Fálase

Máis dun cento de centros educativos de Galicia e do norte de Portugal celebran o Día da Radio con Ponte nas Ondas. Arredor de 2.000 estudantes realizaron unhas 15 horas de radio dende diferentes centros de ensino e emisoras; estudios das universidades de Santiago, Vigo e do Minho (Braga) e varios colexios ou instalacións das radios locais de Caminha, Tui, A Estrada, Fene, Burela ou As Nogais acolleron as emisións dos traballos, que se recompilan no portal de Escolas nas Ondas. Na imaxe, escolares na actividade de Ponte nas Ondas na Facultade de Ciencias da Comunicación da USC, este 13 de febreiro.

• Artistas da lusofonía celebran nun videoclip o recoñecemento de Ponte nas Ondas pola UNESCO
• A UNESCO recoñece a irmandade galego-portuguesa de Ponte nas Ondas! como exemplo de boas prácticas

Rueda afirma dende a Feira do Cocido de Lalín que a manifestación de SOS Sanidade Pública foi un intento de "crispar" que ve "clarisimamente" ligado ás vindeiras eleccións municipais. Como en días anteriores, o presidente da Xunta asegurou "respectar" a quen "pide melloras para a sanidade", pero coida que a mobilización ten de fondo motivos non ligados á cuestión.

• 📺 Unha masiva manifestación reclama "un cambio urxente" na política sanitaria da Xunta
• CRÓNICA | Unha manifestación política

Comeza nestes momentos en Compostela a manifestación convocada por SOS Sanidade Pública en defensa da Atención Primaria e do sistema sanitario público. Toda a información, este mediodía en Praza.gal

• 15 gráficos para entender a situación da sanidade galega
• "Falta de recursos" e un "sistema obsoleto": os motivos de SOS Sanidade Pública para volverse manifestar

La Voz de Galicia publica unha nova entrega da súa sondaxe para as eleccións municipais de maio nas sete cidades galegas, con poucos cambios en relación á publicada en decembro. Mentres que os triunfos do PSdeG en Vigo, A Coruña e Compostela e do BNG en Pontevedra semellan claros, o PP podería facerse coa Alcaldía de Ferrol de forma axustada, cunha grande igualdade tamén en Lugo, con maioría para a esquerda. En Ourense, PP e PSdeG presentan un empate técnico

Luís Zahera gaña o Goya ao mellor actor de reparto por As Bestas. É o segundo Goya que obtén o actor compostelán, despois do que recibiu en 2019 por El Reino. 

• VINTE | Luis Zahera nunha ducia de personaxes
• 'As Bestas' lidera os finalistas aos Goya, con opcións para Tosar, Gutiérrez, Zahera e Anido e a animación galega

Un día antes da manifestación pola sanidade pública convocada para este domingo en Compostela, o presidente da Xunta, Alfonso Rueda destacou "o importante esforzo económico e organizativo do Goberno galego" e "o indispensable papel dos médicos" para "consolidar e seguir mellorando o magnífico nivel da sanidade pública galega en todos os eidos”

• Catro visitas de conselleiros a obras en centros de saúde a dous días da manifestación pola sanidade pública

A celebración do Día dos Medios en Galego culminou este xoves co concerto de Ortiga e Grande Amore na compostelá Sala Capitol, organizado pola Asociación de Medios en Galego e con todos os convites esgotados. Vídeo elaborado pola AMEGA, da que Praza.gal é membro.

• Ortiga e Grande Amore poñen música aos medios en galego
• ENTREVISTA | Nuno Pico, Grande Amore: "O que hai son cancións que están ben e cancións que non o están, non se trata de se son letras políticas ou non"
• ENTREVISTA | Cibrán e Chicho (Ortiga), Boyanka Kostova: "Non nos gusta dar discursos. Se alguén quere ir a un mitin pode ir ver un partido político"

A xuíza envía a prisión provisional, comunicada e sen fianza á ex-parella de Beatriz Lijó como acusado de matala. Atribúelle un delito de asasinato ou homicidio no ámbito da violencia de xénero -a determinar durante a instrución, especifican fontes xudiciais-. Durante toda a tramitación da causa quédalle prohibido "comunicarse por calquera medio e aproximarse a menos de 500 metros" dos fillos de ambos, ante os que presuntamente cometeu o asasinato. Na imaxe, concentración en repulsa do asasinato de Beatriz e en condena da violencia machista, en Vigo este pasado mércores.

• Asasinada unha muller de 47 anos en Baiona e detido un home do que fora parella acusado do crime machista
• Un de cada cinco agresores machistas detectados en 2022 tiña antecedentes con outras parellas

O presidente da patronal CEOE, Antonio Garamendi, deixa de ser autónomo e pasa a ter un contrato de alta dirección por uns 400.000 euros anuais, segundo unha información publicada este xoves por El País e confirmada pola propia entidade empresarial, que pide "respecto" ás súas decisións sobre a cuestión. Garamendi, que vén de ser reelixido, está no posto dende 2018 e durante todo o primeiro mandato exerceu como autónomo na CEOE. Na imaxe, Garamendi intervindo nunha asemblea da Asociación de Trabajadores Autónomos (ATA) [© CEOE]

• HEMEROTECA | Coren integrará no seu cadro de persoal 1.350 falsos autónomos grazas ás denuncias sindicais

O Constitucional avala a lei do aborto do Goberno de Zapatero e rexeita o recurso que interpuxo o PP hai doce anos. Informa infoLibre. O aval do tribunal de garantías chega na recta final da tramitación da nova lei de saúde sexual, que tamén atinxe ao dereito á interrupción voluntaria do embarazo e que vén de recibir luz verde do Senado.

• Feijóo foi pioneiro en protexer por lei as teses antiabortistas: 13 anos de abeiro da Xunta á 'Red Madre'
• Saúde menstrual, interrupción do embarazo e violencias reprodutivas: as claves da nova lei de saúde sexual
• HEMEROTECA | Foi "unilateral" e "imposta" a lei do aborto de 2010?