O accidente dun camión na N-6 no treito cortado da A-6 dificulta aínda máis a comunicación coa Meseta. Coa autovía cortada desde xuño pola caída do viaduto, a primeira hora deste venres un camión quedou colgando na N-6 e reduciu a circulación nela a un só carril para a entrada en Galicia, mentres a circulación cara á Meseta foi desviada a través dunha estrada aínda máis antiga que atravesa a poboación leonesa do Castro. Na imaxe de Google, a estrada pola que foi desviado o tráfico cara á Meseta e, na parte superior, a A-6 da que quedou colgando o camión.
