Fálase

Falece aos 94 anos Nora Cortiñas, fundadora das Nais da Praza de Maio. O seu fillo, Gustavo Cortiñas, foi secuestrado polos golpistas da Arxentina en 1977 e nunca puido coñecer que aconteceu con el. A coñecida como Norita foi "solidaria con todas as loitas do país e do mundo, soubo conectar coas xeracións mozas, que a recoñecen como exemplo de coherencia e militancia", destacan as Nais da Praza de Maio para despedir a quen tomou o apelido do avó do seu fillo, emigrante galego na Arxentina. [Imaxe: © eldiario.es / Fernando Sánchez]

• HEMEROTECA | Nora Cortiñas: "En democracia a Igrexa non debería poder intervir, e menos para protexer a memoria dos xenocidas"

Donald Trump é declarado culpable de 34 delitos por mercar o silencio dunha actriz porno. A condena non lle impedirá ser candidato en novembro para tentar ser reelixido presidente dos Estados Unidos. [Imaxe: Casa Branca]

Ayuso anuncia que a Xunta recorrerá a Lei de Amnístía no Tribunal Constitucional. A presidenta da Comunidade de Madrid avanzou que todos os gobernos autonómicos do PP formularán cadanseus recursos contra a norma minutos antes de que fose aprobada no Congreso por maioría absoluta e tamén antes de que interviñese no debate Alberto Núñez Feijóo. Na imaxe, a tamén líder do PP madrileño, con Rueda nun mitin en Vigo durante a pasada campaña electoral galega.

• HEMEROTECA | O PP apoia no Congreso restar competencias ao Parlamento galego sobre o Tribunal Superior de Xustiza
• HEMEROTECA | Ayuso sementa o medo ao BNG e pasea “entre eucaliptos” en Vigo

O Congreso dos Deputados aproba definitivamente a Lei de Amnistía e levanta así o veto imposto polo PP no Senado. A votación, realizada mediante o sistema público por chamamento, saíu adiante por maioría absoluta con 177 votos a prol e 172 en contra. Na imaxe [© Congreso], un intre do pleno.

• HEMEROTECA | A amnistía en Catalunya deixa fóra os delitos considerados terrorismo polo dereito europeo
• HEMEROTECA | PSOE e Junts pactan a investidura e a amnistía nun acordo que Feijóo equipara co terrorismo de ETA e co 23-F

Alberto Pazos (PP), Ana Pontón (BNG) e José Ramón Gómez Besteiro (PSdeG) conformarán a delegación do Parlamento que volverá defender no Congreso o 11 de xuño o traspaso da AP-9 a Galicia. Así o vén de aprobar o pleno da Cámara galega. A lei do traspaso tivo que reiniciar o seu percorrido nas Cortes tras caducar por mor das eleccións xerais do pasado ano. Na anterior ocasión a delegación galega estivera conformada por Diego Calvo, Ana Pontón e Gonzalo Caballero.

• HEMEROTECA | O Parlamento insiste coa petición unánime do traspaso da AP-9 frustrado xa dúas veces pola lentitude do Congreso
• HEMEROTECA | A caducidade da lei da AP-9 precipita o récord de catro lexislaturas galegas sen ningunha nova competencia
• HEMEROTECA | O Congreso aproba por ampla maioría volver tramitar a lei para traspasar a AP-9 a Galicia

A Federación Galega de Fútbol asegura prever que a selección feminina tamén volva xogar "antes de que remate o ano". Así o transmitiu á Plataforma Vía Galega, nunha xuntanza na da organización coa entidade federativa ao fío do Galicia - Panamá do vindeiro venres. "Ante a nosa preocupación por non ter fixado ningún partido da selección feminina de fútbol afirmaron que non fora posíbel polo calendario dalgunhas xogadoras, mais comprometéronse a que antes de rematar o ano a nosa selección feminina terá partido internacional", explican. Vía Galega promove unha manifestación pola oficialidade das seleccións galegas antes do partido do venres en Balaídos (18h30, Praza de América) [Imaxe: Vía Galega]

• Das celebridades da "outra Irmandiña" ao himno das Tanxugueiras: o programa da festa da selección
• HEMEROTECA (2016) | Catalunya impón a lóxica na festa do fútbol feminino galego

Rueda dá conta nun foro de La Voz de Galicia patrocinado por Abanca do cumprimento das medidas que prometeu para os primeiros cen días do seu segundo goberno. O presidente da Xunta apela, dous días despois da manifestación contra Altri, a "aproveitar as oportunidades que ofrecen as novas industrias". [Imaxe: Xunta de Galicia]

A nova edición de Acampa Coruña incluirá un memorial en lembranza da infancia asasinada en Gaza, ademais da recreación dun campo de persoas refuxiadas. O encontro internacional, que se celebrará na cidade herculina do 7 ao 9 de xuño, presentou o seu programa, que inclúe un minuto de silencio -o domingo 9 ás 12 nos Xardíns de Méndez Núñez- como repulsa ás accións do exército israelí, que asasinou xa 15 mil nenos e nenas.

9X | A CRTVG emite a partir das 10 desta mañá o seu debate polas eleccións europeas. Nel participan Nicolás González Casares (PSdeG), Francisco Millán Mon (PP), Ana Miranda (BNG), Juan Díaz Villoslada (Sumar) e Javier Nart (Ciudadanos). En anteriores convocatorias electorais, o director xeral dos medios públicos, Alfonso Sánchez Izquierdo, defendeu programar os debates electorais ás 10 da mañá e non en horario de máxima audiencia -como si fai a corporación nas eleccións galegas- para "comezar o día construíndo a axenda da actualidade" e que "os galegos e galegas sexan os primeiros en coñecer a opinión dos seus representantes".

• Resaca das galegas e tentación estatal nunhas eleccións europeas transcendentais
• Europeas 9X: xa están aquí (e poden pactar entre eles)
• 37 anos de eleccións europeas en Galicia: alta abstención e sorpresas nunha cita que ata 2019 dominou o PP
• HEMEROTECA | A CRTVG defende os debates electorais ás 10 da mañá e sinala baixa audiencia dos emitidos á noite noutras canles

O DOG publica os decretos que establecen as estruturas das consellerías do novo Goberno galego saído das eleccións do 18 de febreiro.

• HEMEROTECA | Rueda insire catro caras novas nun Goberno sen vicepresidencias