A Audiencia Nacional autoriza que Alu Ibérica entre en concurso de acredores como "única vía" para protexer o persoal das factorías da Coruña e Avilés. A xuíza decidira o pasado mes de maio a intervención xudicial das fábricas ante a "evidencia" do "baleirado económico" das fábricas.
Fálase
Decenas de persoas percorren o centro de Vigo en defensa do sector da construción naval convocadas pola CIG. "Salvemos o naval. Polo futuro industrial da comarca de Vigo" é o lema desta nova reivindicación da central sindical, que reclama a intervención pública "como única solución para manter este sector chave". [Imaxe © CIG Vigo]
O Tribunal Supremo acaba coa inmersión na escola catalá ao confirmar o 25% de lingua castelá nas aulas e rexeitar o recurso do Govern.
O Parlamento aproba por unanimidade incluír a violencia dixital na Lei galega para a prevención e o tratamento integral da violencia de xénero. Unha proposta do PP, apoiada por BNG e PSdeG, que agora terá que verse reflexada nunha modificación do Código Penal do Estado co fin de perseguir esta clase de delitos, e que supón a segunda modificación da lei de 2007 neste ano, despois de incluír a violencia vicaria dentro das violencias machistas. Por unha emenda do BNG aprobada no pleno [na imaxe © Parlamento de Galicia], o texto lexislativo incluirá unha mención específica ao caso das gravacións de mulleres na Maruxaina difundidas en webs pornográficas.
O Goberno de España garante o apoio de ERC aos Orzamentos ao pactar un mínimo de produción en galego, catalán e vasco na lei audiovisual e a súa presenza en plataformas de streaming.
O BNG absterase na votación definitiva dos Orzamentos Xerais do Estado para 2022. O deputado do Bloque no Congreso, Néstor Rego, cualifica de "decepcionante" o resultado das negociacións co Goberno do PSOE e UP a respecto das súas emendas. "Faltou vontade", sinala o nacionalista, quen resalta que a intervención estatal da factoría de Alcoa na Mariña sería dabondo para decantar o seu voto cara ao "si".
Os votos do PP frean as emendas á totalidade de BNG e PSdeG aos Orzamentos Xerais da Xunta para 2022 e mais á a lei de acompañamento das contas, que inclúe a mudanza dun golpe de ata 27 leis, tres aprobadas este mesmo ano.
Renfe porá mañá, 23 de novembro, á venda os billetes do AVE á Meseta, que entrará en servizo o 21 de decembro. Así o vén de confirmar a ministra de Transportes, Raquel Sánchez, na viaxe de probas que realiza este luns no último treito da liña. [Imaxe: Praza.gal]
O Parlamento debate hoxe as emendas á totalidade dos Orzamentos da Xunta para 2022 formuladas por BNG e PSdeG. Nesta ligazón pódese seguir a sesión ao vivo e nestoutra, recuperar todas as informacións de Praza.gal a respecto das contas públicas galegas para o ano vindeiro.
O programa Salvados (La Sexta) abordou este domingo a situación de Ence na ría de Pontevedra tras as sentenzas da Audiencia Nacional que anularon a prórroga outorgada á pasteira polo Goberno de Rajoy ata 2073, así como as posturas enfrontadas sobre a súa permanencia na ría e a historia política e económica que acompaña á compañía. O espazo que conduce o xornalista galego Fernando González Gonzo contou con intervencións como as da activista Leonor González Nené (APDR), o alcalde de Pontevedra, o presidente da Xunta ou o director de Praza.gal, David Lombao