Fálase

Zapatero, tras comparecer ante o xuíz: "Acúsanme de moi graves delitos que non cometín". O ex-presidente do Goberno de España finaliza a súa primeira declaración como investigado ante o xuíz Calama da Audiencia Nacional e fai público un comunicado no que sostén que "sempre" actuou "con decencia e honradez" e "agora teño por diante a tarefa de demostralo". Pide tamén "confianza" á cidadanía porque non vai "decepcionar" e explica que presentou voluntariamente "unha autorización universal para que poida constatarse a inexistencia de sociedades, cartos, produtos financeiros ou calquera activo con titularidade miña directa ou indirectamente", porque "non teño nada fóra de España".

• AMPLIAMOS 👉 Zapatero nega que influíse no rescate de Plus Ultra e defende a súa inocencia: "Non teño nada fóra de España"
• HEMEROTECA | Os retos do caso contra Zapatero: probar xestións coa SEPI, Facenda ou o Goberno para Plus Ultra
• HEMEROTECA | O xuíz acusa a Zapatero de ser xefe na sombra dunha rede empresarial corrupta

O xuíz Calama da Audiencia Nacional interroga este mércores a Zapatero como investigado por tráfico de influencias e branqueo de capitais no caso Plus Ultra, operación a partir da cal abriu outra peza separada por fraude fiscal e contrabando a conta das xoias achadas nun rexistro na oficina do ex-presidente socialista do Goberno de España, que tamén será cuestionado ao respecto. O maxistrado reserva as xornadas de hoxe e mañá para a toma desta declaración, cuxo impacto político transcende a propia figura do antigo dirixente.

• HEMEROTECA | Os retos do caso contra Zapatero: probar xestións coa SEPI, Facenda ou o Goberno para Plus Ultra
• HEMEROTECA | O xuíz acusa a Zapatero de ser xefe na sombra dunha rede empresarial corrupta

Sétima xornada de folga no metal da Coruña contra o "secuestro patronal do convenio". Os sindicatos falan dun seguimento "masivo" e advirten da "intensificación" das mobilizacións polo bloqueo da negociación por parte do empresariado. O paro, convocado por CIG, CCOO e UGT, continuará este martes 17 de xuño. Foto: CC-BY-NC-SA CIG.

• O metal corta a principal entrada á Coruña cunha gran marcha en demanda dun "convenio digno"

Un disparo da Policía mata un veciño de Cambados ao irromper na súa casa nunha operación contra o narcotráfico. O hospital do Salnés confirmou o falecemento do home, cuxo avogado asegura que o acontecido non foi un tiroteo, xa que o seu cliente carecía de armas, polo que o único disparo foi o policial. A Garda Civil investiga como homicidio uns feitos acontecidos durante unha operación lanzada polos xulgados de Vilagarcía na que, segundo confirma o TSXG, foron detidas 12 persoas. Na imaxe, de arquivo, un vehículo da Policía Nacional.

Festa rachada en Burela polo empate 0-0 de Cabo Verde ante España no comezo do Mundial de fútbol. O histórico encontro foi seguido na vila mariñá na rúa e con ambiente de celebración no marco do festival De Cabo a Cabo, impulsado polo Concello e a Deputación de Lugo para "reivindicar a multiculturalidade" do concello, onde arredor da décima parte da veciñanza ten orixes caboverdianas. Na imaxe, afección de ambos conxuntos seguindo o partido e a alcaldesa e presidenta da Deputación, Carmela López, durante a celebración. [CC BY SA Praza.gal / Deputación de Lugo]

• España-Cabo Verde: Burela aproveita un partido histórico para "reivindicar a multiculturalidade"

En 2027 serán días festivos de ámbito galego o 19 de marzo (San Xosé) e o 17 de maio (Día das Letras Galegas). O Consello da Xunta decide pasar a eses días dous festivos estatais que coincidirán en domingo.

• Aprobadas datas e vacacións do curso 26-27: calendario do 9 de setembro ao 21 de xuño

Os Estados Unidos e Irán anuncian un cesamento do fogo. O secretario xeral da ONU, António Guterres, traslada os seus parabéns por implicar o acordo un "inmediato e permanente" cesamento dos ataques e a reapertura do Estreito de Ormuz, así como un "marco de traballo para futuras negociacións". Na imaxe, unha bandeira de Irán entre os cascallos despois dun bombareo [© Araghchi]

• HEMEROTECA (abril) | Dúas semanas de paz en Irán: cesamento do fogo e apertura 'controlada' do Estreito de Ormuz
• HEMEROTECA | A guerra de Trump ameaza de novo o poder adquisitivo da poboación
• HEMEROTECA | "Europa teme enfrontarse a Trump pero non quere acompañar unha guerra que considera ilexítima"

O DOG publica este luns o calendario escolar do curso 26-27. Nesta peza interactiva podes consultar todas as datas do próximo período académico, do 9 de setembro ao 21 de xuño.

• Aprobadas datas e vacacións do curso 26-27: calendario do 9 de setembro ao 21 de xuño

O incendio de Padrón xa queimou unhas 350 hectáreas e outro en Boborás iniciado no serán do sábado atinxe unhas 50, segundo Medio Rural. Que a Xunta informe só destes dous focos non implica necesariamente que sexan os únicos, dada a política informativa pola que evita revelar detalles dos inferiores a 20 hectáreas ou que non afecten a áreas poboadas ou protexidas. Na imaxe, o incendio de Boborás, tomada por membros da Brif de Laza a primeiras horas da tarde deste domingo.

• HEMEROTECA | Todos os incendios de 2025 en Galicia: liberamos os datos
• HEMEROTECA | Tres de cada dez incendios en Galicia comezaron de noite durante 2025

Sanidade desactiva as alertas pola calor. A Xunta sinala que os datos de MeteoGalicia e os indicadores de impacto da calor na saúde do Ministerio de Sanidade indican que este domingo "as temperaturas, aínda que altas, volven ser as habituais para esta época do ano". Tras un sábado de récords parte do país aínda volveu sufrir o fenómeno da chamada "noite tropical", con mínimas que non baixaron de 20 graos en puntos como A Coruña ou Vigo. Na imaxe, mapa de MeteoGalicia coas temperaturas mínimas da pasada noite.

• O risco da calor para a saúde pon máis de 80 concellos en alerta
• O cambio climático trae a Galicia as 'noites tropicais' asociadas a mal durmir e problemas de saúde
• Á espera dos vindeiros récords de temperatura: a síndrome da ra posta a ferver