Fálase

Falece o histórico sindicalista e traballador do metal Antolín Alcántara. A CIG despide con "fondo pesar" a quen "foi unha das figuras máis destacadas do sindicalismo nacionalista galego das últimas décadas e un referente humano, político e sindical para varias xeracións de militantes e traballadores e traballadoras". "Foi un compañeiro profundamente humano, solidario e comprometido con todas as causas xustas", salienta a central sindical, que informa da celebración dun acto de despedida este venres, día 29, ás 12h30 no tanatorio vigués de Pereiró. [Imaxe: CIG]

A Audiencia Nacional especifica que "requiriu documentación" este mércores ao PSOE "no marco da investigación sobre unha presunta trama para desestabilizar procedementos xudiciais contra o partido ou o Goberno". Nun comunicado indica que o procedemento, instruído polo maxistrado Santiago Pedraz, se dirixe contra Santos Cerdán, ex-secretario de organización do PSOE, a ex-militante Leire Díez, o que fora vicepresidente da Junta de Andalucía Gaspar Zarrías, un empresario, un garda civil e dous avogados. Atribúelles posibles "delitos de organización criminal, suborno, revelación de segredos, indución ao falso testemuño, acusación falsa, falsidade en documento mercantil, prevaricación, tráfico de influencias e contra as institucións do Estado.

Sinala, asemade, "indicios" contra Juan Manuel Serrano, ex-presidente de Correos, o deputado socialista Juan Francisco Serrano e a xerente da secretaría de organización do partido, Ana Fuentes. Na imaxe, a sede da Audiencia Nacional, na madrileña rúa de Génova [© Poder Xudicial]

• AMPLIAMOS 👉 O xuíz Pedraz investiga unha trama liderada por Cerdán e Leire Díez contra Anticorrupción e a UCO
• HEMEROTECA | Sánchez supera o punto máis crítico con apoio condicionado dos socios da investidura

Pedro Sánchez reafirma o seu apoio a Zapatero: "Non hai motivos para cambiar de posición" tras ler o sumario do caso en que está investigado, resalta o presidente do Goberno de España. A respecto dos requirimentos de información da Garda Civil na sede do PSOE este mércores brinda "total colaboración" e afirma que "se hai comportamentos irregulares novos, actuaremos coa mesma contundencia" que en anteriores ocasións con membros do partido investidos pola Xustiza. Sobre un eventual adianto das eleccións xerais, o líder socialista reafírmase na continuidade da lexislatura ata a súa fin en 2027 en aras da "estabilidade" e de "culminar proxectos moi importantes".

Sánchez respondeu ao respecto en conferencia de prensa en Roma tras reunirse co papa en Roma, a quen enxalza como "compás moral na loita contra a inxustiza" en vésperas da visita de León XIV a España.

• León XIV esixe regular a IA para frear o poder dos 'tecnobros' e defender a democracia
• Os retos do caso contra Zapatero: probar xestións coa SEPI, Facenda ou o Goberno para Plus Ultra
• HEMEROTECA | Sánchez supera o punto máis crítico con apoio condicionado dos socios da investidura

A Garda Civil entra na sede do PSOE para requirir documentación sobre posibles pagamentos do partido no marco do caso que envolve a ex-militante Leire Díez. Axentes da Unidade Central Operativa (UCO) entraron a primeira hora da mañá nas oficinas rúa Ferraz de Madrid. [Foto: PSOE]

MeteoGalicia advirte de temperaturas na contorna dos 30 graos en todo o país para este 27 de maio, con máis de 34 en puntos das provincias de Lugo e Ourense e no Baixo Miño, onde están activos avisos amarelos pola calor para esta tarde. A previsión completa, no web de MeteoGalicia.

• AMPLIAMOS 👉 Verán cada vez máis adiantado: as temperaturas máximas, preto do récord nun mes de maio
• HEMEROTECA | A crise climática en Galicia: os catro últimos anos xa son os máis cálidos da serie histórica
• HEMEROTECA | "28 graos en Galicia poden ser peores para a saúde que 37 en Andalucía": a calor xa é un risco vital
• HEMEROTECA | Confirmado: o cambio climático intensificou as últimas chuvias torrenciais en Galicia

Unha nova xornada de folga no metal da provincia da Coruña manteán a actividade do sector "practicamente paralizada". Os sindicatos convocantes, CIG, CCOO e UGT, reclaman un "convenio digno" e aseguran que o seguimento do paro, que segue mañá mércores, é "superior ao da pasada semana". Foto: CC-BY-NC-SA CIG. 

• Folga, polígonos sen actividade e presión: o metal volve amosar a súa forza en Galicia

Sindicatos da policía nacional, co apoio do PP local, maniféstanse contra Inés Rey tras as críticas da alcaldesa da Coruña á actuación policial en Riazor na previa do partido entre Deportivo e Andorra. A rexedora pediu "explicacións" ao Goberno de España polos controis de alcoholemia e polo dispositivo no recibimento do equipo branquiazul. 

• A alcaldesa da Coruña pide "explicacións" ao Estado pola actuación policial en Riazor: "Sobrepasáronse límites"

Milleiros de persoas celebran na Praza de María Pita da Coruña o ascenso do Dépor a Primeira. Xogadores e equipo técnico participaron na recepción institucional no Concello.

• Volve #onosoderbi: o Dépor regresa a Primeira, onde o agarda un Celta asentado na elite
• O Dépor voa á Primeira

O papa insta a que a intelixencia artificial "sirva á humanidade e non ao poder duns poucos" na súa primeira encíclica. No documento Magnifica humanitas, "sobre a custodia da persoa humana na era da intelixencia artificial", León XIV, apela á doutrina social da Igrexa e lanza alertas coma o "risco do control social derivado da recompilación masiva de datos e do uso de sistemas algorítmicos" no que considera unha "nova faceta do colonialismo, que se apropia dos datos e transforma as vidas persoais en información explotable". Entre outros aspectos, o Pontífice clama asemade contra as guerras en marcha, defende o papel da ONU e pide "superar o PIB como parámetro do grao de desenvolvemento dun país, apostando no seu lugar pola dignidade do traballo, a prosperidade compartida, a redución das desigualdades e a protección do medio ambiente". Na imaxe [© Vatican Media], o papa asinando a encíclica.

• AMPLIAMOS 👉 León XIV esixe regular a IA para frear o poder dos 'tecnobros' e defender a democracia
• HEMEROTECA | Palantir e a súa folla de ruta tecnofascista: vixilancia, militarización e poder duro
• HEMEROTECA | Elon Musk lánzase pola rede dixital europea sen que a UE teña regulación ou opción pública para defenderse
• HEMEROTECA | Musk, Telegram e a internacional ultra lánzanse contra Pedro Sánchez 

Abel Caballero anuncia a inminente reforma da tribuna de Balaídos para poder acoller o Mundial e o pleno do Concello de Vigo pide a Xunta e Deputación que cofinancien a obra. O alcalde asegura que os traballos comezarán dentro dunha semana. 

• Exención fiscal e elevado gasto: as exixencias da FIFA fan que Euskadi tamén medite renunciar ao Mundial
• Galicia, sen Mundial polo momento e con Vigo á espera