Fálase

Contra a masificación turística, desde o corazón do Nadal vigués. A Plataforma Fronte á Masificación Turística Vigo-Morrazo, integrada por 18 organizacións sociais, organizou este venres unha acción de protesta na Farola de Urzaiz de Vigo para reclamar un ‘Vigo e Morrazo para vivir’ . “Non estamos en contra do Nadal, nin dos dereitos humanos ao lecer e ao descanso. O que rexeitamos é converter o centro da nosa cidade nun parque temático para o turista”, di María Pérez, da Federación Veciñal Eduardo Chao.

• Nace en Vigo unha plataforma contra o impacto do turismo masivo na vivenda, no comercio e no medio ambiente
• Onde está Vigo nas luces de Nadal?
• EN VINTE: Chega o Nadal e prende o frenesí luminoso

O Goberno central convocará as comunidades en xaneiro para negociar a quita da débeda autonómica. Anunciouno este venres Pedro Sánchez na Conferencia de Presidentes, que se celebra en Santander, onde propuxo ás comunidades autónomas un pacto sobre vivenda para "blindar o carácter público e social das vivendas financiadas con recursos públicos", acadar o 20% do parque público de vivenda e reformar a lei do solo.

• HEMEROTECA | Rueda sae da reunión con Sánchez sen quita da débeda galega e coa transferencia "inmediata" do litoral ditada polo Constitucional

A folga de 24 horas na CRTVG afecta a diversos programas da Televisión de Galicia e a Radio Galega. "Malia as 149 persoas en servizos mínimos o paro afecta á programación", resalta o comité intercentros, que expuxo as súas demandas cunha concentración na compostelá Praza do Toural -na imaxe-. Mentres, no Parlamento, o director xeral dos medios públicos, Alfonso Sánchez Izquierdo, liga o comité co BNG e acúsao de propiciar o despedimento de persoal de produtoras privadas que realizan programas para a Televisión de Galicia.

• O PP poderá remudar o director da CRTVG só cos seus votos na primeira metade de 2025
• Unha marcha en defensa da pluralidade dos medios públicos chama a cidadanía a "liberar a CRTVG"

A Galicia deseñada xa é un libro. A viaxe polos símbolos, marcas e a identidade visual do país ao longo da historia que protagonizou en 2022 unha exposición na Universidade da Coruña vira agora nun volume de 700 páxinas "coa vontade de contribuír á creación dunha historiografía do deseño galego". O traballo, que xa está á venda, é obra de Marcos Dopico, Cibrán Rico, Suso Vázquez, conta cun prólogo de Pepe Barro e está coeditado por Fabulatorio e a UDC. [Imaxe: ©Fabulatorio] 

• HEMEROTECA | 'A Galicia deseñada': unha viaxe polos símbolos, marcas e a identidade visual do país ao longo da historia
• REPORTAXE | Outra volta ao deseño desde Galicia: Cenlitros, Desescribir e Novagarda
• Da COTOP á CRTVG: marcas públicas que marchan tras facer país

A estación ferroviaria provisional da Coruña abrirá este sábado, 14 de decembro, e estará operativa ata xuño de 2026. O novo edificio, a uns 350 metros do edificio orixinal funcionará durante as obras de construción da nova terminal intermodal da cidade. A estación provisional foi visitada este xoves por responsables do Adif xunto ao delegado do Goberno de España en Galicia, Pedro Blanco; a alcaldesa da Coruña, Inés Rey, e outros cargos. [Imaxes: Ministerio de Transportes e Concello da Coruña]

• HEMEROTECA | Puente, Calvo... De quen son estes colapsos no transporte?
• HEMEROTECA | Autovía ata Melide este ano e intermodal o vindeiro: os anuncios de Transportes en Lugo alén AP-9
• HEMEROTECA | Máis trens a Madrid e mudanzas moi puntuais de buses, as respostas de Renfe e Xunta á insuficiencia do transporte interurbano
• HEMEROTECA | As estacións intermodais, campo de batalla cara ás eleccións municipais nas cidades

O deputado do PPdeG Raúl Santamaría láiase dos impostos que debe pagar polo premio que conseguiu no concurso televisivo Reacción en cadena como parte do equipo Mozos de Arousa. Nunha entrevista con elDiario.es considera que se ben "é certo que todos temos que contribuír" porque "se supón que os impostos son para unha boa causa", que "Facenda leve a metade dun premio dun concurso paréceme un pouco excesivo". Tras a correspondente tributación queda con máis de 400.000 euros do gañado. Na imaxe, Santamaría durante un vídeo gravado para o programa no hemiciclo do Parlamento que deu lugar a un apercibimento ao PP por parte do presidente da institución, o tamén popular Miguel Santalices: "Non sabía que non se podía e tampouco me dixeron nada dende o partido", alega.

• Santalices apercibe o PP por un vídeo do 'mozo de Arousa' no hemiciclo do Parlamento

Greenpeace planta unha cheminea de cinco metros na sede central da Xunta para "esixir que se paralice o proxecto da celulosa de Altri". En vésperas da mobilización do vindeiro domingo e "ante a falta de reposta do presidente da Xunta a reunirse coa organización", o colectivo ecoloxista bloquea os accesos a San Caetano para reclamar "unha declaración ambiental desfavorable" e animar a acudir á protesta do día 15 en Compostela. [Imaxe: © Greenpeace/Pedro Armestre]

• Un libro de Adega axita a alerta sobre Altri en vésperas doutra protesta contra a súa instalación en Palas
• Organizacións ambientais de todo o mundo esixen á Xunta e ao Goberno de España que rexeiten a fábrica de Altri

Caamaño & Ameixeiras estrean colaboración con Rodrigo Cuevas en Catro cousas. O tema, xa dispoñible en todas as plataformas, "resignifica o pasodobre, recollendo a linguaxe militar e taurino" do xénero para "apropiarse del, reinterpretalo e vestilo de ironía" na que tamén "é unha canción de amor", explican.

• ENTREVISTA | Caamaño & Ameixeiras: "As letras do disco foron creadas nos bares"
• EN VINTE | Rodrigo Cuevas: “O público quere ver a música tradicional ao mesmo nivel que outras músicas contemporáneas”

A USC e o Foro Económico de Galicia homenaxearon a Fernando González Laxe, ex-presidente da Xunta e catedrático emérito da Universidade da Coruña. No acto interviron o presidente e o director do Foro, Emilio Pérez Nieto e Santiago Lago Peñas, a catedrática María X. Rodríguez Galdo e o ex-presidente Emilio Pérez Touriño, ambos compañeiros de González Laxe na universidade.

• HEMEROTECA | Tripartito: trinta e cinco anos da primeira paréntese na Xunta

A folga nos medios públicos leva 31 xornadas impedindo a emisión do programa externalizado O Termómetro da TVG. Este venres as traballadoras e traballadores mobilizados farán un paro de 24 horas para tratar de afectar á programación completa da televisión e da Radio Galega, coincidindo co último programa contratado d'O Termómetro. A folga quedará en suspenso, pendente de reactivación á volta do Nadal, se "a dirección non dá sinais de recuperación da produción propia", manifesta o comité de folga da CRTVG. Ademais, o comité intercentros convoca unha concentración de protesta na compostelá Praza do Toural este venres ás 12h, aberta á cidadanía, "para divulgar nas rúas a grave situación que atravesan os medios públicos". 

• O PP poderá remudar o director da CRTVG só cos seus votos na primeira metade de 2025
• Unha marcha en defensa da pluralidade dos medios públicos chama a cidadanía a "liberar a CRTVG"