrática nos centros durante a visita a unha escola infantil en Getafe. Foto: © Borja Puig de la Bellacasa