Fálase

Adxudicado o estudo de viabilidade dunha conexión ferroviaria entre Lugo e Santiago. Tras a súa paralización polo recurso dunha consultora, o traballo é encomendado polo Ministerio de Transportes á unión temporal de empresas Fulcrum Lugo y Santiago de Compostela por 357.857 euros e ano e medio de prazo de execución. O ministro Óscar Puente encadra o contrato no "impulso do tren e as estacións en Galicia". Na imaxe, vía férrea de Lugo á Coruña ao seu paso por Parga (Guitiriz) [CC BY-NC-SA Praza.gal]

• HEMEROTECA | O estudo para unha liña de tren Lugo-Santiago reactívase tras dous meses parado polo recurso dunha consultora
• HEMEROTECA | O tren Lugo-Santiago pasa de proposta política a estudo técnico aínda lonxe de ser real
• HEMEROTECA | O ministerio abre a porta a unha liña de tren máis "directa" Lugo-Santiago sen pasar por Curtis

A saúde do Papa Francisco empeora. Sofre unha pneumonía bilateral que se suma á bronquite que padece desde hai días e que o mantén ingresado nun hospital. As novas probas confirman o "cadro complexo" de Bergoglio. Foto: CC-BY-SA Long Thiên

O PSOE expulsa definitivamente catro dos seus concelleiros en Santiago. Ferraz ratifica a marcha de Gonzalo Muíños, Mercedes Rosón, Mila Castro e Marta Álvarez do partido, que negou a ampliación do prazo para alegacións, segundo informa Radio Galicia. 

• AMPLIAMOS 👉 O PSdeG abócase a ficar con dous edís en Santiago e os expulsados van "esgotar todas as vías"

O espectáculo musical Mar Adentro, de Daniel Pereira Cristo coa colaboración de Xabier Díaz, abre o programa de Viana do Castelo como Capital da Cultura do Eixo Atlántico. Na cerimonia inaugural o presidente da Câmara Municipal de Viana do Castelo e actualmente tamén presidente do Eixo, Luís Nobre, recolleu simbolicamente o testemuño de Paula Alvarellos, alcaldesa dede Lugo, que exerceu esta capitalidade en 2023. O programa esténdese durante todo o ano e inclúe teatro, cinema, concertos, festivais de arte urbana, exposicións, actividades infantís e certames gastronómicos. Pódese consultar nesta ligazón [📸Américo Dias / Câmara Municipal de Viana do Castelo]

• HEMEROTECA | Rachar coa mirada "fatalista" do rural despoboado: o Eixo Atlántico propón estratexias de Lugo a Mirandela
• GUÍA EN LIÑA | Que facer no Eixo Atlántico

Macron cita este luns en París os mandatarios de oito Estados europeos, entre eles Pedro Sánchez, e a cúpula da UE para abordaren os plans de Donald Trump e Vladimir Putin sobre Ucraína. Ao encontro asistirán, ademais do presidente francés e o xefe do Executivo español, o alemán Olaf Scholz, o británico Keir Starmer, a italiana Giorgia Meloni, o polaco Donald Tusk, o neerlandés Dick Schoof  e a danesa Mette Frederiksen, ademais da presidenta da Comisión Europea, Ursula von der Leyen e o presidente do Consello Europeo, António Costa. Na imaxe, Macron con Sánchez e Costa, nunha xuntanza en Bruxelas en 2022 [© Pool Moncloa/Diego del Monte]

• En infoLibre | Sánchez ve en Trump o revulsivo que estaba buscando para recuperar terreo fronte ao PP e Vox
• HEMEROTECA | "As fracturas na UE veranse agravadas con Trump, dando pulo ao populismo ultraconservador"

Queremos Galego concéntrase na Praza do Obradoiro unha semana antes da manifestación convocada baixo o lema Lingua vital xa! para o vindeiro domingo, 23 de febreiro, coincidindo co Día de Rosalía de Castro. [📸 Óscar Antón Pérez García]

• +INFO👉🏻 Son Goku inspira a Queremos Galego: á rúa o 23F por unha "lingua vital"

A Consellería do Mar e a Universidade de Santiago de Compostela van analizar o impacto que tería unha redución da presión impositiva sobre as preferencias das persoas no consumo de peixe e marisco. Asinan un convenio financiado en parte polo Fondo Europeo Marítimo, de Pesca e de Acuicultura para a creación dun modelo que permita mellorar as análises e medición de impactos asociados a cambios nos impostos, como pode ser o IVE, ou nas preferencias dos consumidores. Un estudo e que serviría de base á modelización dunha campaña de promoción do consumo de peixe que estimule a demanda. [📸 CC-BY-SA USC]

• De 700 toneladas ao ano de berberecho a 20: a crise marisqueira na ría de Arousa non cesa
• As mariscadoras vense "abandonadas" pola Xunta e reclaman axudas pero non "propaganda"

Veciñanza de Ribeira mobilízase coa Plataforma en defensa da sanidade pública da comarca da Barbanza para reclamar a cobertura "inmediata e permanente" das dúas prazas de Medicina de Familia vacantes no centro de saúde de Aguiño. Este sábado saíron á rúa para solicitar á Consellería de Sanidade, como veñen facendo cada semana dende hai meses, "máis profesionais, máis medios e máis compromiso coa atención primaria", e que cesen o "desleixo" e os "recortes". "Non queremos máis solucións temporais", aseguran no manifesto que leron esta tarde.

O PPdeG celebra o primeiro aniversario da vitoria electoral do 18F. "É un orgullo suceder o primeiro presidente elixido democraticamente", asegurou Alfonso Rueda en referencia a Xerardo Fernández Albor. O presidente da Xunta e do PPdeG reivindicou a "memoria inmensa" de Manuel Fraga e desfíxose en loas para Alberto Núñez Feijóo.

"Rueda foi a persoa axeitada no momento axeitado", recoñeceu Feijóo, mentres que o presidente da Xunta celebrou como o actual líder do PP estatal "deixou feita a súa sucesión" en Galicia. "Os presidentes do PP contamos as maiorías de catro en catro en Galicia, acompañarémoste nas seguintes", incidiu Feijóo nun discurso en castelán no que tamén fixo apreciacións como que "os galegos sempre din o que queren, non din depende, din PPdeG e maioría absoluta".

• O PPdeG non se pronuncia sobre a concesión que pide a parella de Feijóo a Costas "como unha cidadá máis"
• O PP secunda a Vox con dous votos galegos para pedir que a lingua galega non sexa oficial na UE 
• Xunta e Parlamento adían desde hai anos dous recoñecementos públicos a Rajoy e Feijóo

"Este País non lle vai perdoar a Rueda a súa deslealdade con Galiza e coa xente: Altri vai ser a tumba do PP", afirmou a portavoz nacional do BNG, Ana Pontón, no Parlamento Aberto organizado polo Bloque este sábado, un foro con expertos e representantes de colectivos afectados. Pontón advertiu que a súa formación non vai permitir "que nos colen como industrialización o que é destrución, contaminación e máis eucaliptización", en referencia ao proxecto de macrocelulosa que Altri pretende instalar na Ulloa "en alianza coa Xunta". 

• Rueda acusa a Pontón de coaccionar funcionarios contra Altri, "franquismo industrial" para o BNG
• O BNG procura os "papeis ocultos" do pacto da Xunta con Altri e o PP amosa un comunicado da empresa